زرعی نائبین کی دوسری میٹنگ کے تیسرے اورآخری دن کا آج چنڈی گڑھ  میں انعقاد کیاگیا۔ دن کا آغاز نتیجہ خیزدستاویزکے بارے میں بحث ومباحثہ ، اورفصلو ں  سے متعلق جوائنٹ سکریٹری محترمہ  شبھاٹھاکرکے خطاب کے ساتھ ہوا جب کہ زراعت اورکسانوں کی بہبود کے محکمے  ڈی اے اینڈ ایف ڈبلیو کے ایڈیشنل سکریٹری ڈاکٹرابھیلاکش لیکھی نے پروگرام کی نظامت کی ۔

اس دن مسلسل دواجلاس منعقد کئے گئے ، جن میں جی -20کے رکن ممالک کے ذریعہ اعلامیہ کامشورہ تیارکرنے پرتوجہ مرکوز کی گئی اوراس سلسلے میں تفصیلی تبادلہ خیال کیاگیا ۔ اس اجلاس کے دوران ، دیگرمدعو ملکوں کے مندوبین اوربین الاقوامی کے نمائندوں  نے بھی اپنے اپنے خیالات  ونظریات پیش کئے اور اعلامیہ کا مشورہ تیارکرنے سے متعلق مشق کے بارے میں مبنی برشمولیت تبادلہ خیال میں سرگرمی سے حصہ لیا۔

اس اجلاس کے بعد ، ڈی اے اینڈ ایف ڈبلیو  کے سکریٹری جناب منوج آہوجہ نے پریس سے خطاب کیااورکہا کہ انھیں امید ہے کہ اعلامیہ کے مشورے پرغوروخوض اورتبادلہ خیال کئے جانے کی بدولت ، توجہ مرکوز کئے جانے والے شعبوں کے بارے میں کسی سمجھوتے کی راہ ہموار ہوگی ، جس میں خوراک کی یقینی فراہمی اورغذائیت ، آب وہوا اورموسمیاتی تبدیلیوں سے نبردآزما ہونے کی صلاحیت  والی زراعت ، مبنی برشمولیت ویلیوچین اورخوراک سے متعلق نظام اور زرعی کا یاپلٹ کرنے کی غرض سے ڈجیٹلائزیشن  اور‘‘ایک کرۂ ارض ، ایک کنبہ  اورایک مستقبل ’’ کے جذبے کو برقرار رکھنا شامل ہے ۔

اس دن کا اجلاس ، ایک پایۂ تکمیل کوپہنچانے کی نشست کے ساتھ زرعی نائبین کی میٹنگ کے باضابطہ اختتام کے ساتھ پوراہوا، جس کے بعد سبھی مندوبین اورنمائندگان ہریانہ میں پنجور کے مقام پرواقع  تاریخی یداوندراگارڈنز  دیکھنے گئے ۔ تقریبا ً85مندوبین الوداعی عشائیہ میں شامل ہوئے اور یہ اہم تقریب ایک مثبت  نوٹ کے ساتھ اختتام پذیرہوگئی ۔

***********

(ش ح ۔ ع م۔ ع آ)

U -3642