প্রধানমন্ত্রীগী লোইশঙ
প্রধান মন্ত্রীনা সুদানগী ঙাক-শেনগী ফিবম য়েংশিনখ্রে
Posted On:
21 APR 2023 3:52PM by PIB Imphal
ঙসি প্রধান মন্ত্রী শ্রী নরেন্দ্র মোদীনা লুচিংদুনা ভিদিও কনফরেন্সকী খুৎথাংদা অৱাংবা থাক্কী মীফম অমা পাংথোক্তুনা সুদানগী ঙাক-শেনগী ফিবম য়েংশিনখ্রে। মীফম অদুদা এক্সতর্নেল এফেয়ার্স মিনিস্তর, নেসনেল সেকুরিতি এদভাইজর, সুদান্দা লৈবা ভারতকী এম্বেসেদর অমসুং অতোপ্পা সেনিয়ার ওফিসিএলশিং শরুক য়াখি।
মীফম অদুদা প্রধান মন্ত্রীনা হৌজিক ওইরিবা সুদানগী ফিবমশিং য়েংশিনখি অমসুং লৈবাক অদুগী মফম কয়াদা লৈরিবা ভারতমচা ৩,০০০ হেনবা অশোই-অঙাম থোক্তনবা পান্দমদা মফম অদুদা ওইরিবা ফিবমশিংগী পাউ হকথেংন্না লৌখি।
হৌখিবা চয়োলদা হাইদোরকপা নোংমৈ মরু অমনা পানবদগী ভারতমচা অমা লৈখিদবদা প্রধান মন্ত্রীনা অৱাবা ফোঙদোকখি।
মরী লৈনবা ওফিসিএলশিং মীকুপ-নাহুম শিংনা লৈনবা, ওইরক্লিবা ফিবমশিং কুপ্না য়েংশিন্নবা অমসুং সুদান্দা লৈরিবা ভারতমচাশিং তেক্ত-কাইদনা লৈনবা ফিবমশিং লেপ্তনা য়েংশিন্নবা অমসুং পাংবা য়াবা মতেংশিং পাংনবা প্রধান মন্ত্রীনা পাউতাক পীখি। য়াম্না তোইনা হোঙলক্লিবা ঙাক-শেনগী ফিবমশিংগী মতুংইন্না অথু-অকায়গী ওইনা মী হোন্দোক্নবা থৌরাং তৌনবা অমসুং থবক ওইনা পাংথোকপা য়াবা অতোপ্পা থৌরাংশিং শেম-শানবা প্রধান মন্ত্রীনা খঙহনখি।
সুদানগা য়ুম্লোন্নরিবা লৈবাকশিং অমসুং সুদান্দা লৈরিবা ভারতমচাশিংগা পাউ ফাউন্নবা প্রধান মন্ত্রীনা তকশিনখি।
*****
(Release ID: 1918584)
Visitor Counter : 117
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam