বৈশাখী, মেসাদি, বাইসাখাদি, পুথান্দু, বিসু, নব বর্সা অমসুং বোহাগ বিহু লাকপদা উপ-রাস্ত্রপতি শ্রী জগদিপ ধানখারনা মীয়ামদা য়াইফ-পাউজেল পীরক্লি। মখাগী অসিগী মহাক্কী পাউজেলগী ৱারোলনি:

“নুংঙাইরবা থৌরম বৈশাখী, মেসাদি, বাইসাখাদি, পুথান্দু, বিসু, নব বর্সা অমসুং বোহাগ বিহু লাকপদা ঐখোয়গী মীয়াম্না ঐনা তরাম্না ওকচরি অমসুং ঐগী য়াইফ-পাউজেল পীজরি।

লৈবাক অসিগী তোঙান-তোঙানবা মফমশিং তোঙান-তোঙানবা মমিংশিং থোন্দুনা থৌরম পাংথোক্নরি, হায়রিবা কুহ্মৈশিং অসি মখল কয়াগী ঐখোয়গী নাৎ অমসুং চৎনবীশিংগী থাদোক্নবা য়াদ্রবা শরুক অমনি, অপুনবা, নুংশিন্না হিংমিন্নবা অমসুং মচিন-মনাও ওইবগী ৱাখল্লোনগী খুদম্নি।

ঐখোয়না মহৌশা লাইরেম্বীগী মরাং কাইনা পীরিবা পোৎথোকশিং অমসুং চাথোক লৈবা লৌরোক অমগী হরাও-তয়াম্বা ফোঙদোক্লি, ইমা মহৌশা লাইরম্বীগা ঐখোয়গা লৈনবা মরী অমসুং ঐখোয় হিংহল্লিবা মহৌশাগী লনশিংগী ঙাক-শেন্নবা ঐখোয়গী থৌদাং নিংশিংনবা ঐখোয়না তাঞ্জা অমা লৌগদবনি। ঐখোয়গী চীঞ্জাক পুথোক্লিবা চোকথবা নাইদবা থবক শুরিবা ঐখোয়গী লৌমীশিং ঐখোয়না শকখঙবা ,ইকায়খুম্নবা অমসুং তৌবীমল খঙবা উৎকদবনি।

শেংলবা থৌরম অসিদা, পাক-চাউরবা ঐখোয়গী লৈবাক অসি মশক তাক্লিবা অপুনবা, খেন্নবশিং অমসুং পুন্না হিংমিন্নবগী গুনশিংদা থম্লিবা ঐখোয়গী থাজবা ঐখোয় মপাঙ্গল হাপ্লসি। ঐখোয়গী খেন্নবশিং অমসুং ঐখোয়না মীওইবা খুন্নাইগী খনবা অদু হরাও-তয়াম্বা ফোঙদোক্লসি।

হায়রিবা কুহ্মৈশিং অসিনা মীওই খুদিংমক হরাওবা, নুংঙাইবা অমসুং নুংঙাই-য়াইফবা পুরকপা ওইরসনু”।

*****