সেন্ত্রেল ব্যুরো ওফ নার্কোতিক্সকী য়ুনিফাইদ পোর্তেল ঙসি রিভিন্যু সেক্রেতরী শ্রী সঞ্জ্র মলহোত্রানা এদিস্নেল সেক্রেতরী (রিভিন্যু) শ্রী বিবেক অগ্গরৱাল, নার্কোতিক্স কম্মিস্নর শ্রী দিনেস কুমার বৌদ্ধ, অমদি চীফ কন্ত্রোলর ওফ ফেক্তরিজ শ্রী অনিল রামতেকে, দাইরেক্তর (এন.সি.) শ্রী বিনোদ কুমার অমদি ফার্মা ইন্দস্ত্রীশিংদগী স্তেকহোলদর মীহুৎশিং য়াওবা থৌরম অমদা হাংদোকখ্রে‍।

সেন্ত্রেল ব্যুরো ওফ নার্কোতিক্সনা ব্যুরো অসিনা পীবা লাইসেন্সিং অমদি এক্সিম ওথোরাইজেসন ফংহন্নবগীদমক য়ুজর ইন্দস্ত্রীশিংগী ৱন স্তেপ সোলুসন ওইনা য়ুনিফাইদ পোর্তেল অসি শেমগত্তুনা অমদি শীজিন্নদুনা ‘অজাদী কা অমৃৎ মহোৎসব’ মতমসিদা দিজিতেল ইন্দিয়াগী মঙলান মপাঙ্গল কনখৎহন্ননবা থৌরাংশিং পায়খৎলি‍।

সেন্ত্রেল ব্যুরো ওফ নার্কোতিক্সকী য়ুনিফাইদ পোর্তেল অসিনা দ্রগ অমদি ফার্মা সেক্তর মতিং লৈনা চাওখৎহন্নবা অমদি “আত্ম নির্ভর ভারত”কীদমক শেন্মিৎলোন্দা ইনোৎ হাপ্ননবা ফার্মা অমদি কেমিকেল ইন্দস্ত্রীশিংগী মথৌ তাবশিং ফংহনবা, অমদি অনাবা অমদি মখোয়গী শেন্নরিবা ইমুংশিংদা “মথৌ তাবা নার্কোতিক দ্রগশিং” অমদি হিদাক লাংথকশিং ফংহনবা হায়রিবা পান্দম অনিসিগা লোয়ননা দিপার্তমেন্ত য়ুজরশিংদা ইফিসিএন্সী, ত্রান্সপেরেন্সী অমদি একাউন্তেবিলিতী লৈহনগন‍ি‍।

সেন্ত্রেল ব্যুরো ওফ নার্কোতিক্সকী য়ুনিফাইদ পোর্তেল হাংদোক্লিবা অসিনা লৈবাকসিদা লৌথুপ লৌকোয় লৈতনা অমদি কাঙলোন হেন্না নীংথিনা ইলহন্দুনা এন.দি.পি.এস. অমদি কন্ত্রোল্দ সব্সতেন্সকী ইজ ওফ দুইং বিজিনেস পুরক্নবগী মায়কৈদা চঙশিন্নবা খোঙফম অমা ওইরক্কনি‍। পোর্তেল অসি ভারত কোস, জি.এস.তি., পান – এন.এস.দি.এল. ভেলিদেসন, ই-সঞ্চিৎ অমদি য়ু.আই.দি.এ.আই.নচিংবা অতৈ লৈঙাক্কী সর্ভিসশিংগা দেতাবেজ ইন্তিগ্রেসন অমদি ইনজেসন তৌননবা কেলিব্রেৎ তৌদুনা সি.বি.এন.দগী লাইসেন্স লৌনবগী সিঙ্গল পোইন্ত সর্ভিসশিং পীরি‍। নার্কোতিক দ্রগ, সাইকোত্রোপিক সব্সতেন্স, অমদি কন্ত্রোল্দ সব্সতেন্সকী এক্সপোর্তর, ইম্পোর্তর অমদি মেনুফেকচররশিংনা অপনবা লৈতবা, খুরৌ থাংদবা অমদি কন্তেক্তলেস ওইবা মওংদা ইম্পোর্ত সর্তিফিকেৎ, এক্সপোর্ত ওথোরাইজেসন, তোঙান তোঙানবা এন.দি.পি.এস. অমদি কন্ত্রোল্দ সব্সতেন্সশিংগী নো ওবজেক্সন সর্তিফিকেৎ, মেনুফেকচরিং লাইসেন্স, নার্কোতিক দ্রগশিংগী কোতা এলোকেসন্নচিংবা তোঙান তোঙানবা লাইসেন্সশিং লৌনবগী য়ুজর ফ্রেন্দলী ওইবা, সিক্যুর ত্রাঞ্জেক্সন লৈবা, ক্লাউদ-বেজ স্তোরেজ, অমদি লায়থোকহল্লবা থৌওংগী ইকোসিস্তেম অমা পীদুনা কান্নহনগনি হায়না পারি‍। ওপরেসন পুম্নমক ফেসলেস অমদি কন্তেক্তলেস ওইহন্নবা মীৎয়েঙ থম্লি হায়বসিসু পনবা য়াবা ৱাফম্নি‍। এপ্লিকান্তশিংনা মফম অমা হেক্তদগী মতম অমা হেক্তদা ২৪*৭কী ফীভমদা এপ্লিকেসন ফাইল তৌবা য়াহন্দুনা ফীজিকেল ইন্তরেক্সনগী মথৌ তাহন্দ্রে অমদি দিপার্তমেন্তকী মফমদা ৱাহং পুখৎপা য়াহন্দুনা মদুগী পাউখুম পোর্তেল অসিগী খুত্থাঙদা পীরক্কনি‍। মসিনা ‘প্রোসেসিং মতম’ মশক থোক্না হন্থহনগনি অমদি ত্রেদ অমদি অতৈ মহৈ য়ানবা বিজিনেস থৌওংশিংগী রিসোর্সশিং মাঙহল্লোই‍।

সেন্ত্রেল ব্যুরো ওফ নার্কোতিক্স অসি তোঙান তোঙানবা য়ুনাইতেদ নেসন্স কনভেন্সনশিং অমদি এন.দি.পি.এস. এক্ত, ১৯৮৫কী প্রোভিজনশিংগী মখাদা লৈরিবা নার্কোতিক দ্রগশিং, সাইকোত্রোপিক সব্সতেন্সশিং, অমদি প্রিকর্জর কেমিকেলশিংগী মালেমগী ত্রেদ পানরিবা কেন্দ্র লৈঙাক্কী লূপ অমনি‍। হায়রিবা পোৎলমশিং অসি মপাঙ্গল কল্লবা হিদাক লাংথক্কী, সাইন্তিফিক, অমদি ইন্দস্ত্রিএলগী ওইবা শীজিন্নফম লোয়ন-লোয়ননা অরানবা লম্বীদা নাথৈদুনা লান্না শীজিন্নফম অনিমক লৈবা পোৎলমশিং ঙাক্তনি‍। মরম অদুনা, হায়রিবা পোৎলমশিং অসি মীয়ামদা ফংহনবা অমদি আইনগী মতুং ইন্না ইনফম থোকপশিং ইলহনবগী মতাঙদা চাং চানা পুদুনা চৎপা মথৌ তাই‍। হায়রিবা শিংনবশিং অসিনা মরম ওইরগা ব্যুরো অসিদা ফেসিলিতেসন অমদি কম্প্লাইএন্স মেনেজমেন্তকী চাং চানা অমদি মওং চুম্না থম্নবগীদমক দিজিতেল ফম্পাক অমা শীজিন্ননবগী ৱাখল লাকহনবনি‍।

****