য়ুমলৈ-কৈরৈ মন্ত্রালয়
কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা ঙসি উত্তর প্রদেশকী কৌশম্বিদা কৌশম্বি
মাহোতসব-২০২৩ শঙ্গাবা, লোইননা লুপা করোর ৬১৩গী ওইবা চাউখৎ-থৌরাংগী প্রোজেক্ত কয়া অমগী মাইখুম হাংদোকপা অমসুং উরেপ-উয়ুং তম্বা
প্রধান মন্ত্রী, শ্রী নরেন্দ্র মোদীগী ‘খেলো ইন্দিয়া’গী মরু ওইবা মন্ত্রদি ইচং থৌবা অমসুং অফবা হকচাং অমসুং অফবা ৱাখল লৈহন্নবনি
‘সন্সদ খেলকুদ স্পার্ধা’গী মখাদা চাউরাক্না নহা ১৬০০০ রোম্না ওনলাইনগী খুত্থাংদা এপ্লাই তৌখি, মসিগী মনুংদা শানরোই ৩৩২৪দা মনা পীখি
প্রধান মন্ত্রী, শ্রী নরেন্দ্র মোদীনা লৈবাক অসিবু অসোই-অঙাম লৈতবা অমসুং নুংঙাই-য়াইফবা লৈবাক অমা ওইনা মালেম শিনবা থুংনা ভারত অসিগীদমক্তা ইকাইখুম্নবা হেনগৎহনখ্রে, লোইননা লৈবাক অসিগী দেমোক্রেসী অসিবু কাস্তিজম, নেপোতিজম অমসুং অপীজমেন্ত লৈতবা লৈবাক অমা ওইহল্লে
দেমোক্রেসী অমসুং ‘আইদিয়া ওফ ইন্দিয়া’ অসি খুদোংথিনিংঙাই ওইদ্রে অদুবু ‘আইদিয়া ওফ দাইনেস্তী’ অসি লৈবাক অসিদা খুদোংথিনিংঙাই ওইরে মরমদি মীয়াম্না নেপোতিজম অমসুং অপীজমেন্তকী পোলিতিক্স অসি য়াদ্রে
ওপোজিশন্না পার্লিয়ামেন্তকী বজেত মনুংদা মতম মাংহনখি, লৈবাক অসিগী মীয়াম্না কৈদৌনুংদা মখোয়বু ঙাকপীরোই
প্রধান মন্ত্রী, শ্রী নরেন্দ্র মোদীনা অয়োধ্যাদা রাম মন্দিরগী উরেপ-
Posted On:
07 APR 2023 7:02PM by PIB Imphal
কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা ঙসি উত্তর প্রদেশকী কৌশম্বিদা কৌশম্বি মাহোতসব-২০২৩ শঙ্গাবা, লোইননা লুপা করোর ৬১৩গী ওইবা চাউখৎ-থৌরাংগী প্রোজেক্ত কয়া অমগী মাইখুম হাংদোকখ্রে অমসুং উরেপ-উয়ুং তমখ্রে। মসিদা লুপা করোর ৪০৫ রোমগী ওইগদবা পব্লিক ৱার্কস দিপার্তমেন্তকী স্কীম ৭০ অমসুং য়ুথ ৱেলফিয়র, স্পোর্তস, অর্বান দেবেলপমেন্ত অমসুং ভেকেস্নেল এজুকেশন য়াওনা লুপা করোর ৫১ রোমগী ওইগদবা দিপার্তমেন্ত ১২গী প্রোজেক্ত ২৪গী ইনোগুরেশন য়াওরি। মসিগা লোইননা, লুপা করোর ১৫১ রোমগী ওইগদবা প্রধান মন্ত্রী গ্রাম সরক য়োজনা ফেজ-IIIগী স্কীম ১৯ অমসুং লুপা করোর ৬ রোমগী ওইগদবা হেল্থ অমসুং অর্বান দেবেলপমেন্ত দিপার্তমেন্তকী স্কীম ৪গী উরেপ-উয়ুংসু তমখি। উত্তর প্রদেশকী মুখ্য মন্ত্রী, শ্রী য়োগি অদিত্যনাথ অমসুং উপ মুখ্য মন্ত্রী, শ্রী কেসব প্রসাদ মাওর্যা য়াওনা দিগ্নিতরী কয়া অমনা মসিগী থৌরম অসিদা শরুক য়াখি।
শ্রী অমিত শাহনা ৱা ঙাংবা মতমদা হায়খি মদুদি কৌশম্বিদা ঙসি লুপা করোর ৬৫০দগী হেনবা চাউখৎ-থৌরাংগী প্রোজেক্তশিং শঙ্গাখ্রে হায়না হায়খি। মহাক্না হায়খি মদুদি প্রধান মন্ত্রী , শ্রী নরেন্দ্র মোদীনা পার্লিয়ামেন্ত মেম্বর খুদিংমকপু স্পোর্তস ফেস্তিবলশিং শিন্নবা পুক্নিং থৌগৎখি। মসিগী ৱাখল্লোন অসিবু পুখত্তুনা, পার্লিয়ামেন্তকী মেম্বরশিংনা থৱাই-হকচাং য়াওনা অমসুং য়াম্না কন্না হোৎনদুনা নহাশিংনা শান্নবগীদমক্তা কৌশম্বি মাহোতসবকী মওংদা প্লেতফোর্ম অমা পীরি। পার্লিয়ামেন্তকী মেম্বরশিংনা হৌদোকপা ‘সন্সদ খেলকুদ স্পার্ধা’দা শরুক য়ানবা চাউরাক্না নহা ১৬০০০ রোম্না ওনলাইনগী খুত্থাংদা এপ্লাই তৌখি, মসিগী মনুংদা শানরোই ৩৩২৪দা মনা পীখি। গেমশিং অসিদা শরুক য়ারিবা মীপুম খুদিংমকপু থাগৎখি, শ্রী শাহনা হায়খি মদুদি প্রধান মন্ত্রী, শ্রী নরেন্দ্র মোদীগী ‘খেলো ইন্দিয়া’গী মরু ওইবা মন্ত্রদি ইচং থৌবা অমসুং অফবা হকচাং অমসুং অফবা ৱাখল লৈহন্নবনি অমসুং মসিবু ঐখোয় খুদিংমক্না মখাতানা পুখৎকদবনি।
কেন্দ্রগী য়ুমলৈ-কৈরৈ অমসুং কোওপরেশনগী মন্ত্রীনা হায়খি মদুদি লোর্দ বুধা অমসুং মহাবিরগী মতমদা, জনপদ ১৬কী মরক্তা কৌশম্বি অসি ৱতস জনপদকী কোনুং ওইরম্মি। মতম অদুদা, মগধাগুম্বা য়াম্না চাউবা জনপদ কয়া অমা চাউখৎচরবসু কৌশম্বি অসি খ্বাইদগী চাউখৎপা অমা ওইনা খন্নরম্মি। মহাক্না হায়খি মদুদি লোর্দ শ্রী রামা, অমসুং কলিঙ্গাবু খুদুম চল্লবা মতুংদা চক্রৱর্তী সাম্রাত অশোকানা মসিগী চাউখৎলবা মফম অসিদা লাকখি। শ্রী শাহনা ভগত সিংগা লোইননা ব্রিতিশকী মায়োক্তা থৌনা ফনা লান্থেংমিনখিবা কৌশম্বিগী য়াম্না মমিং লৈরবা নিংতম লান্মী দুর্গা ভাভিদসু হৈকৎ-লৈকৎ তমখি। মহাক্না কৌশম্বিগী কারেন্তি থোংবু দুর্গা ভাভি থোং হায়না অমুক হন্না মিংথোনবগীদমক্তা উত্তর প্রদেশকী সরকারবু থাগৎপা ফোংদোকখি।
শ্রী অমিত শাহনা হায়খি মদুদি লৈবাক অসিবু অসোই-অঙাম য়াওদবা অমসুং নুংঙাই-য়াইফবা লৈবাক অমা ওইহন্দুনা, প্রধান মন্ত্রী, শ্রী নরেন্দ্র মোদীনা মালেম শিনবা থুংনা ভারতকীদমক্তা ইকাইখুম্নবা হেনগৎহনখ্রে। প্রধান মন্ত্রী মোদীনা ২০১৯গী ওগস্ত ৫দা আর্তিকল ৩৭০ মুত্থৎখি। রামলালাগী পোক্নফম লমদম অয়োধ্যাদা মহাক্কী মন্দির শাবা অদু চহি কয়া অমগীদমক্তা পন্দুনা লৈরকখি। প্রধান মন্ত্রী, শ্রী নরেন্দ্র মোদীনা আয়োধ্যাদা রাম মন্দিরগী উরেপ-উয়ুং তমখি অমসুং হৌজিক্তি লোর্দ শ্রী রামানা মহাক্কী মন্দিরদা য়াম্না থুনা লৈরগনি। শ্রী শাহনা হায়খি মদুদি দেমোক্রেসী অমসুং ‘আইদিয়া ওফ ইন্দিয়া’ অসি খুদোংথিনিংঙাই ওইদে অদুবু ‘আইদিয়া ওফ দাইনেস্তী’ অসি লৈবাক অসিদা খুদোংথিনিংঙাই ওইরে মরমদি মীয়াম্না নেপোতিজম অমসুং অপীজমেন্তকী পোলিতিক্স অসি য়াদ্রে। মহাক্না মখা তারকখি মদুদি ওপোজিশন্না পার্লিয়ামেন্তকী বজেত মনুংদা মতম মাংহনখি, লৈবাক অসিগী মীয়াম্না কৈদৌনুংদা মখোয়বু ঙাকপীরোই। প্রধান মন্ত্রী, শ্রী নরেন্দ্র মোদীনা লৈবাক অসিবু কাস্তিজম, নেপোতিজম অমসুং অপীজমেন্ত খুরক্তগী লৈবাক অসিগী দেমোক্রেসী অসিবু মনিং-মখা তমহনখি অমসুং লাইরবশিংগী য়াইফ-থৌরাংগীদমক্তা স্কীম কয়া অমা শেমখি।
কেন্দ্রগী য়ুমলৈ-কৈরৈ অমসুং কোওপরেশনগী মন্ত্রীনা হায়খি মদুদি মুখ্য মন্ত্রী, শ্রী য়োগি অদিত্যনাথকী লুচিং মখাদা উত্তর প্রদেশ অসি চাউখৎ-থৌরাংগী মাইকৈদা খুমাং চাউশিল্লি। এক্সপ্রেসৱেজকী চাউরবা নেতৱার্ক অমা রাজ্য অসিদা থমখ্রে। প্রধান মন্ত্রী, শ্রী নরেন্দ্র মোদীনা উত্তর প্রদেশতা লাইরবশিংগীদমক্তা বাইফ-থৌরাংগী স্কীমশিং কয়া অমা পাইখৎখি, মসিনা মরম ওইরগা ঙসিদি রাজ্য অসিগী য়ুমথোং খুদিংদা লাইর-অনং অসি মুত্থৎখ্রে। প্রধান মন্ত্রীগী লুচিং মখাদা, প্রধান মন্ত্রী আৱাজ য়োজনাগী মখাদা উত্তর প্রদেশতা মী লাখ ৪৬ হেনবদা য়ুমশিং পীখি, য়ুম করোর ২.৬১দা তোইলেতশিং শাখ্রে, নুপী করোর ১.৭৫দা গ্যাস সিলিন্দরশিং পীখ্রে, স্ত্রীত ভেন্দর লাখ ১০ হেনবদা ‘পি.এম. স্বনিধি’ স্কীমগী কান্নবা পীখ্রে, ইমুং লাখ ৩৫না ‘স্বামিত্বা’ স্কীমগী মখাদা কান্নবা ফংখ্রে, লুপা করোর ৫২,০০০লৌমী করোর ২.৫ হেনবদা পীখ্রে অমসুং লাইরবা য়ুমথোং খুদিংদা লেম্না রেশন পীখ্রে।
*************
(Release ID: 1917162)
Visitor Counter : 112