وزیر دفاع  جناب راج ناتھ سنگھ نے  ملک کے کوئلہ سیکٹر  سے  ہماری تیزی سے  بڑھتی ہوئی  معیشت کی ضرورتوں کو پورا کرنے کے لئے  ہندوستان کے  توانائی تحفظ کو  یقینی بنانے  پر زور دیا۔ کوئلہ وزارت  کے ذریعہ  آج منعقد ایک تقریب کو  مہمان خصوصی کی حیثیت سے خطاب کرتے ہوئے جناب راج ناتھ سنگھ  نے  ملک میں  کوئلہ بلاکوں کی پوری  طرح سے  شفاف  آن لائن نیلامی  کے لئے  کوئلہ وزارت کی  کامیاب کوششوں کی  ستائش  کی۔ یہ  تقریب تجارتی  کوئلہ کانوں کی  نیلامی کے  ساتویں مرحلے کے آغاز  اور نیلامی کے  چھٹے مرحلے  کے  کامیاب  بولی کنندگان  کے ساتھ  معاہدوں پر  دستخط کرنے کے لئے  منعقد کی گئی تھی۔ انہوں نے کہا کہ  موجودہ  سرکار کے ذریعہ  شروع کی گئی اصلاحات میں  ہندوستان کو  عالمی سطح پر  سرمایہ کاری کے لئے  ایک مقبول  مقام بنا دیا ہے۔

تقریب کی صدارت کرتے ہوئے   کوئلہ  ، کانکنی  اور پارلیمانی  امور کے مرکزی وزیر  جناب پرہلاد  جوشی  نے کہا کہ  14  فیصد  اضافے کے ساتھ  امید ہے کہ  کوئلہ پیدا وار   اس مالی سال میں  880  ملین ٹن کے  ریکارڈ عدد  کو  چھونے میں کامیاب ہو گی۔ اور کوئلہ ڈھلائی 900 ملین ٹن تک  پہنچ جانے  کا امکان ہے۔  کوئلہ وزار ت کے ذریعہ  شروع کی گئی  مختلف اصلاحات کے بارے میں جناب جوشی  نے  کہا کہ  خاص طور سے  مخصوص  /  تجارتی کانوں  سے  کوئلہ کی پیدا وار  پہلی بار  100  ملین ٹن  عبور کر گئی ہے۔ وزیر موصوف نے کہا کہ  کوئلہ  سیکٹر  بڑھتی مانگ کو  پورا کرنے کے لئے  پوری طرح سے تیار ہے۔ انہوں نے کہا کہ سال  26-2025  تک  تھرمل  کوئلے  کی پیدا وار  اور برآمدات  میں  مزید اضافہ کرنے کے لئے بھی  تمام  طرح کی  کوششیں جاری ہیں۔ نجی سیکٹر سے  کوئلہ کانوں کی نیلامی میں  زیادہ  سرگرم طریقے سے  حصہ لینے  پر اصرار کرتے ہوئے  جناب جوشی نے  کوئلہ کان سے  جلد پیدا  وار شروع کرنے کے لئے  وزارت کے ذریعہ  دی جارہی  حوصلہ افزائیوں  کو اجاگر  کیا۔

تقریب کو مہمان  اعزازی  کوئلہ ، کانکنی  اور  ریلوے کے وزیر مملکت  جناب  راؤ صاحب پاٹل  دانوے نے بھی  خطاب کیا۔ انہوں نے کہا کہ  بجلی  کی مانگ  تیزی سے بڑھ رہی ہے اور  اقتصادی ترقی کو  مزید بڑھا وا دینے کے لئے کوئلہ  سیکٹر کی  کارکردگی اہم ہے۔ 

 تقریب سے خطاب کرتے ہوئے  کوئلہ سکریٹری جناب امرت لال  مینا  اور  ایڈیشنل سکریٹری  اور  نامزد اتھارٹی  جناب یمناگ راجو  نے  پائیدار  کوئلہ پیدا وار  کو یقینی بنانے کے لئے  وزارت کے ذریعہ  شروع کی گئی مختلف پہلوؤں پر  روشنی ڈالی۔ تجارتی نیلامی کا  فوکس  مقابلہ جاتی  ،  اونچی سرمایہ کاری ،  جدید ترین تکنیک کے استعمال اور  زیادہ  شراکت داری پر مرکوز ہے۔

کوئلہ وزارت نے  آج کُل  106  کوئلہ بلاکوں  کی تجویز کے ساتھ  کوئلہ کانوں کی  تجارتی نیلامی  کے ساتویں مرحلے  کا عمل شروع کیا۔ مجوزہ کان ،  سی ایم ایس پی  ایکٹ  اور  ایم ایم ڈی آر ایکٹ  کے تحت  کوئلہ کانوں  کا  مرکب  ہے ۔ 106  کوئلہ کانوں میں سے  101  کانوں کو  سی ایم ایس پی /  ایم ایم ڈی آر  ایکٹ  کے تحت  70ویں /  ساتویں مرحلے کے تحت  نیلامی کے لئے رکھا جا رہا ہے اور پانچ  کوئلہ کانوں کو  سی ایم ایس پی  /  ایم ایم ڈی آر  ایکٹ  کے تحت  16  ویں  / چھٹے  مرحلے  کی دوسری کی کوشش کے تحت پیش کیا جا رہا ہے۔ 70  ویں / ساتویں  مرحلے کے تحت  پیش کی جارہی  101  کوئلہ کانوں میں سے  32  نئی کوئلہ کانیں ہیں او رپہلے کے مرحلوں  کی  69  کانوں کو  پھر سے  پیش کیا جا رہا ہے۔ اس کے علاوہ  سی ایم ایس پی /  ایم ایم ڈی آر  ایکٹ کے تحت  16  ویں /  چھٹے مرحلے کی  دوسری  کوشش کے تحت  پانچ کوئلہ کانوں کو پھر سے پیش کیا جا رہا ہے، جہاں پہلی کوشش میں  واحد  بولیاں  موصول ہوئی تھیں۔

نیلام کی جارہی کانیں ، کوئلہ /  لیگنائٹ معدنیات  سے بھر پور  ریاستوں میں پھیلی ہوئی ہیں، جن میں  جھار کھنڈ، چھتیس گڑھ، اڈیشہ،  مدھیہ پردیش، مہاراشٹر،  مغربی بنگال،  آندھرا پردیش، تلنگانہ ، راجستھان،  تمل ناڈو  اور بہار  شامل ہیں۔

وزارت  نے  29 کوئلہ کانوں  کے لئے  معاہدوں پر بھی دستخط کئے ہیں، جن کی نیلامی  کوئلہ کانوں کی  تجارتی نیلامی کے  چھٹے مرحلے کے تحت پوری کی گئی تھی۔ 29  کوئلہ کانوں  کی پی آر سی  74  ایم ٹی پی اے  ہے۔ چالو ہونے پر  یہ کانیں  14497  کروڑ روپے  کی  سالانہ ریوینیو  پیدا کریں گی۔ یہ گنتی  ان کوئلہ کانوں  کی پی آر سی کی بنیاد پر کی گئی ہے اور ان سے تقریبا  ایک لاکھ لوگوں کو روز  گار ملے گا۔

ٹینڈر دستاویز کی فروخت  آج  29 مارچ  2023  سے  شروع ہورہی ہے۔ کانوں ، نیلامی کی شرائط ،  وقت کی حد وغیرہ کی تفصیل ایم ایس ٹی سی  نیلامی پلیٹ فارم پر  دیکھی جاسکتی ہے۔ یہ نیلامی  فیصد  ریونیو حصہ داری کی بنیاد پر  ایک شفاف  دو مرحلے والے  عمل کے توسط  سے  آن لائن  منعقد کی جائے گی۔

ایس بی آئی  کیپٹل مارکیٹس  لمیٹڈ، جو کوئلہ کا نوں کی  تجارتی نیلامی کے لئے کوئلہ وزارت  کی  واحد  لین دین  مشاورت کار ہے، نیلامی  عمل  کو چلانے میں  وزارت  کی  مدد کر رہی ہے۔

۔۔۔۔۔۔۔۔۔۔۔۔۔۔۔۔۔۔

(ش ح- ج ق- ق ر)

U-4516