ভারত সরকারনা দিজাইন তৌরবা স্কিমগী মতুং ইন্না অয়াবা পীরবা ফাইনান্সিএল আউতলেজগী মনুংদা মরীলৈনবা এদমিনিস্ত্রেতিব মিনিস্ত্রীশিং/দিপার্তমেন্তশিংগী খুত্থাংদা অৱাং নোংপোক লমদমগী চাউখৎ থৌরাংগীদমক তোঙান তোঙানবা ফ্লেগশিপ অমসুং অতোপ্পা স্কিমশিং ইমপ্লিমেন্ত তৌই। সরকারগী হৌজিক লৈরিবা পোলিসীগী মতুং ইন্না নন-এগজেম্পতেদ সেন্ত্রেল মিনিস্ত্রিজ/দিপার্তমেন্ত য়াঙ্খৈমঙাবু ইনফ্রাস্ত্রকচর দিবলপমেন্ত য়াওনা রিজনগী মায়কৈ খুদিংমক্কী চাউখৎ থৌরাংগীদমক সেন্ত্রেল সেক্তর অমসুং অৱাং নোংপোক লমদমদা কেন্দ্রনা স্পোন্সর তৌবা স্কিমশিংগীদমক মখোয়গী গ্রোস বজেতরী সপোর্ত (জি.বি.এস.)কী য়ামদ্রবদা চাদা ১০ চদিং তৌদবা য়াদে। জি.বি.এস. চাদা ১০গী মখাদা, শেনবা চহি ২০১৭-১৮দগী মসিগী সেন্ত্রেল মিনিস্ত্রিশিং/দিপার্তমেন্তশিংনা লুপা করোর লাখ ৩.০১ চাদিং তৌখ্রে। শেনবা চহি ২০১৭-১৮দগী জি.বি.এস. চাদা ১০গী মখাদা বজেত এস্তিমেতশিং, রিভাইজ এস্তিমেতশিং অমসুং তশেংনা চাদিং তৌখিবগী চহি-চহিগী ওইবা অকুপ্পা ৱারোল মখাদা পীরি:

 

জি.বি.এস. চাদা ১০গী মখাদা বজেত এস্তিমেতশিং, রিভাইজ এস্তিমেতশিং অমসুং তশেংনা চাদিং তৌখিবগী চহি-চহিগী ওইবা অকুপ্পা ৱারোল (লুপা করোরদা)
চহি	বজেত এস্তিমেত	রিভাইজ এস্তিমেত	তশেংনা চদিং তৌখিবা
২০১৭-১৮	৪৩,২৪৫	৪০,৯৭২	৩৯,৭৫৩
২০১৮-১৯	৪৭,৯৯৫	৪৭,০৮৮	৪৬,০৫৫
২০১৯-২০	৫৯,৩৭০	৫৩,৩৭৪	৪৮,৫৩৪
২০২০-২১	৬০,১১২	৫১,২৭১	৪৮,৫৬৪
২০২১-২২	৬৮,০২০	৬৮,৪৪০	৭০,৮৭৪
২০২২-২৩	৭৬,০৪০	৭২,৫৪০	৪৭,৭৮৫*
অপুনবা	৩৫৪,৭৮২	৩৩৩,৬৮৫	৩০১,৫৬৫
সোর্স: তোঙান তোঙানবা চহিশিংগী য়ুনিয়ন বজেতকী স্তেতমেন্ত ১১ খংজিনগদবা: তশেংনা চদিং তৌখিবগী ফিগরশিং অসি প্রিবিজনেলনি অমদি ফাইনান্স মিনিস্ত্রিগী থিজিনবগী মখা পোল্লি। * চৎলিবা চহি ২০২২-২৩গী অহুমশুবা ক্বার্তরগী অরোইবা হায়বদি ৩১.১২.২০২২ ফাওবগী মিনিস্ত্রি/দিপার্তমেন্ত ৫৫মক্কী অপুনবা জি.বি.এস. চাদিং।

 

অৱাং নোংপোক লমদমদা মরীলৈনবা সেন্ত্রেল মিনিস্ত্রিশিং অমসুং দিপার্তমেন্তশিংনা মখোয়গী চাউখৎ থৌরাংগীদমক ইনফ্রাস্ত্রকচর দিবলপমেন্ত প্রোজেক্ত কয়া অমা পায়খৎলি, মদুদা য়াওরিবশিংদি:

• রোদ কনেক্তিবিতী:

হৌখিবা চহি ০৩দা অৱাং নোংপোক লমদমদা রোদ ত্রান্সপোর্ত অমসুং হায়ৱেজ মন্ত্রালয়না অপুনবা কিলোমীতর ৪৬৮৬গী নেস্নেল হায়ৱেজদা লুপা করোর ৬০,০৯৩গী শেনফম সেঙ্কসন তৌখ্রে। অৱাং নোংপোক লমদমদা হৌজিক চত্থরিবা অচৌবা কেপিতেল রোদ কনেক্তিবিতী প্রোজেক্তশিংদা নগালেন্দদা দিমাপুর-কোহিমা রোদ (৭৭.৮৭ কিলো মীতর)গী ৪ লেনিং; অরুনাচল প্রদেশদা নাগাওন বাইপাসদগী হোলোঙি (১৬৭ কিলো মীতর) ফাওবগী ৪ লেনিং; সিক্কিমদা বগ্রাকোৎদগী পাকয়োং (এন.ঐচ.-৭১৭এ) ফাওবা ওলতর্নেৎ তুচলেন হায়ৱে; মিজোরামদা আইজোল-তুইপাং এন.ঐচ.-৫৪ (৩৫১ কিলো মীতর)গী ২ লেনিং; মনিপুরদা এন.ঐচ.-৩৯গী ইম্ফাল-মোরে সেক্সনগী ৪ লেনিং (২০ কিলো মীতর) অমসুং ৭৫.৪ কিলো মীতরগী ২-লেনিং য়াওরি।

মসিগী মথক্তা নোর্থ ইস্ত স্পিসিএল ইনফ্রাস্ত্রকচর দিবলপমেন্ত স্কিম (এন.ই.এস.আই.দি.এস.) অমসুং নোর্থ ইস্ত রোদ সেক্তর দিবলপমেন্ত স্কিম (এন.ই.আর.এস.দি.এস.)গী মখাদা দোনর মন্ত্রালয়না লুপা করোর ৩৩৭২.৫৮গী শেনফম ওইবা রোদ প্রোজেক্ত ৭৭ সেঙ্কসন তৌখ্রে।

• রেল কনেক্তিবিতী:

হৌখিবা চহি অহুমগী মতমগী মনুংদা লুপা করোর ৭৭,৯৩০গী শেনফমদা কিলোমীতর ১৯০৯গী অপুনবা অশাংবা অমা কভর তৌদুনা মপুং ফানা/ শরুক খরা অৱাং নোংপোক লমদমদা লৈবা রেলৱে ইনফ্রাস্ত্রকচর প্রোজেক্ত ১৯ পায়খৎখ্রে অমদি প্লানিং/এপ্রুবেল/একজিক্যুসনগী তোঙান তোঙানবা থাক্তা লৈরি। মসিগী মনুংদা, মার্চ ২০২২ ফাওবদা কিলো মীতর ৪০৯গী অশাংবা কমিসন তৌখ্রে অমদি লুপা করোর ৩০,৩১২ চাদিং তৌখ্রে।  

• এয়র কনেক্তিবিতী:

সিভিল এভিএসন মন্ত্রালয়না লৈবাক অসিদা লৈরিবা অনসর্ব অমসুং অন্দরসর্ব এয়রপোর্তশিংদা রিজনেল এয়র কনেক্তিবিতী হেনগৎনবা অমসুং মীপুম খুদিংদা এয়র ত্রাভেল এফোর্দেবল ওইহন্নবা ২১.১০.২০১৬দা রিজনেল কনেক্তিবিতী স্কিম (আর.সি.এস.)- উরান (উরে দেশ কা আম নাগরিক) হৌদোকখি। অৱাং নোংপোক লমদমদা উরানগী মখাদা রুপসি, তেজু, তেজপুর, পসুঘাৎ, জোরহাত, লিলাবরি, শিল্লোং, পাকয়োং, ইতানগর অমসুং দিমাপুরগী এয়রপোর্তশিংবু রুত ৬৪ য়াওনা মথৌ তৌরে। ২০১৪দা অৱাং নোংপোক লমদমদা মথৌ তৌবা এয়রপোর্ত ৯ লৈরমখি। হৌজিক্কি ওইনা অৱাং নোংপোক লমদমদা মথৌ তৌবা এয়রপোর্ত ১৬ লৈরে। মসিগী মথক্তা জিরোদা এদভান্স লেন্দিং গ্রাউন্দসু মথৌ তৌরি।

• ৱাতরৱে কনেক্তিবিতী:

হৌখিবা চহি অহুমগী মতমগী মনুংদা অৱাং নোংপোক লমদমদা লুপা করোর ১০৪০.৭১গী মমল ওইবা ৱাতরৱে প্রোজেক্ত/ৱার্কস ৪ সেঙ্কসন তৌখ্রে, মদুগী অকুপ্পা ৱারোল মখাদা লৈরে:

মথং মনাও	প্রোজেক্ত/ৱার্ক	মমল (লুপা করোরদা)
১	এন.দবল্যু.-২ (ব্রহ্মপুত্র তুরেল)গী কমপ্রেহেন্সিব দিবলপমেন্ত	৪৭৪
২	এন.দবল্যু.-১৬ (বরাক তুরেল)গী কমপ্রেহেন্সিব দিবলপমেন্ত	১৪৮
৩	পান্দু (গুৱাহাতি)দা শিপ রিপ্যারিং ফেসিলিতী শেমগৎপা অমসুং পান্দু পোর্ত (ব্রহ্মপুত্র তুরেল)দা ওলতর্নেত রোদ কনেক্তিবিতী দিবেলপ তৌবা	৩৮৮
৪	মিজোরামগী লুংলৈ জিলাদা খোথলাংতুইপুই- তুইচোং তুরেলদা আই.দবল্যু.তি. দিবেলপ তৌবা	৬.১৮
৫	ত্রিপুরাগী গুমতি তুরেলদা ইনলেন্দ ৱাতর ত্রান্সপোর্ত দিবেলপ তৌবা	২৪.৫৩
	অপুনবা	১০৪০.৭১

 

• তেলেকোম কনেক্তিবিতী:

তেলেকমুনিকেসন বিভাগনা রিজন অসিদা তেলেকোল কনেক্তিবিতী মপাঙ্গল কনখৎহন্নবগীদমক অৱাং নোংপোক রাজ্যশিংদা তোঙান তোঙানবা প্রোজেক্তশিং পায়খৎলি, প্রোজেক্তশিং অদু মখাদা লৈরে: (i) অরুনাচল প্রদেশ অমসুং অসামগী জিলা ২ প্রোজেক্ত: প্রোজেক্তকী মমল অসি লুপা করোর ১২৫৫.৫৯নি, (ii) মেঘলায়া প্রোজেক্ত; (iii) অপুনবা তৱার ১৩৫৮ কমিসন তৌখ্রে, (iv) লৈবাক অসিদা লৈরিবা গ্রাম পঞ্চায়ৎ পুম্নমক্তা (চাউরাক্না লাখ ২.৬) ব্রোদবেন্দ কনেক্তিবিতী ফংহন্নবা ফেজ নায়না ভারত নেৎ প্রোজেক্ত ইমপ্লিমেন্ত তৌরে; (v) য়ু.এস.ও.এফ.দগী শেলগী তেংবাংগা লোয়ননা ভারত নেত উদ্যামিজ (বি.এন.য়ু.)গী খুত্থাংদা ভারত নেত শিজিন্নদুনা লৈবাক পুম্বদা (অৱাং নোংপোক লমদম য়াওনা) লৈরিবৈ গ্রাম পঞ্চায়ৎশিং/খুঙ্গংশিংদা এফ.তি.তি.ঐচ. কনেক্সন লাখ ৫ ফংহন্নবা পাইলোৎ প্রোজেক্ত অমা বি.এস.এন.এল.না ইমপ্লিমেন্ত তৌখ্রে। ১৪-০৩-২০২৩ ফাওবদা লৈবাক পুম্বদা পাইলোৎ প্রোজেক্ত অসিগী মখাদা এফ.তি.তি.ঐচ. কনেক্সন পুন্না ২,০৪,১৭০ ফংহনখ্রে অমসুং (vi) ৪জি সেচুরেসন প্রোজেক্ত: প্রোজেক্ত অসিগী মখাদা লৈবাক পুম্বদা লৈরিবা কোনশিন্দ্রিবা খুঙ্গং ২৪৬৮০বু ৪জি সর্বিসনা কোনশিন্নবা প্রপোজ তৌখ্রে। মসিদা খুঙ্গং ৬২৭৯দা হৌজিক লৈরিবা ২জি/৩জি সাইতশিংবু ৪জি সর্বিসতা অপগ্রেদ তৌবসু য়াওরি। মসিদা অৱাং নোংপোক লমদমগী খুঙ্গং ৫৬৬৫ মনুং চল্লি।

পাৱর সেক্তর

পাৱর মন্ত্রালয়না অৱাং নোংপোক রাজ্যশিংদা ২০১৪দগী হৌরগা পাৱর জেনরেসন (হায়দ্রো/থর্মেল) প্রোজেক্তশিংসু পায়খৎলি। মখা চত্থরকপদা ত্রান্সমিসন অমসুং দিস্ত্রিব্যুসন নেতৱার্কসু মপাঙ্গল কনখৎহল্লে। অৱাং নোংপোক রাজ্যশিংদা হায়দ্রো ইলেক্ত্রিক প্রোজেক্ত ০৩ (মেগা ৱাত ২৫গী মথক) মেগা ৱাত ৭৪০ পায়খৎখ্রে। এম/এস অসাম পাৱর জেনরেসন কোর্পোরেসন লিমিতেদনা অসাম রাজ্যদা গ্যাসতা বেজ তৌবা পাৱর প্রোজেক্ত অমা মমিং পল্লবদা মেগা ৱাত ৬৯.৭৫৫ কেপাসিতী (৭ X ৯.৯৬৫ মেগা ৱাত)গী  লখৱা রিপ্লেসমেন্ত পাৱর প্রোজেক্ত ১৪.০২.২০১৮দা কমিসন তৌখ্রে। মখা তারকপদা, পাৱর গ্রিদ কোর্পোরেসন ওফ ইন্দিয়া লিমিতেদ (পি.জি.সি.আই.এল.)না অচৌবা ইন্ত্রা স্তেত পাৱর ত্রান্সমিসন অমসুং দিস্ত্রিব্যুসন স্কিম অনি পায়খৎখ্রে মদুদি (i) লুপা করোর ৬,৭০০গী পাথোক্লবা শেনফম অমদা ইন্ত্রা-স্তেত ত্রান্সমিসন অমসুং দিস্ত্রিব্যুসন সিস্তেম (কে.ভি. ৩৩ অমসুং মথক) মপাঙ্গল কনখৎহন্নবা রাজ্য তরুক্কীদমক (অসাম, মনিপুর, মেঘলায়া, মিজোরাম, ত্রিপুরা অমসুং নগালেন্দ) নোর্থ ইস্তর্ন রিজন পাৱর সিস্তেম ইমপ্রুবমেন্ত প্রোজেক্ত (এন.ই.আর.পি.এস.আই.পি.) অমসুং (ii) লুপা করোর ৯,১২৯.৩২গী পাথোক্লবা শেনফম অমদা অরুনাচল প্রদেশ অমসুং সিক্কিমদা ত্রান্সমিসন অমসুং দিস্ত্রিব্যুসন সিস্তেম মপাঙ্গল কনখৎহন্নবগীদমক কমপ্রেহেন্সিব স্কিম।

মসিগী মথক্তা দোনর মন্ত্রালয়না নোর্থ ইস্ত স্পিসিএল ইনফ্রাস্ত্রকচর দিবলপমেন্ত স্কিম (এন.ই.এস.আই.দি.এস.)গী মখাদা লুপা করোর ২৭৩.০১গী শেনফম ওইবা পাৱর প্রোজেক্ত ০৬ সেঙ্কসন তৌখ্রে।

রিন্যুএবল পাৱর সেক্তরদা অৱাং নোংপোক লমদম অমসুং সিক্কিমদা মেগেৱাত ৫৭৮.৫৪গী অপুনবা জেনরেসন কেপাসিতী অমা ইন্সতোল তৌখ্রে।

মথক্কীশিং অসিদা নত্তনা ভারত সরকারনা অখন্ননা অৱাং নোংপোক লমদম অমসুং অতোপ্পা রাজ্যশিংগী মনুং চনবা নহাশিং অমসুং পরমপরা (ত্রেদিসন), প্রগতি (দিবলপমেন্ত), প্রোদ্যোগিকি (তেক্নোলোজী) অমসুং পরাসপর সমপর্ক (পিপল-তু-পিপল কনেক্ত)কী মরক্তা পিপল-তু-পিপল কনেক্ত হেনগৎহন্নবগীদমক “য়ুবা সঙ্গম” খোংথাং পায়খৎলি।

ইনফোর্মেশন অসি ঙসি লোক সভাদা অইবা পাউখুম অমদা  দোনর মন্ত্রী শ্রী জি কিশন রেদ্দীনা পীখিবনি।

****
 

(রিলিজ আই.দি.: 1911997) ভিজিতর কাউন্তর : 106