ہندوستان میں سب سے بڑی بجلی پیدا کرنے والی کمپنی، این ٹی پی سی اور فورٹم گروپ کی ذیلی کمپنی اور کیمپولس انڈیا نے بونگائی گاؤں، آسام میں بانس پر مبنی بایو ریفائنری کے قیام کے امکانات کا مطالعہ کرنے کے لیے مفاہمت کی ایک یادداشت (ایم او یو) پر دستخط کیے ہیں۔ کیمپولس این ٹی پی سی کے ساتھ مل کر اس پروجیکٹ کے لیے امکانات پر کرے گا جس میں بانس کا استعمال 2جی ایتھنول، تھرمل پاور پلانٹس کے لیے بایو کوئلہ اور دیگر قدر افزا مصنوعات کے لیے کیا جائے گا۔ ایم او یو پر گزشتہ ہفتے جناب دلیپ کمار پٹیل، ڈائریکٹر-ایچ آر، این ٹی پی سی، جناب اشوک کمار کالرا، ڈائریکٹر-ایچ آر، ای آئی ایل اور جناب مارکس الہولم، صدر اور سی ای او، کیمپولس کی موجودگی میں دستخط کیے گئے۔

اس مجوزہ بایو ریفائنری کو این ٹی پی سی بونگائی گاؤں پاور پلانٹ کے ساتھ انٹیگریشن پروجیکٹ کے طور پر قائم کیا جانا ہے جہاں این ٹی پی سی کی تمام ضروریات جیسے بھاپ، بجلی وغیرہ پاور پلانٹ سے فراہم کی جائیں گی اور بایو کوئلہ جزوی طور پر بایو ریفائنری کے ذریعے تیار کیا جائے گا، جس سے پیداوار کے 5 فیصد کو مؤثر طریقے سے گرین انرجی میں تبدیل کیا جائے گا۔ یہ پروجیکٹ این ٹی پی سی کی ازالہ کاربن کی کوششوں کو تقویت دے گا، روزگار کے مواقع پیدا کرے گا اور مقامی طور پر دستیاب وسائل کے استعمال کو فروغ دے کر ایک پائیدار ماڈل بنائے گا۔

**************

ش ح۔ ف ش ع- ک ا

U: 4248