লৌউ-শিংউ অমদি লৌমীশিংগী য়াইফ-থৌরাং মন্ত্রালয়না ঙরাং নই দিল্লীদা নেস্নেল বীকীপিং এন্দ হনী মিসন (এন.বি.ঐচ.এম.)গী মখাদা "তেক্নোলোজিকেল ইন্তরভেন্সন এন্দ ইনোভেসন ইন দি হনী/ বীকীপিং সেক্তর' হায়বা হীরমদা কন্সলতেতিব ৱর্কসোপ অমা পাঙথোকখ্রে‍। চাউরাক্না খোইহিগী খোই লোইবা স্তার্তঅপ/ এফ.পি.ও. ৬০০ লোম, খোই লোইবগী স্তেকহোল্দরশিং, তোঙান তোঙানবা মন্ত্রালয়/ লৈঙাক্কী লূপশিং/ ইনস্তিত্যুৎ, স্তেতশিংগী হোর্তিকলচর দিপার্তমেন্তশিং, স্তেত এগ্রিকলচরেল য়ুনিভর্সিতী (এম.এ.য়ু.)শিং/ সেন্ত্রেল এগ্রিকলচরেল য়ুনিভর্সিতী (সি.এ.য়ু.)নচিংবশিংদগী ওফিসিএলশিংনা ৱর্কসোপ অদুদা হকথেংননা অমদি ভর্চুএল ওইনা শরুক য়াখি‍।

ৱর্কসোপ হৌদোকপগী ৱারোলদা, হোর্তিকলচর কম্মিস্নর, দোক্তর প্রভাত কুমারনা লৈবাকসিদা লৈরিবা খোই লোইবগী ফীভম অমদি ওইরিবা মওং মতৌগী মরমদা চাউরাক্না থমখি‍। মহাক্না খোই লোইবদা তেক্নিকেল ইন্তরভেন্সনগী মরুওইবা ৱাফমশিং থমখি‍। মহাক্না এন.বি.ঐচ.এম.গী খুত্থাঙদা হনী এফ.পি.ও.শিং অমদি এগ্রি স্তার্তঅপশিং য়োকখৎনবগী প্রোভিজনশিং য়াওনা, নেস্নেল বীকীপিং এন্দ হনী মিসন (এন.বি.ঐচ.এম.)গী শক্লোনশিং অমদি খোই লোইবগী সেক্তর মপাঙ্গল কনখৎহন্নবা মসিনা লৌরিবা থৌদাংশিংগী মরমদা শুগায়না তাকখি‍। এন.বি.ঐচ.এম. স্কীম চৎনহল্লিবসিনা লৈবাকসিগী ওইনা মপান্দা খোইহি থাদোকপগী মতিং হেনগৎহনগদবা, খোইহি লোকপা, লীবা, প্রোসেস তৌবা, চাংয়েং তৌবা অমদি ব্রান্দিং সেন্তরশিংগী ইনফ্রাস্ত্রকচর ফেসিলিতীশিং মপাঙ্গল কনখৎহন্নবা পান্দমসু থম্লি হায়বা ৱাফমসু মহাক্না থমখি‍। জি.আই. তেগ্গিংনা খোইহিগী সেক্তরদা পোৎয়ান য়ানশিনবা অমদি অরানবা পাম্বৈশিং চত্থবা থিংননবা অফবা খুৎলায় অমা ওইবা ঙমগনি হায়রদুনা মহাক্না খোই লোইরিবশিং/ স্তেকহোল্দরশিংগী মফমদা মখোয়গী পোত্থোকশিংগী জি.আই. তেগ্গিং অমদি জিও রিফরেন্সিং তৌননবা পুক্নিং থৌগৎখি‍।

মহাক্না খোই লোইরিবশিং/ অতৈ স্তেকহোল্দরশিংবু এন.বি.ঐচ.এম.গী মখাদা ফংলিবা খুদোংচাবশিং লৌননবা অমদি খোইহি অমদি অতৈ খোইরাগী পোত্থোকশিংদগী অহেনবা শেন্থোক লাক্নবগীদমক সাইন্তিফিক ওইবা মওংদা খোই লোইনবা ৱাফমসু থমখি‍। মহাক্না লৈবাক শিনবা থুংনা লৈরিবা খোই লোইবশিংগী মফমদা এন.বি.ঐচ.এম. স্কীমগী মখাদা মপুং ফানা ঙাক্লৌ পীগনি হায়না থাজবসু পীখি‍।

হোর্তিকলচরগী এদিস্নেল কম্মিস্নর অমদি নেস্নেল বী বোর্দ (এন.বি.বি.)গী একজেক্যুতিব দাইরেক্তর, দোক্তর এন.কে. পত্লেনা এন.বি.ঐচ.এম.গী শক্লোন অমদি মসিগী মখাদা ফংবা ঙম্লবশিং, লৈবাকসিগী খোইহিগী জিএ তেগ্গিং/ জিও রিফরেন্সিং, এন.বি.ঐচ.এম.গী মখাদা মতেং পাংখ্রবা বেনিফিসরীশিংগী মায় পাকপগী ৱারীশিং, এন.বি.ঐচ.এম.গী মখাদা খোই লোইবশিং, এগ্রি স্তার্তপশিং/ স্তেকহোল্দরশিংনা লৌবা য়াবা খুদোংচাবশিং অসিনচিংবশিংগী মতাঙদা চাউরাকপা প্রেজেন্তেসন অমা উৎখি‍। ৱর্কসোপ অদুদা শরুক য়ারিবশিংগী মফমদা ৱা ঙাঙলদুনা, মহাক্না খোই লোইবদা তেক্নোলোজিকেল ইন্তরভেন্সন য়াম্না মথৌ তাই হায়না ফোঙদোকখি‍। হনী স্তার্তঅপশিং অমদি খোই লোইবগী এফ.পি.ও.শিংদা ঙাক্লৌ পীবা য়াওনা লৈবাকসিদা লৈরিবা খোই লোইবগী ইন্দস্ত্রীশিংগী মপুং ওইবা মতিং হেনগৎহন্নবগীদমক লৈঙাক অসিনা খোঙফম চেৎনা লেপ্লি হায়না মহাক্না হায়খি‍। লৈবাকসিদা পুথোক্লিবা খোইহিগী ক্বালিতী নীংথিনা ঙাক্নবগীদমক এন.বি.ঐচ.এম.গী মখাদা মিনি তেস্তিং লেব ৩১ অমদি রীজনেল লেব ৪ লিংখৎনবা সেংসন তৌখ্রে হায়বা ৱাফমসু মহাক্না পনখি‍। মধুরক্রান্তী পোর্তেল অসি খোই লোইবশিং/  অতৈ স্তেকহোল্দরশিংগী রেজিস্ত্রেসন তৌদুনা খোই লোইবগী দেতা কেপচর তৌনবগীদমক এন.বি.ঐচ.এম.গী মখাদা পায়খৎপা অতোপ্পা থৌরাং অমনি হায়খি‍।

এন.বি.ঐচ.এম.না এগ্রি-ওন্ত্রিপ্রিন্যুরশিং/ স্তারতঅপশিংদা মখোয়না খোই লোইবা/ খোইহি পুথোকপদা শরুক য়াশিনবগীদমক ঙাক্লৌসু পীরি হায়না মহাক্না পাউদমখি‍। এফ.পি.ও.শিং য়োকখৎপা অমদি লিংখৎপা অসিনা লৌউ-শিংউবু আত্মনির্ভর ক্রিসী ওন্থোক্নবগী অহানবা খোঙথাঙনি হায়না মহাক্না পনখি অমদি মসিগীদমক এন.বি.ঐচ.এম. স্কীম পায়খৎপনা খোই লোইবগী সেক্তরদা ইনস্তিত্যুস্নেল ফ্রেমৱর্ক মপাঙ্গল কনখৎহন্দুনা অমদি হনী এফ.পি.ও.শিং অমদি হনী স্তার্তঅপশিং লিংখত্তুনা অমসুং য়োকখত্তুনা অনৌবা অহোবা অওনবা অমা পুরক্কনি হায়না মহাক্না থাজবসু পীখি‍। মহাক্না খোই লোইরিবা স্তেকহোল্দরশিংগী মফমদা মখোয়গী পোত্থোকশিং জিও তেগ্গিং তৌনবা ৱাফমসু থমখি‍।

দি.এ. এন্দ এফ.দব্লিউ.গী জোইন্ত সেক্রেতরী (এক্সতেন্সন), শ্রী সামুএল প্রবীন কুমারনা মিসন মায় পাকহন্নবা সেক্তর অসিদা ইনোৎ হাপ্নবগীদমক ইনফ্রাস্ত্রকচর, ইনোভেসন অমদি তেক্নোলোজীগী ওইবা অফবা লাল্লোং শীজিন্নগদবনি হায়বা ৱাফম থমখি‍। গ্রাউন্দ লেবেলদা মিসন অসি য়ৌহন্নবগীদমক মিসন অসিগী এক্সতেন্সন আউতরীচ পায়খৎপনা মিসন অসি মায় পাক্না চলাইনবগী অতোপ্পা মরুওইবা ৱাফম অমসু ওইরি হায়নসু মহাক্না থমখি‍।

রাজস্থানগী জোব্নর, জয়পুরদা লৈবা এস.কে.এন. এগ্রিকলচর য়ুনিভর্সিতীগী ভাইস-চান্সেলর, দোক্তর বলরাজ সিংহনা ৱর্কসোপ অদুদা শরুক য়ারিবশিংগা ৱারী ৱাতায় শানখি অমদি খোই লোইবগী সেক্তর য়োকখৎনবা অমদি চাওখৎহন্নবগীদমক কেন্দ্রগী অমদি স্তেতশিংগী এগ্রিকলচরেল য়ুনিভর্সিতীশিংনা লৌরিবা শক্লোন অমদি মখোয়দগী ফংলিবা ঙাক্লৌশিংগী মতাঙদা চাউরাক্না ফোঙদোকখি‍। মহাক্না খোই লোইবগী সেক্তর মপাঙ্গল কনখিহন্নবগীদমক ত্রেনিং অমদি স্কিল দিভেলপমেন্ত অমসুং বী ব্রীদিং মথৌ তাই হায়বা ৱাফমসু থমখি‍। তামিল নাদুগী কোইম্বেতোরদা লৈবা তামিল নাদু এগ্রিকলচরেল য়ুনিভর্সিতীগী ভাইস-চান্সেলর, দোক্তর ভি. গীতালক্সমীনসু য়ুনিভর্সিতীশিংদগী ফংলিবা ইন্তরভেন্সনশিংগী মরমদা পনখি অমদি সেক্তর অসি চাওখৎহন্নবা ৱাফম কয়াসু হৌদোকখি‍।

মেনেজকী দাইরেক্তর জেনেরেল, শ্রী পি. চন্দ্র সেকরানা খোই লোইবগী সেক্তরদা এগ্রি স্তার্তঅপশিংগী মতিংগী মরমদা শম্লপ্পা ৱাফম থমখি অমদি মেনেজ অসি লৌউ-শিংউ অমদি মরী লৈনবা সেক্তরশিংদা মায় পাকপা ভেঞ্চরশিং শেমগৎনবগী ৱন-স্তোপ সোলুসন অমনি হায়বা ৱাফম থমখি‍। মহাক্না খোই লোইবগী মরমদা লিতরেচরশিং শেমগৎনবা ৱাফম হৌদোকখি অমদি হায়রিবা অসি স্কীম অসি পাক শন্না য়ৌহন্নবগীদমক তোঙান তোঙানবা লম লমগী লোলশিংদসু ফংহনগদবনি হায়খি‍। মহাক্না খোই লোইবগী সেক্তরদা কেপাসিতী বিল্দিং প্রোগ্রাম হেন্না পাঙথোক্নবা অমদি স্তার্তঅপ অমসুং ওন্ত্রপ্রিন্যুরশিংগী ইকোসিস্তেম শেমগৎনবা ৱাফমসু হৌদোকখি‍।

উত্তর প্রদেশকী হরিদ্বারদা লৈবা ওনলী এন্দ স্যুরলী ওর্গানিক প্রদক্তস কম্পেনীদগী শরুক য়ারখিবা শ্রী নির্মল ভার্স্নেনা খোই লোইবগী লমদা থেংনরকখিবা ৱাফমশিং পাউদমখি অমদি খোই লোইরিবশিং/ অপীকপা ওন্ত্রপ্রিন্যুরশিংবু মখোয়গী বিজিনেস পাকথোক চাউথোকহন্নবা অমদি এন.বি.ঐচ.এম.গী মখাদা পীরিবা মতেংশিং লৌননবগী ৱাফম কয়া তাক্লমখি‍। জে এন্দ কে গী পলৱামাদা লৈবা ভেলী এপিয়রিজ এন্দ ফুদ প্রদক্তসকী শ্রী নুর মোহমস ভতনা মতম কুইনা খোই লোইরক্লবশিংদা মতেং পীননবা অমদি খোইহিদা পোৎয়ান হাপচিনবা থিংননবা ৱাফমশিং পুথোরকখি‍।

নই দিল্লীগী কেজ্রিৱাল এন্তরপ্রাইজেজকী শ্রী অমিৎ ধনুকানা খোইহিগী মমল খল চানা থম্নবগী ৱাফম হৌদোকখি অমদি মস্তার্ত হনী ক্রিস্তেলাইজেসনগী মরমদা পাক শন্না খঙহন্নবা অমসুং খোইহিদা পোৎয়ান হাপচিনবদা সি৩ অমদি সি৪ অমসুং এন্তিবাইওতিকশিং হাপচিনবা থিংননবা ৱাফম থমখি‍।

তামিল নাদুগী কন্যাকুমারীদা লৈবা মর্থন্দম হনী এফ.পি.ও.গী শ্রী জয়াকুমারনা খোইহিশিং জিও তেগ্গিং তৌবনা লৈবাকসিগী অমদি মালেমগী কৈথেলদা মখোয়গী দিমান্দ হেনগৎহন্দুনা জি.আই. তেগ তৌরবা খোইহিশিং পুথোক্লিবশিংগী শেন্মিৎলোন ফগৎহনবদা মতেং ওইগনি হায়বা ৱাফম থমখি‍।  মহাক্না খোই লোইবগী লমদা লৈরিবা স্তেকহোল্দর পুম্নমক্কী মফমদা মখোয়গী পোত্থোকশিং জি.আই. তেগ্গিং তৌনবা পুক্নিং থৌগৎখি‍। মহাকসু মর্থন্দম খোইহিগী জি.আই. তেগ তৌনবগীদমক চে থাখ্রে অমদি মরী লৈনবা ওথোরিতীশিংনা মদুবু খন্নরি হায়না মহাক্না পাউদমখি‍।

য়ু.পি.গী বরাবঙ্কদা লৈবা মধুমখী ৱালাগী শ্রী নিমিৎ সিংহনা মখোয়গী হনী স্তার্তঅপকী মরমদা শক্তাকখি অমদি খোই লোইরিবশিং/ অতৈ স্তেকহোল্দরশিংসু হনী স্তার্তঅপশিং শেমদুনা মখোয়গী শিন্ফম পাকথোক চাউথোকহন্নবা অমদি ভারত লৈঙাক্কী স্কীমশিংগী মখাদা মতেং লৌননবা পুক্নিং থৌগৎখি‍।

হরিয়ানা লৈঙাক্কী দাইরেক্তর জেনেরেল (হোর্তিকলচর), দোক্তর অর্জুন সিংহ সাইনীনা স্তেত অদুদা লৈরিবা লেব অদু নেস্নেল ফেসিলিতীগীদমক অয়াবা ফংলে অমদি চহি অমগী মনুংদা মথৌ তৌবা হৌরগনি হায়রদুনা ক্বালিতী লৈবা খোইহি পুথোক্নবা অমদি ৱেক্স-সীৎ পুথোক্নবগীদমক ইন্তিগ্রেতেদ ওইবা মওংদা খোই লোইননবা ৱাফম থমখি‍। মহাক্না মপান্দা থাদোক্লিবশিং অমদি খোই লোইরিবশিংগী মরক্তা লৈনরিবা থাজনবগী মরীদা লৈরিবা ৱাফমশিসু পুখৎলদুনা ত্রেদ সেন্তরশিংনা কম্মন ওইবা প্লেৎফোর্ম অমা পীবা মথৌ তাই হায়খি‍। সেক্তর অসিদা মতম শানবা মীৎয়েঙ অমা এন.বি.বি.না থমগদবনি অমদি অতোপ্পা খোই মহুমগী পোত্থোকশিংদসু মীৎয়েঙ চঙগদবনি অমদি বী দাইগ্নোস্তিকশিং লিংখৎকদবনি হায়বা ৱাফম থমখি‍।

ইন্দিয়ন হনী এলাইএন্সকী সেক্রেতরী জেনেরেল, শ্রী দীপক জোলীনা খোই লোইরিবশিং, কঞ্জ্যুজরশিংদা কান্নবা মপুং ফানা ফংহন্নবা অমদি খোইহিগী সেক্তরদা ভেল্যু চেন শেমগৎনবগীদমক পুনশিল্লবা ফম্পাক অমা মহাক্কী লূপ্না পীরি হায়খি‍। দাবরগী বাইও-রিসোর্স দিভেলপমেন্তকী মকোক, শ্রী পঙ্কুজ প্রসাদ রতুরীনা দাবরনা ভারতকী তোঙান তোঙানবা মফমশিংদগী খোইহি লৌরি হায়না পাউদমখি‍। অনৌবা শেন্থোক পরিং অমা পীননবা অমদি বিহার অমদি মধ্য প্রদেশতা খোই লোইবগী থবক থৌওংগী মতাঙদা লমদমদুগী এন.জি.ও.শিংদা ত্রেনিং অমদি তেংবাং পীদুনা লায়রবা কোকহন্নবা অচৌবা থৌরাং অমা দাবরনা হৌদোকখ্রে হায়নসু মহাক্না পাউদমখি‍। হায়রিবা থৌরাং অসিমক ৱেস্ত বেঙ্গলগী সুন্দরবন উমংগী মফমশিংদা দাবরনা পায়খৎনবা থৌরাং তৌরি হায়না মহাক্না মখা তানা পাউদমখি‍।

জয়পুরদা লৈবা নেস্নেল ইনস্তিত্যুৎ ওফ এগ্রিকলচরেল মার্কেতিং (এন.আই.এ.এম.)গী দাইরেক্তর, শ্রী রমেস মিত্তলনা খোইহিগী সেক্তরদা স্তার্ত-অপশিংনা থেংনবা ৱাফমশিং পাউদমখি অমদি খোইহিগী সেক্তরশিং য়োকখৎনবা ৱাফম থমখি‍। আর.কে.ভি.ৱাই.গী তেংবাং মখাদা ইনক্যুবেসন সেন্তর ফোর হনী সেক্তর লিংখৎনবগী ৱাফমসু মহাক্না হৌদোকখি‍। খোইহিগী সেক্তরদা জি.আই. তেগ তান্নবদা কত্থোকপগা লোয়ননা চেন চোংদুনা এন.আই.এ.এম.না মতেং পাংগনি হায়বা ৱাফমসু মহাক্না ফোঙদোকখি‍।

এন.দি.দি.বি.গর দোক্তর রাজীব চাৱালানা এন.দি.দি.বি.না লিংখৎপা অহানবা খোইহিগী তেস্তিং লেবগী মরমদা পাউদমখি‍। মহাক্না খোইহি চাংয়েং তৌবদা থেংনবা পরৈ চেনবা ৱাফম কয়াগী মখল মখা কয়াগী পাম্বৈসু হৌদোকখি‍। অপেদাগী দি.জি.এম., দোক্তর উমেসনা খোইহি মপান্দা থাদোকপদা অপেদানা লৌরিবা থৌদাং অমদি মসিবু য়োকখৎপদা তুংদা পায়খৎকদৌরিবা লাল্লোংগী মরমদা চাউরাকপা ৱাফমশিং থমখি‍। অপেদানা সোসিএল মিদিয়া প্লেৎফোর্মশিং য়াওনা তোঙান তোঙানবা ওনলাইন প্লেৎফোর্মশিংগী খুত্থাঙদা চীঞ্জাক মপান্দা থাদোকপনা মীওইবগী পুন্সিদা পীরিবা শাফুশিং পুথোক্তুনা হীরম অসিদা স্তেকহোল্দরশিংগী মতাঙদা এৱ্যারনেস পাঙথোক্নবা থৌরাং তৌরি হায়নসু মহাক্না ফোঙদোকখি‍।

দি.এ. এন্দ এফ.দব্লিউ.গী এদিস্নেল সেক্রেতরী, দোক্তর অভিলক্স লিখীনা মহাক্কী ৱারোলদা, এন.বি.ঐচ.এম. স্কীমগী মতেঙগী খুত্থাঙদা মতিং লৈবা নৌনা মচিন তুমখৎলক্লিবা এগ্রি স্তার্ত-অপশিং অমদি এফ.পি.ও.শিং মখোয় শোমবদা মীৎয়েঙ থম্নবা অমদি খোই লোইববু শেন্থোক লৈবা শিনফম অমা ওইনা পায়খৎনবগীদমক মখোয়বু পুক্নিং থৌগৎনবা ৱাফমশিং থমখি‍। এন.বি.ঐচ.এম. পায়খৎপনা সাইন্তিফিক ওইবা মওংদা খোই লোইবগী স্কিল হেনগৎহনবদা, খোইহি অমদি খোইরু, প্রপোলিস, রোয়েল জেল্লী, খোইগী মহুনচিংবা মরী লৈনবা পোত্থোকশিং প্রোসেস তৌনবগী স্তেত ওফ দি আর্ত ইনফ্রাস্ত্রকচরগী ফেসিলিতীশিং শেমগৎপদা ক্বালিতী কন্ত্রোল লেবোরেতরীশিং অপগ্রেদ তৌবদা, অমদি খোমজিন্নবা, লীনবা, বোত্লিং তৌনবা অমদি মার্কেতিং সেন্তরশিং শেমগত্তুনা হেন্না ফবা সপ্লাই চেন শেমগৎপদা মতেং ওইগনি হায়বা ৱাফমসু মহাক্না থমখি‍। অপেদা, মেনেজ, এন.আই.এ.এম., এন.এ.এফ.ই.দি., এন.দি.দি.বি., এন.বি.বি. অমদি অতৈ মরী লৈনবা লূপশিংনা পুন্না চঙশিনমিন্নবনা খোই লোইবগী সেক্তরদা চাউনা মায় পাকপা পুরকপা ঙমগনি হায়বা ৱাফমসু মহাক্না থমখি‍।

মহাক্না ফমজিল্লবা খোইহি শীজিন্নবগী মরমদা অমদি ফমজিল্লবা খোইহি অসি অশেংবা/পোৎয়ান য়াওদবা খোইহিনি হায়বসি মীয়ামদা পাক শন্না খঙহন্নবগীদমক মাস মিদিয়াগী খুত্থাঙদা এৱ্যারনেস কেম্পেন হৌদোকপগী মথৌ তাবা ৱাফমসু মহাক্না থমখি‍। লম লমগী ওইবা পোপুলারিতী খঙদোক্নবগীদমক লম লমগী ওইবা খোই মখলশিং ইভালুএত তৌবগী মথৌ তাই হায়না মহাক্না হায়খি‍। খোইহি জি.আই. তেগ্গিং তৌবনা পোত্থোক পুথোক্লিবশিংগী শেন্থোক হেনগৎহন্দুনা অমদি খোই লোইবা অমদি খোইহি পুথোকপগী খুত্থাঙদা লমদুদা থবক হেন্না পীদুনা খুঙ্গংগী মফমশিং চাওখৎহনবদা মতেং ওইগনি হায়বা ৱাফমসু মহকা্না ফোঙদোকখি‍। পোত্থোক্কী ক্বালিতীনা পোত্থোক পুথোক্লিবশিংগী মফমদা মালেমগী থোঙ হাংদোক্তুনা খোইহি অমদি খোই মহুমগী ওইবা পোত্থোকশিং মপান্দা থাদোকপগী চাং হেনগৎহনবা ঙমগনি‍।

পেনেলিস্ত অমদি ৱর্কসোপ অদুদা শরুক য়াখিবশিংগী মফমদগী ফংখিবা মরুওইবা সজেসনশিংদি ক্বালিতী হনীগী খোঙ্গুল লীবগী মতাঙদা তেক্নোলোজীগী ইন্তরভেন্সন, এক্সপোর্তরশিংদগী কম্প্লাইএন্ত মেকানিজম শেমগৎপা, লেব ইনফ্রাস্ত্রকচর শেমগৎপা (পোৎয়ান অমদি এন্তিবাইওতিক চাংয়েং তৌনবগী মেকানিজম য়াওগদবা) লোয়ননা কন্তেক্ত দিতেলশিংনি‍।

শরুক য়াখিবশিংনা নেস্নেল বীকীপিং এন্দ হনী মিসন (এন.বি.ঐচ.এম.)গী মখাদা পীরিবা তেংবাংদা হোংদোক হোংজিন খরা তৌনবা ৱাফমসু হৌদোরকখি‍। লেব ইনফ্রাস্ত্রকচরনচিংবা এন.বি.ঐচ.এম.গী মচাকশিংগী ফীভম ফগৎহনবা, খোইহিদা পোৎয়ান য়াওবগী ৱাফম ৱাখৈনবগীদমক খোই লোইরিবশিংগী কেপাসিতী বিল্দিং পাঙথোকপা, কঞ্জ্যুমর আউতরীচ প্লান শেম-শাবা অমদি খোইগী পোত্থোকশিংদা হেন্না মীৎয়েঙ চঙনবা ৱাফমশিংসু শরুক য়াখিবশিংনা হৌদোকখি‍।

*****