دیہی ترقی کی وزارت کی دین دیال انتیودیہ یوجنا-قومی دیہی روزی روٹی مشن (ڈی اے وائی۔ این آر ایل ایم) نے آج آزادی کا امرت مہوتسو سماویشی وکاس کے تحت ایک قومی مہم ’’سنگٹھن سے سمردھی- کسی دیہی خاتون کو پیچھے نہیں چھوڑتے ہوئے‘‘ شروع کیا، جس کا مقصد 10 کروڑ اہل دیہی گھرانوں سے تعلق رکھنے والی خواتین کو متحرک کرنا ہے۔  یہ خصوصی مہم 30 جون 2023 تک جاری رہے گی اور تمام کمزور اور پسماندہ دیہی گھرانوں کو سیلف ہیلپ گروپ(ایس ایچ جی) کے تحت لانااس کا خاص مقصد ہے تاکہ وہ اس پروگرام کے تحت فراہم کردہ فوائد حاصل کرسکیں۔

مہم کا بنیادی مقصد پسماندہ دیہی برادریوں کو متحرک کرنا ہے جو ڈی اے وائی ۔ این آر ایل ایم پروگرام کے فوائد سے بے خبر ہیں۔ مہم کو تمام ریاستوں میں منظم کیا جائے گا، اس مدت کے دوران، کچھ اقدامات کے ساتھ ، جن میں گاؤں کی تنظیموں کی جنرل باڈی میٹنگز کا انعقاد اورخود امدادی گروپوں کا پروگرام چلانےوالوں کے ذریعے تجربہ کا اشتراک، ایس ایچ جیز میں شامل ہونے کے لیے ابھی تک باہر رہ جانے وا لے گھرانوں کی حوصلہ افزائی کرنا، کمیونٹی ریسورس پرسن ڈرائیوز کا انعقاد،پی ایم اےوائی ۔ جی سے مستفید ہونے والے گھرانوں کی اہل خواتین کو متحرک کرنا، نئے خود امدادی گروپوں کے ممبروں کو تربیت دینا، ناکارہ خود امدادی گروپوں کو بحال کرنا، خود امدادی گروپوں کے بینک اکاؤنٹس کھولنا اور خود امدادی گروپوں کا مشترکہ ڈیٹا بیس بنانا جو دوسرے اسٹیک ہولڈرز کے ذریعے فروغ دیا گیا ہے،  1.1 لاکھ سے زیادہ خود امدادی گروپوں (ایس ایچ جیز) کی تشکیل کی توقع ہے۔

اس مہم کا آغاز دیہی ترقی اور پنچایتی راج کے وزیر جناب گری راج سنگھ نے نئی دہلی میں دیگر وزارتوں اور نمایاں ساجھیدار بینکوں کے معززین اور عہدیداروں کی موجودگی میں کیا۔ اس کے علاوہ، سکریٹری - دیہی ترقی  جناب شیلیش کمار سنگھ، ایڈیشنل سکریٹری - دیہی معاش جناب چرنجیت سنگھ، اور محترمہ اسمرتی شرن، جوائنٹ سکریٹری – دیہی معاش بھی موجود تھیں۔ یہ شخصیتیں  وزارت اور ڈی اے وائی ۔ این آر ایل ایم کی نمائندگی کر رہی ہیں۔ اس تقریب کے دوران دیگر قابل ذکر مہمانوں میں سی ای او، مشن ڈائرکٹرس اور ریاستی دیہی روزی روٹی مشن کے عملے کے سینئر افراد موجود تھے۔

اس موقع پر خطاب کرتے ہوئے  جناب گری راج سنگھ نے کہا، ’’دیہی آبادی ہندوستان کی کل آبادی کا 65 فیصد ہے۔ لہٰذا، یہ انتہائی ضروری ہے کہ ان علاقوں کی خواتین کو ہر ممکن مواقع فراہم کیے جائیں تاکہ وہ ہمارے ملک کو 5 ٹریلین کی معیشت بنانے میں اہم کردار ادا کر سکیں۔ جب 10 کروڑ  ایس ایچ جی ممبران سبھی لکھپتی دیدی بن جائیں گے، تو اس کا خود بخود ملک پر کافی اثر پڑے گا۔ جی ڈی پی اور یہی وہ وژن تھا جس کے ساتھ ڈی اے وائی ۔ این آر ایل ایم شروع کیا گیا تھا تاکہ ہر دیہی گھرانے سے کم از کم ایک خاتون رکن سیلف ہیلپ گروپ میں شامل ہو سکے اور اس پروگرام کے تحت پیش کیے جانے والے مواقع اور مالی مدد سے فائدہ اٹھا کر اپنی معاش کو بہتر بنا سکے۔ مجھے خوشی ہے۔ کہ آزادی کے 75 سال کا جشن منانے کے موقع پر، ہم ایس ایچ جی تحریک کا حصہ بننے والی 9 کروڑ خواتین کے لیے اضافی 1 کروڑ خواتین کو متحرک کرنے کے لیے یہ ’’سنگٹھن سے سمردھی‘‘ مہم شروع کر رہے ہیں۔ لیکن یہ  10 کروڑ کی تعداد ہماری آخری حدنہیں ہوگی ۔ آئیے اس سے آگے بڑھیں اور اس بات کو یقینی بنائیں کہ ملک بھر کی تمام دیہی خواتین خود ا مدادی گروپ تحریک میں شامل ہوں۔ میں اپنے تمام ایس ایچ جی اراکین سے گزارش کرتا ہوں کہ وہ اپنے اپنے گاؤں میں اب تک پروگرام سے باہر رہ جانےوالی خواتین تک پہنچیں اور انہیں موجودہ خود امدادی گروپوں میں شامل ہونے یا خود اپنے خود امدادی گروپس بنانے کی ترغیب دیں۔

تمام ریاستوں کی ایس ایچ جی خواتین نے اس تقریب میں بڑھ چڑھ کر حصہ لیا اور بہار، تریپورہ، تلنگانہ، مہاراشٹرا اور ہریانہ کی خواتین نے اپنے تجربات کا اشتراک کیا کہ کس طرح خود امدادی گروپ ، ڈی اے وائی ۔ این آر ایل ایم تحریک نے ان کو معاشی آزادی اور سماجی طور پر بااختیاری کی طرف لے جانے  والے معاش کے مواقع پیدا کرکے غربت سے باہر آنے میں مدد کی۔

**********

ش ح۔ س ب ۔ ف ر

U. No.4258