மத்திய உள்துறை மற்றும் கூட்டுறவு துறை அமைச்சர் திரு அமித் ஷா இன்று உத்தரபிரதேசத்தில் உள்ள கௌசாம்பியில், கௌசாம்பி பெருவிழா-2023 ஐ தொடங்கி வைத்தார்.  இந்நிகழ்ச்சியில் உத்தரப்பிரதேச முதலமைச்சர் திரு  யோகி ஆதித்யநாத் மற்றும் துணை முதலமைச்சர் திரு கேசவ் பிரசாத் மவுரியா உள்ளிட்டோர் கலந்து கொண்டனர்.

நிகழ்ச்சியில் உரையாற்றிய திரு அமித் ஷா, பிரதமர் திரு நரேந்திர மோடி ஒவ்வொரு நாடாளுமன்ற உறுப்பினரையும் விளையாட்டு விழாக்களை நடத்த ஊக்குவித்தார் என்று அவர் கூறினார். இந்த உணர்வை முன்னெடுத்துச் செல்லும் நாடாளுமன்ற உறுப்பினர்கள் மிகுந்த அர்ப்பணிப்புடனும் கடின உழைப்புடனும் இளைஞர்கள் விளையாடுவதற்கு கௌசாம்பி மஹோத்ஸவ் வடிவில் ஒரு மேடையை வழங்கியுள்ளனர். பிரதமர் திரு நரேந்திர மோடியின் 'கேலோ இந்தியா'வின் முக்கிய மந்திரம் ஆரோக்கியமான உடலையும் வலிமையான மனதையும் உருவாக்குவதாகும், அதை நாம் அனைவரும் மேலும் முன்னெடுத்துச் செல்ல வேண்டும் என்றார் அவர்.

நாட்டைப் பாதுகாப்பாகவும், வளமாகவும் மாற்றியதன் மூலம், பிரதமர் திரு நரேந்திர மோடி, உலகம் முழுவதும் இந்தியா மீதான மரியாதையை அதிகரித்துள்ளார் என்று திரு அமித் ஷா கூறினார். பிரதமர் மோடி 5 ஆகஸ்ட் 2019 அன்று சட்டப்பிரிவு 370 ஐ ரத்து செய்தார். அயோத்தியில் ராம்லாலா பிறந்த இடத்தில் அவருக்கு கோவில் கட்டும் பணி பல ஆண்டுகளாக நிலுவையில் இருந்தது. பிரதமர் திரு நரேந்திர மோடி அயோத்தியில் ராமர் கோவிலுக்கு அடிக்கல் நாட்டினார், இப்போது ஸ்ரீ ராமர் மிக விரைவில் அவரது கோவிலில் இருப்பார் என்று ஸ்ரீ ஷா கூறினார். நாடாளுமன்ற பட்ஜெட் கூட்டத்தொடரின் போது எதிர்க்கட்சிகள் நேரத்தை வீணடித்ததாகவும், அவர்களை நாட்டு மக்கள் மன்னிக்க மாட்டார்கள் என்றும் அவர் கூறினார்.

முதல்வர் யோகி ஆதித்யநாத் தலைமையில் உத்தரப் பிரதேசம் வளர்ச்சிப் பாதையில் சென்று கொண்டிருக்கிறது என்று அவர் தெரிவித்தார். மாநிலத்தில் ஒரு பெரிய அதிவேக நெடுஞ்சாலைகள் அமைக்கப்பட்டுள்ளன. பிரதமர் திரு நரேந்திர மோடியும் உத்தரபிரதேசத்தில் ஏழைகளுக்காக ஏராளமான நலத்திட்டங்களை செயல்படுத்தினார் இன்று மாநிலத்தின் ஒவ்வொரு வீட்டிலும் வறுமை ஒழிக்கப்பட்டு வருகிறது என அவர் கூறினார்.

-----

SM/PKV/KPG