হৌজিক ফাওবগী অহানবা ওইনা স্পোর্তস ওথোরিতী ওফ ইন্দিয়ানা খেলো ইন্দিয়া গেম্স সর্তিফিকেৎশিং দিজিলোকরগা পুন্সিনখ্রে, মদুনা এথেলেৎশিং, সপোর্ত স্তাফ, তেক্নিকেল ওফিসরশিং, চিফ দে মিসন, কম্পিতিসন মেনেজর অসিনচিংবশিংবু মখোয়গী খেলো ইন্দিয়া সর্তিফিকেৎশিং দিজিতেল প্লেৎফোর্মগী খুত্থাংদা এক্সেস তৌবা য়াহল্লে।

খেলো ইন্দিয়া গেম্স শরুক য়ারিবা এথেলেৎশিং অমসুং অতোপ্পা স্তেকহোল্দরশিংনা মধ্য প্রদেশতা পাংথোকখিবা খেলো ইন্দিয়া য়ুথ গেম্স ২০২২দগী হৌরগা মখোয়গী মেরিৎ অসুং পার্তিসিপেসনগী সর্তিফিকেৎশিং হৌজিক এক্সেস তৌবা ঙমহল্লগনি।

দিজিলোকর অসি দিজিতেল ইন্দিয়া প্রোগ্রামগী মখাদা ইলেক্ত্রোনিক্স অমসুং আই.তি. মন্ত্রালয়গী ফ্লেগশিপ ইনিসিয়েতিব অমনি। স্তোরেজগীদমক সেক্যুর ক্লাউদ-বেজ প্লেতফোর্ম অমা ওইনা মসিনা দোকুমেন্তশিং অমসুং সর্তিফিকেৎশিং লাইনা শেয়র তৌবা অমসুং ভেরিফাই তৌবা ঙমহল্লি। মসিনা নাগরিকশিংগী দিজিতেল দোকুমেন্ত ৱালেত্তা ওথেন্তিক দিজিতেল দোকুমেন্তশিংদা এক্সেস ফংহন্দুনা নাগরিকশিংগী ‘দিজিতেল এম্পৱারমেন্ত’দা পান্দম থম্লি।

দিজিলোক্করগা পুন্সিন্নবা অসিনা এথেলেৎশিং অমসুং স্তেকহোল্দরশিংবু মখোয়গী দিজিতেল্লী ভেরিফাইদ খেলো ইন্দিয়া সর্তিফিকেৎশিংবু মতম অমা হেক্তদা অমসুং মফম অমা হেক্তদা ক্লিক অমগা লোয়ননা এক্সেস তৌবা য়াহল্লগনি। মসিনা আইনগী ওইনা ওরিজিনেলগা মান্ননা ওথেন্তিক সর্তিফিকেৎশিং এক্সেস তৌবা ঙমহল্লগনি। মসিনা কন্সেন্তগা লোয়ননা সর্তিফিকেৎশিং ওনলাইন শেয়রিং তৌবসু য়াহল্লগনি। তোঙান তোঙানবা স্তেকহোল্দরশিংনা সর্তিফিকেৎ হোল্দরগী কন্সেন্ত ফংলবা মতুং দেতা দাইরেক্ত ওইনা ভেরিফাই তৌবা য়াবনা  মসিনা সর্তিফিকেৎশিংগী রিএল তাইম ভেরিফিকেসনসু ফংহল্লগনি।  

****