نائب صدر جمہوریہ نے جدید ہندوستان کے مفکر ،فلسفی اور آریہ سماج کے بانی کی حیثیت سے سوامی دیانند کی خدمات کو خراج تحسین پیش کیا۔ انہوں نے کہا کہ نوآبادیاتی حکمرانی کے دوران، جب ہندوستان اپنی روحانی اور ثقافتی روش کھو چکا تھا، سوامی دیانند سرسوتی نے ہندوستان کی تہذیبی اخلاقیات کو زندہ کرنے کے لیے ایک عقلی نقطہ نظر کے ساتھ ویدک حکمت کو بحال کیا۔

جناب  دھنکھر نے کہا کہ سوامی دیانند سرسوتی نے سب سے پہلے سوراج کے لیے واضح کال دی تھی، جسے لوک مانیہ تلک نے آگے بڑھایا اور آگے چل کر یہ عوامی تحریک بن گئی ۔ جناب دھنکھر نےکہا کہ  سوامی جی کے لیے آزادی،ذہن و دماغ اور روح کی حقیقی آزادی سے الگ نہیں تھی۔

نائب صدر جمہوریہاس بات پر روشنی ڈالتے ہوئے کہا کہ یہ تکلیف دہ امر ہے   کچھ لوگ بیرون ملک جاتے ہیں  اور وہاں سے اپنے ہی ملک کو بدنام کرنے کی کوشش کرتے ہیں ۔ انہوں نے کہا کہ ہندوستان اور ہندوستانیت کو  سچ ماننے والا غیرملکی سرزمین سے ہم ملک کے اداروں پر بے بنیاد تبصرے کرنے کی بجائےہمیشہ اپنے ملک کے بارے میں سوچے گا اور ملک کی اصلاح کے عمل میں اپنا تعاون پیش کرے گا۔

جناب دھنکھر نے سوامی دیانند کی خدمات پر زور دیتے ہوئے کہا کہ سنسکرت اور ہندی جیسی زبانوں کو ان کی مستحق پہچان ملے۔ "دنیا میں کوئی زبان اور کوئیقاعدہ نہیں ہے جس کی گہرائی سنسکرت کے پاس نہ  ہو۔ یہ تمام زبانوں کی ماں کی طرح ہے،" انہوں نے شہریوں سے اپیل کی کہ وہ اپنی جڑوں کو کبھی نہ بھولیں۔

ڈاک ٹکٹ جاری کرنے کا پروگرام ستیہ فاؤنڈیشن نے وزارت مواصلات  و اطلاعاتی ٹکنالوجی  اور وزارت ثقافت کے اشتراک سے منعقد کیاگیا ۔

وزیر مملکت برائے مواصلاتجناب دیوو سنگھ چوہان،  رکن پارلیمنٹ (لوک سبھا) ڈاکٹر ستیہ پال سنگھ، رکن پارلیمنٹ (لوک سبھا) سوامی سومیدھانند سرسوتی،پتنجلییوگ پیٹھ، ہریدوار کےسوامی رام دیو،پر پرمارتھ نکیتن، ہریشی کیش کے سوامی چدانند سرسوتی اور وزارت مواصلات کے دیگر سینئر افسران بھیاس موقع  پر موجود تھے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

3853