स्वामी दयानंद सरस्वती यांची सामाजिक अनिष्टतेशी लढण्याची दृष्टी आणि कृती आजही सुसंगत असून बेटी बचाओ बेटी पढाओ आणि नवीन शैक्षणिक धोरण यांसारख्या सरकारी उपक्रमांमध्ये त्याचे प्रतिबिंब  प्रतिध्वनी आढळते. नवी दिल्ली येथे आज स्वामी दयानंद सरस्वती यांच्या 200 व्या जयंतीच्या स्मरणार्थ टपाल तिकिटाचे प्रकाशन करताना उपराष्ट्रपती जगदीप धनखड यांनी हे अधोरेखित केले. अस्पृश्यतेसारख्या वाईट सामाजिक रुढीचें निर्मूलन आणि शिक्षणाद्वारे महिला सक्षमीकरणासाठी स्वामी दयानंद यांनी केलेल्या समर्पित प्रयत्नांचा उपराष्ट्रपतींनी उल्लेख केला. यामुळे  स्वतंत्र भारतात सामाजिक कल्याणाचा पाया रचला गेला असे ते म्हणाले.

Hon'ble Vice President, Shri Jagdeep Dhankhar released the commemorative postage stamp on the 200th birth anniversary of Swami Dayanand Saraswati in New Delhi today. #AryaSamaj pic.twitter.com/GmCCRfAJiO

— Vice President of India (@VPIndia) April 7, 2023

आधुनिक भारताचे विचारवंत-तत्त्वज्ञ आणि आर्य समाजाचे संस्थापक म्हणून स्वामी दयानंद यांच्या योगदानाचा त्यांनी गौरव केला.  भारताने आध्यात्मिक आणि सांस्कृतिक बंध गमावला होता त्या ब्रिटीश राजवटीच्या काळात स्वामी दयानंद सरस्वती यांनी भारताच्या संस्कृती आचारसंहितेला पुनरुज्जीवित करण्यासाठी तर्कसंगत दृष्टीकोनासह वैदिक तत्वांचे पुनरुत्थान केले, असे ते म्हणाले.

दयानंद सरस्वती के वचन हैं-
“स्वाधीनता मेरी आत्मा और भारतवर्ष की आवाज है, यही मुझे प्रिय है। मैं विदेशी साम्राज्य के लिए कभी प्रार्थना नहीं कर सकता।”

पीड़ा होती है जब अपनों में से कुछ लोग विदेशी भूमि पर जाकर उभरते हुए भारत की छवि को धूमिल करने का प्रयास करते हैं। pic.twitter.com/TmVT6IMseb

— Vice President of India (@VPIndia) April 7, 2023

स्वराज्याची घोषणा देणारे स्वामी दयानंद सरस्वती पहिले होते. लोकमान्य टिळकांनी हा वसा पुढे नेला आणि पुढे जाऊन ते जनआंदोलन झाले याची आठवण धनखड यांनी करुन दिली. स्वामीजींसाठी स्वातंत्र्य हे मनाच्या आणि आत्म्याच्या खऱ्या स्वातंत्र्यापासून अलिप्त नव्हते, असे धनखड यांनी अधोरेखित केले.

काही लोक परदेशात जाऊन तेथून आपल्याच देशाची प्रतिमा मलीन  करण्याचा प्रयत्न करत आहेत हे पाहणे वेदनादायी आहे असे उपराष्ट्रपती म्हणाले.

कुछ लोग वेद की चर्चा तो करते हैं,
पर उन्होंने कभी वेद देखा नहीं, पढ़ा नहीं।

मेरा आपसे आग्रह रहेगा कि वेदों का अध्ययन करें ... आपका जीवन सकारात्मक रूप से प्रभावित होगा।#DayanandSaraswati #AryaSamaj pic.twitter.com/uPuQYGYEt9

— Vice President of India (@VPIndia) April 7, 2023

सत्य फाउंडेशनने दूरसंवाद, माहिती तंत्रज्ञान आणि सांस्कृतिक मंत्रालयाच्या सहकार्याने टपाल तिकीट प्रकाशन कार्यक्रमाचे आयोजन केले होते.

***

N.Chitale/V.Ghode/P.Kor

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai