সাইন্স অমসুং তেক্নোলোজী; আর্থ সাইন্সকী কেন্দ্রগী রাজ্য মন্ত্রী (ইন্দিপেন্দেন্ত চার্জ); পি.এম.ও., পর্সোনেল, পব্লিক গ্রাইবেন্স, পেন্সন, এতোমিক ইনর্জী অমসুং স্পেস্কী এম.ও.এস., দাঃ জিতেন্দ্র সিংহনা প্রধান মন্ত্রী, শ্রী নরেন্দ্র মোদীনা লুচিংবা সরকারনা মমাংগী চহি 9 অসিদা লৈঙাকপা অমসুং কারবার তৌবদা হেন্না নুংঙাইহন্নবগীদমক্তা চৎনদ্রবা কাঙলোন অমসুং আইন 2000 হেন্না লৌথোকখ্রে হায়খি।

য়শরাজ রিসর্চ ফাওন্দেসন্না (ৱাই.আর.এফ.)না মুম্বাইদা শীনবা ‘গ্রেতিচ্যুভ সেরেমোনী’দা য়শরাজ ভারতী সম্মান (ৱাই.বি.এস.)গী মনা য়েন্থোক্লবা মতুংদা মন্ত্রীনা অথোইবা মীথুংলেন ওইনা ৱা ঙাঙবদা লৈজরিবা মওংদা অদুমক লৈদুনা পেন্থোকপা মমাংগী সরকারগা মান্নদবা মতৌ ওইনা, প্রধান মন্ত্রী মোদীনা চৎনদবা কাঙলোন অমসুং আইন লৌথোকপগী খোঙফম চেৎপগী মতৌ অমসুং মথৌনা লৈখি হায়না ফোংদোকখি। বৃতিশ লৈঙাক মতমদগী লৈরক্লবা হায়রিবা কাঙলোন অমসুং আইনশিং অসিনা মীয়ামদা খুদোংচাদবা কয়া লৈহন্দুনা লাকখিবনি। অফবা লৈঙাকপগী থৌওং হায়বদি মীচম মীয়ামগী পুন্সি মহিং নুংঙাইহনবনি হায়না মহাক্না মখা তাখি।

মন্ত্রীনা য়শরাজ ভারতী সম্মান (ৱাই.বি.এস.) শেম্বা অমসুং তোঙান-তোঙানবা মীওইশিংনা মখল কয়াগী হীরমদা পাংথোকপা অফবা থবকশিং শখঙবগীদমক্তা য়শরাজ রিসর্চ ফাওন্দেসন (ৱাই.আর.এফ.) অসিবু থাগৎপা ফোংদোকখি। এৱার্দ অসি পীরিবা হীরম কাঙলুপ অহুম, মিং ওইনা পল্লবদা, হেল্থকেয়রদা ইন্নোভেসন পাংথোকপা, মীয়ামগী পুন্সিদা অহোংবা লাকহনবা অমসুং ইথিকেল গবর্নেন্স অসিমক প্রধান মন্ত্রী শ্রী নরেন্দ্র মোদীনা লুচিংবা সরকারনা মতম পুম্বদা অহেনবা অমসুং অহানবা মিৎয়েং চঙবা হীরম ওইরি হায়না মহাক্না মখা তাখি।

সরকার অসিনা মে 2014দা শক্তি পায়রবা মতুংগী শুপ্নগী থা অনি অহুমগী মনুংদা গেজেতেদ ওফিসরশিংনা সর্তিফিকেত্তা খুৎয়েক পীদুনা এতেস্তে তৌবগী চৎনবী লৌথোকখি হায়না মন্ত্রীনা হায়খি। মদুগী মতুংগী চহি অমগী মনুংদা, প্রধান মন্ত্রীনা চাংয়েংনবগী মান্নবা থাক অমা লৈহন্নবগীদমক্তা থবক খনবা মতমদা ইন্তর্ভ্যু তৌবগী চৎনবীসু লৌথোক্লগনি হায়না লাল কিলাগী ফম্বাক্তগী লাউথোকখি। পেন্সনগী হীরমগী ওইনসু, অহল ওইরবা মীওইশিংনা লাইফ সর্তিফিকেত লৌনবগীদমক্তা চত্থবা অৱাবা অমসুং অশাংবা থৌওং কয়াদগী নিংতম্নবগীদমক্তা ফেস রিকোগনিসন তেক্নোলোজী হৌদোকখি। থবক থৌওং অয়াম্ববু ওনলাইন্দা ওন্থোকখি অমসুং নুং-পান হেন্না ফাওনা উবা, থাজবা য়াবা অমসুং মীয়াম্না শরুক য়াবা হেনগৎহন্নবগীদমক্তা হ্যুমেন ইন্তর্ফেস অসিসু শুক্লৈ লৈতবগা মান্ননা হন্থহনখি।

দাঃ জিতেন্দ্রনা ৱাকৎপগী মতাংদা পল্লদুনা, ৱাকৎ থাংগৎপগী থৌওং অসিবুসু সি.পি.গ্রামদা ওনশিনখি অমসুং মসিনা মরম ওইরগা, মমাংগী সরকারগী মতমদা চহিদা ৱাকৎ লাখ অনিমুক ফংলম্বা অদুগা চাংদম্নবা মতমদা হৌজিক্তি চহি খুদিংগী ৱাকৎ লাখ কুনমুক লাক্লে, অমসুং মসিগী মরমদি, সরকার অসিনা অকক্নবা মতমগী মনুংদা ৱাকৎশিংগী ৱারোইশিন পুরকপগী থৌশিল থৌরাং অমা ইন্দুনা চৎপদগী মীয়াম্না থাজবা থম্লকপদগীনি হায়না ফোংদোকখি।

হেল্থকেয়রগী মতাংদা, কোবিদ লাইচৎ মনুংদা তেক্নোলোজী শিজিন্নবগী থৌওংনা ইন্নোভেসন হায়বা থৌওং অসিনা মনুং হঞ্জিনবা অমসুং খুঙ্গংগী মফমশিংদা মতৌ করম্না হেল্থকেয়র য়ৌহনবা ঙম্মি হায়বা উৎখি হায়না মন্ত্রীনা ফোংদোকখি।

সরকার অসিনা তেক্নোলোজী অমসুং ইন্নোভেসন পুক্নিং থৌগৎপখক্তা নত্তনা স্তার্তঅপশিংদা হেল্থ সেকতরদা অনৌবা ইন্নোভেসন কয়া পাংথোকপদা তেংবাংদুনা মীচম মীয়ামগী পুন্সিদা অহোংবা পুরকপা ঙমখি।

মমাংগী মতমদা ঐখোয়গী অহানবা মিৎয়েং চঙফম থোকপা হীরমশিংবু থওইরমদে অমসুং অহোংবা পুরকপা পামদবা সরকারগী মখাদা অদুমক লৈরকপনা তঙাই ফদনা মিৎয়েং চঙফম থোকপশিংবু চহি 70 থওইদনা লাকখিবনি হায়না দাঃ জিতেন্দ্রনা হায়খি। অদুবু, চহি 9গী মনুংদা অহানবা থোকপা থৌওং অমা ওইনা, মসিগুম্বা চৎনবী অসি শেমদোক্তবা য়াদে, মতম কয়াগী মমাংদা পাংথোক্কদবা অসি হৌজিক্তি পাংথোকফম থোক্লে হায়না খনখি। প্রধান মন্ত্রীগী ৱারোলবু লৈবাক্কী য়ুম্থোং খুদিংদা য়ৌহনবগীদমক্তা মহাক্না য়শরাজ রিসর্চ ফাওন্দেসন (ৱাই.আর.এফ.)গী হোৎনজমনশিংবু থাগৎপা ফোংদোকখি।

<><><><><>