প্রধান মন্ত্রী শ্রী নরেন্দ্র মোদীগী শান্তি লৈবা অমসুং নুংঙাই য়াইফবা অৱাং নোংপোক অমগী পান্দম ফংহন্নবগীদমক্তা অসম অমসুং অরুনাচল প্রদেশকী মতম শাংনা য়েৎনদুনা লাক্লবা ঙমখৈগী য়েৎনবা অমগী ৱারোইশিন পুরকপা পুৱারী ওইরবা য়ানচে অমা ঙসি নই দিল্লীদা কেন্দ্রগী গৃহ অমসুং কোওপরেসন মন্ত্রী, শ্রী অমিত শাহ য়াওবা থৌরম অমদা খুৎয়েক পীনখ্রে। অৱাং নোংপোক্তা শান্তি পুরক্নবগীদমক্তা মোদী সরকারনা পায়খৎলিবা মরু ওইবা খোঙথাংশিংগী শরুক অমা ওইরিবা মরু ওইবা য়ানচে অসি অসম অমসুং অরুনাচল প্রদেশকী মুখ্য মন্ত্রীশিংনা খুৎয়েক পীখি। কেন্দ্রগী লো মন্ত্রী, শ্রী কিরেন রিজিজু, কেন্দ্রগী হোম সেক্রেতরী অমসুং কেন্দ্র অমসুং রাজ্যগী অতোপ্পা সেনিয়র ওফিসরশিংসু ঙসিগী থৌরম অসিদা শরুক য়াখি।

গৃহ অমসুং কোওপরেসনগী কেন্দ্র মন্ত্রী, শ্রী অমিৎ শাহনা অসম অমসুং অরুনাচল প্রদেশকী মরক্তা লৈবা কিলোমীতর 700 হেন্না শাংবা ঙমখৈগী য়েৎনবা অমা দিকেদ কয়াদগী লৈরক্লিবা অসিগী অরোইবা ৱারোইশিন পুরক্তুনা ঙসি য়াম্না পুৱারী ওইরবা মিৎকুপ অমা ঐখোয়না উবা ফংলে হায়খি। য়েৎনবা অসিগী লোকেল কম্মিসনগী রিপোর্ত অমা দিকেদ কয়াদগী লৈরক্লি, অদুবু ঙসিদি রাজ্য অনিমক্না মদুবু য়াজরে। ঙসিগী য়ানবা অসিনা প্রধান মন্ত্রী শ্রী নরেন্দ্র মোদীগী চাউখৎপা, শান্তি লৈবা অমসুং ইররাং লৈতবা অৱাং নোংপোক লমদম অমগী মঙলান ফংহনবগী মাইকৈদা পায়খৎপা মশক থোকপা খোঙথাং অমা ওইগনি হায়না শ্রী শাহনা হায়খ্রে।

শ্রী নরেন্দ্র মোদীগী লুচিং মখাদা ভারত সরকারনা ইং 2018দগী হৌদুনা অৱাং নোংপোক লমদমদা মীহাৎ মীপুনগী থবক লোইশিন্দুনা শান্তি পুরক্নবগীদমক্তা BRU, NLFT, কার্বী আংলোং, ত্রাইবেল পিস এক্কোর্দ কয়া য়াওনা তোঙান-তোঙানবা য়ানচে কয়াগী খুৎয়েক পীনখ্রে। য়ানচেশিং অসিনা মরম ওইদুনা, অৱাং নোংপোক লমদম অপুনবদা শান্তি লৈবা হৌরক্লে, খুৎলায় পায়বা নহা 8000 হেনবনা মশাগী খুৎলায় থাদোক্তুনা মীয়ামগী পুন্সিদা অমুক চঙজরকখ্রে হায়না মহাক্না হায়খি।ইং 2014গা চাংদম্নরুবা মতমদা, অৱাং নোংপোক লমদমদা ইরাং থোকপগী মতাংদা চাদা 67 হন্থরে, সেক্যুরিতী ফোর্স শিবগী হীরমদা চাদা 60 হন্থরে অমসুং মীচম শিবগী হীরমদা চাদা 83 হন্থরে, মসিদি প্রধান মন্ত্রী শ্রী নরেন্দ্র মোদীগী লুচিং মখাদা লৈরিবা সরকার অসিগী অচৌবা মায় পাকপা অমনি হায়না শ্রী শাহনা হায়খি। মোদী সরকারনা অৱাং নোংপোক্কী মফম কয়াদগী AFSPA লৌথোকখ্রে হায়না মহাক্না হায়খি। অসমগী পুলিস সেতসন 70%, মনিপুরগী জিলা 6কী পুলিস স্তেসন 15, অরুনাচলগী জিলা 3 নত্তনা অতোপ্পা জিলা খুদিং, নাগালেন্দগী জিলা 7 অমসুং ত্রিপুরা অমসুং মেঘালয় অপুনবা অসি হৌজিক্তি AFSPAদগী নিংতম্লে।

মোদী সরকারগী হোৎনজমনগী মতুং ইন্না, অৱাং নোংপোক লমদমদা হীরম খুদিংগী চাউখৎ থৌরাং উবা ফংলে, অমসুং লমদম অসিনা চাউখৎপগী লম্বীদা চৎলি হায়না কেন্দ্রগী গৃহ মন্ত্রীনা হায়খি। প্রধান মন্ত্রীনা অৱাং নোংপোক্তা 50 রক হেন্না চৎখ্রে অমসুং লোল, চৎনবী, লিতরেচর, ফিজেৎ-চাকচাবু মতম পুম্বদা পুক্নিং থৌগৎলি। পি.এম. মোদীনা অসমগী বিহু কুহ্মৈদা ৱর্ল্দ রেকোর্দ থমখিবা লোকেলগী বিহু জগোয় অমা,  মিৎয়েং তাখি, মহাক্না ইয়েংবদগী জগোয় অদু মালেম পুম্বদা মমিং চৎখি। প্রধান মন্ত্রী শ্রী নরেন্দ্র মোদীগী লুচিং মখাদা লৈরিবা ভারত সরকারগী মাইকৈদগী রাজ্য অনিমক্কী মীয়াম্বু থাগৎলদুনা মসিগী য়ানচে অসিনা রাজ্য অনিমক য়াওনা অপুনবা অৱাং নোংপোক্কী য়াইফরবা য়াইফরবা মতৌ অমা ওইরগনি অমসুং চাউখৎ থৌরাংগী অনৌবা থোঙ কয়া হাংদোক্লগনি হায়না শ্রী শাহনা হায়খি। 

মতম কয়াদগী পন্দুনা লৈরবা শিংনবা অসিগী ৱারোইশিন পুরক্নবগীদমক্তা অসমগী মুখ্য মন্ত্রী, শ্রী হিমন্তা বিস্বা শর্মা, অরুনাচল প্রদেশকী মুখ্য মন্ত্রী শ্রী পেমা খন্দুনা লৌখিবা থৌদাংশিংবু শ্রী অমিত শাহনা থাগৎখি। চয়েৎনবা অসিগী ৱারোইশিন পুরক্নবা রিজনেল কম্মিতী অমা শেমখি, মীচম মীয়ামগা ৱারী শাখি অমসুং থৌওং অসিদা মীপুম খুদিংবু শরুক য়াহন্নবা রাজ্য অনিনা থবক পায়খৎখি হায়না মহাক্না হায়খি।

রাজ্য অনি অসিগী ঙমখৈদা লৈবা খুঙ্গং 123গী চয়েৎনবা অসি মখোয়গী পুৱারী, দেমোগ্রাফী, এদমিনিস্ত্রেতিব কনভেনিএন্স, ঙমখৈগা নক্নবা অমসুং মসিদা খুন্দারিবা মীয়ামগী অপাম্বশিং য়েংদুনা ঙসিগী য়ানচে অসিনা ৱারোইশিন পুরকখি। য়ানচে অসিগী মখাদা, রাজ্য অনিমক্না চয়েৎনবা লৈরিবা খুঙ্গং 123গী শিংনবশিংগী ৱারোইশিন পুরক্লিবা অসিনা অরোইবা ৱারোইশিন ওইগনি অমসুং রাজ্য অমত্তনা তুংগী মতমদা মফম নত্ত্রগা খূঙ্গং অমত্তদা অনৌবা ক্লেম তৌররোই। য়ানচে অসিগী মতুংদা, রাজ্য অনিমক্কী মীহুত য়াওদুনা সর্ভে ওফ ইন্দিয়ানা রাজ্য অনিগী ঙমখৈ লেপ্নবা অকুপ্পা সর্ভে অমা চত্থগনি।

প্রধান মন্ত্রী শ্রী নরেন্দ্র মোদীগী লুচিং মখাদা, ভারত সরকারনা মরী লৈনবা রাজ্যশিংনা শরুক য়াদুনা রাজ্য মশেলগী মরক্তা ঙমখৈগী য়েৎনবা লৈবা খুদিংগী ৱারোইশিন পুরক্নবা ফম্বাক শীন্দুনা লাক্লি। পি.এম. মোদীনা হোৎনবদগী অসম অমসুং অরুনাচল প্রদেশকী মরক্তা পুরক্লিবা য়ানবা অসিনা কোওপরেতিব ফেদেরেলিজমগী মায় পাকপা খুদম অমা ওইরগনি অমসুং মসিনা অতোপ্পা রাজ্যশিংগী ঙমখৈগী চয়েৎনবা লোইশিনবগী রোদমেপ অমসু পীরগনি।

……………..