লৈবাক অসিগী পুৱারিদা অহানবা ওইনা, মীৎয়েং শানবা প্রধান মন্ত্রী শ্রী নরেন্দ্র মোদীগী মখাদা অমসুং জল শক্তিগী য়ুনিয়ন মিনিস্তর শ্রী গজেন্দ্র সিংহ সেখাৱাতনা লমজিংদুনা, জল শক্তি মিনিস্ত্রিনা অহানবা ওইনা লৈবাক শীনবা থুংনা ঈশিং ফংবা মফমশিং মশিং থিখ্রে। ঈশিং ফংবা মফমশিং খোপজিনবগী দেতা অমা খোমজিন্নবা অমসুং মহৌশাগী অমসুং খুৎশেমগী ঈশিং ফংবা মফমশিং হায়বদি পুখ্রিশিং, তেঙ্কশিং, পাৎশিং অপুনবা মশিং সেন্সসদগী ফংলে। লম খোপজিনবগী মতাংদা খুঙ্গং অমসুং সহরগী মরক্তা লৈরিবা মান্নদবশিং অমসুং লৈবাক অসিগী ঈশিং ফংবা মফমশিংগী মরুওইবা মরোলশিং সেন্সস অসিদগী খঙবা ঙম্লে।

ঈশিং ফংবা মফমশিংগী লৈবাক্কী অপুনবা দেতাবেজ অমা শেমগৎনবা কেন্দ্রগী স্কিম ‘ইরিগেসন সেন্সস’গী মখাদা হৌদোকখিবা সেন্সস অসি ৬শুবা মাইনর ইরিগেসন সেন্সসকা পুনশিল্লে। ঈশিং ফংবা মফমশিংগী মরুওইবা ৱারোলশিং হায়বদি মখল, ফিবম, লম খোপচিনবগী ফিবম, শীজিন্নবা, ঈশিং তুংবগী চাং অদু খোমজিল্লে। মশিং থিবা অসিদা সহর অমসুং খুঙ্গংশিংদা লৈরিবা শীজিন্নরিবা নত্ত্রগা শীজিন্নদ্রবা ঈশিং লৈবা মফমশিং কোনশিল্লে। মশিং থিবা অদুদা ঈশিং ফংবা মফমশিং শীজিন্নবগী মখল হায়বদি ইথৈ, ইন্দস্ত্রি, ঙা য়োকপা, থক্নবা, নুংঙাইনবা, লাইনিংগী, লৈনুংগী ঈশিং হাপচিনবা অসিনচিংবা কয়া মাইপাক্না পাংথোক্লে অমসুং ভারত পুম্নমক্কী অমসুং রাজ্যশিংগী রিপোর্তশিং ফোঙলে।

সেন্সসতগী ফংবা মরুওইবা ৱারোলশিং মখাদা পীরি:

• লৈবাক অসিদা ঈশিং ফংবা মফম ২৪,২৪,৫৪০ মশিং থিরে, মসিগী মনুংদা চাদা ৯৭.১(২৩,৫৫,০৫৫)না খুঙ্গংগী মফমশিংদা অমসুং চাদা ২.৯(৬৯,৪৮৫)না সহরগী মফমশিংদা লৈরি।
• ঈশিং ফংবা মফম য়াম্না লৈবা মাংজিল থাবা রাজ্য ৫ হায়বদি নোংচুপ বেঙ্গল, উত্তর প্রদেস, অন্ধ্র প্রদেস, ওরিসা অমসুং অসামদা লৈবাক অসিগী ঈশিং ফংবা মফমগী চাদা ৬৩ ফংলি।
• সহরগী মফমশিংদা ঈশিং ফংবা মফম য়াম্না লৈবা মাংজিল থাবা রাজ্য ৫ অদুদি নোংচুপ বেঙ্গল, তামিল নাদু, কেরলা, উত্তর প্রদেস অমসুং ত্রিপুরানি অমসুং খুঙ্গংদা ঈশিং ফংবা মফম য়াম্না লৈবা মকোক থোংবা রাজ্য ৫ অদুদি নোংচুপ বেঙ্গল, উত্তর প্রদেস, অন্ধ্র প্রদেস, ওরিসা অমসুং অসামনি।
• ঈশিং ফংবা মফমশিংগী চাদা ৫৯.৫না পুখ্রিশিং, চাদা ১৫.৭না তেঙ্কশিং, চাদা ১২.১না রিজার্বরশিং, চেক দামশিংনা চাদা ৯.৩, পাৎশিংনা চাদা ০.৯ অমসুং অতোপ্পশিংনা চাদা ২.৫নি।
• ঈশিং ফংবা মফমশিংগী চাদা ৫৫.২না লনাই মীওইশিংনা মপু ওইরি অমসুং চাদা ৪৪.৮না সরকারনা মপু ওইরি।

• সরকারগী ঈশিং ফংবা মফমশিংগী মনুংদা অয়াম্বা শরুক পঞ্চায়তশিং, রাজ্যশিংগী ইরিগেসন/ৱাতর রিছোর্স দিপার্তমেন্তনা মপু ওইরি।
• লনাইগী ঈশিং ফংবা মফমশিংগী মনুংদা, অয়াম্বা ঈশিং ফংবা মফমশিং লনাই মীওইশিং/লৌমী কাংবুগী অমসুং অতোপ্পা লনাই বোদিশিংগী ওইরি।

• লনাই মীওইশিংনা মপু ওইবা ঈশিং ফংবা মফম খ্বাইদগী য়াম্না লৈবা মকোক থোংবা রাজ্য ৫ অদুদি নোংচুপ বেঙ্গল, অসাম, অন্ধ্র প্রদেস, ওরিসা অমসুং ঝারখান্দনি।
• ঈশিং ফংবা মফম পুম্নমক্কী মনুংদা অয়াম্বা শরুক ঙা য়োকপা অমসুং ইথৈগী শীজিন্নরি।

• ঈশিং ফংবা মফমগী অয়াম্বা শরুক ঙা য়োকপদা শীজিন্নবা মাংজিল থাবা রাজ্য ৫ দি নোংচুপ বেঙ্গল, অসাম, ওরিসা, উত্তর প্রদেস অমসুং অন্ধ্র প্রদেসনি।
• ঈশিং ফংবা মফমগী অয়াম্বা শরুক ইথৈগী শীজিন্নবদা মাংজিল থাবা রাজ্য ৫ অদুদি ঝরাখান্দ, অন্ধ্র প্রদেস, তেলঙ্গানা, নোংচুপ বেঙ্গল অমসুং গুজরাতনি।

• ঈশিং ফংবা মফমশিংগী চাদা ৭৮না মীওইবনা শেম্বা অমসুং চাদা ২২না মহৌশাদগী লৈরকপনি। মশিং থিরবা ঈশিং ফংবা মফমশিংগী চাদা ১.৬(৩৮,৪৯৬) খোপচিনবগী মনুংদা চাদা ৯৫.৪না খুঙ্গংগী মফমশিংদা অমসুং চাদা ৪.৬না সহরগী মফমশিংদনি।

• ঈশিং ফংবা মফম অসি ২৩,৩৭,৬৩৮নি। হায়রিবা ঈশিং ফংবা মফমশিংগী চাদা ৭২.৪না হেক্তর ০.৫ য়ৌদবা মফমদা লৈরি, চাদা ১৩.৪না হেক্তর ০.৫-১, চাদা ১১.১না হেক্তর ১-৫ অমসুং চাদা ৩.১না হেক্তর ৫দগী হেনবা মফমশিংদা লৈরি।

ভারত্তা মখল কয়াগী ঈশিং ফংবা মফমশিং লৈরি। চাউখৎপদা ঈশিং অসি য়াম্না মরুওইবা মচাক অমনি। ঈশিং অসি পুন্সিদা চঙদ্রবা য়াদ্রবা অমনি। ঈশিং অসি হঞ্জিন-হঞ্জিন শীজিন্নবা য়াই অদুবু মসি মরাংকাইনা ফংদে অমসুং মতমগী মতুংইন্না ঈশিং ফংবা অমসুং দরকার ওইবগী অহোবা অসি হেনগৎলক্লি। মরম অদুনা ঈশিং ফংবা মফমশিং ঙাক-শেনবা হায়সি তঙাইদবা থবক ওইরে। লৈবাক্কী লন অমা ওইনা ঈশিং ফংবা মফমশিং শেমগৎনবা, ঙাক-শেন্নবা অমসুং য়েংশিন্নবা জল শক্তি মিনিস্ত্রিনা চৎন-কাংলোশিং শেম্লে অমসুং থৌরম কয়া পায়খৎলে।

লৈবাক অসিগী য়ুমথোঙ খুদিং অফবা থক্নবা ঈশিং ফংহন্নবা, খুঙ্গংদা লমহাংদা খোঙহাম্বা তোক্নবা, গঙ্গা তুরেল অমসুং মসিগী মশাশিং হিঙ্গৎহন্নবা, হৌজিক লৈরিবা দামশিং মথৌ ফজনা পাংথোকপা হেনগৎহন্নবা মিনিস্ত্রিনা থৌরম কয়া পায়খৎলি। মিনিস্ত্রি অসিনা লৈবাক অসিগী ঈশিং ফংবা মফমশিং য়েংশিনবা, শেমগৎপা অমসুং কাংলোন শেম্বগী থবকশিং পায়খৎলি।

জল শক্তি মিনিস্ত্রিগী ৱাতর রিছোর্স দিপার্তমেন্তগী সেক্রেতরিগী লমজিং মখাদা মিনিস্ত্রি অসিগী মাইনর ইরিগেসন(স্তেৎ)ৱিংগী ওফিসারশিং অমসুং স্তাফশিংনা কন্না হোৎনবদগী মসিগী রিপোর্ত অসি পুথোকপা ঙম্বনি। মিনিস্ত্রগী আই.ই.সি দিবিজন্না সেন্সস রিপোর্ত লৈবাক শীনবা থুংনা ফংহল্লে অমসুং মরুওইনা লৈঙাকপশিং, থৌশিল শেম্লিবশিং, অখঙ-অহৈশিং, লৌউ-শিংউ অমসুং ঈশিংগী সাইন্তিস্তশিংদা ফংহল্লে।

দিপার্তমেন্তগী ৱেবসাইত্তা সেন্সস রিপোর্ত ফংলে: https://jalshakti-dowr.gov.in.

ভুবান পোর্তেলগী মখাদা মরুওইবা ফলশিংসু ফংলে।

ভারত পুম্বগী রিপোর্ত লৌথনবা লিঙ্ক: https://jalshakti-dowr.gov.in/document/all-india-report-of-first-census-of-water-bodies-volume-1/ ;

রাজ্যশিংগী রিপোর্ত: https://jalshakti-dowr.gov.in/document/state-wise-report-of-first-census-of-water-bodies-volume-2/

*****