کمیشن نے پنجاب کے 1 (ایک) پارلیمانی حلقہ اور اوڈیشہ، اتر پردیش اور میگھالیہ کے مندرجہ ذیل چار (4) اسمبلی حلقوں میں خالی آسامیوں کو پُر کرنے کے لیے ضمنی انتخابات کرانے کا فیصلہ کیا ہے–

 

میگھالیہ میں ضمنی انتخاب اور ملتوی پولنگ کا شیڈول اس طرح ہے:

 

1. رائے دہندگان کی فہرست

اہلیت کی تاریخ 01.01.2023 والی مذکورہ اسمبلی حلقوں کے لیے رائے دہندگان کی  فہرستیں آخر کار 5 جنوری 2023 کو شائع کی گئیں اور ان انتخابات کے لیے نامزدگیوں کی آخری تاریخ تک اپ ڈیٹ کی جائیں گی۔

 

2. الیکٹرانک ووٹنگ مشینیں (ای وی ایم) اور وی وی پیٹ

 کمیشن نے تمام پولنگ اسٹیشنوں پر ضمنی انتخابات میں ای وی ایم اور وی وی پیٹ کا استعمال کرنے کا فیصلہ کیا ہے۔ کافی تعداد میں ای وی ایم اور وی وی پیٹ دستیاب کرائے گئے ہیں اور ان مشینوں کی مدد سے انتخابات کو آسانی سے منعقد کرنے کو یقینی بنانے کے لیے تمام اقدامات کیے گئے ہیں۔

 

3. ووٹروں کی شناخت

 انتخابی تصویری شناختی کارڈ (ای پی آئی سی) ووٹر کی شناخت کا اہم دستاویز ہوگا۔ تاہم، درج ذیل شناختی دستاویزات میں سے کوئی بھی پولنگ اسٹیشن پر دکھایا جا سکتا ہے:

1. آدھار کارڈ،
2. منریگا جاب کارڈ،
3. بینک/پوسٹ آفس کی طرف سے جاری کردہ تصویر کے ساتھ پاس بک،
4. وزارت محنت کی اسکیم کے تحت جاری کردہ ہیلتھ انشورنس اسمارٹ کارڈ،
5. ڈرائیونگ لائسنس،
6. پین کارڈ،
7. این پی آر کے تحت آر جی آئی کی طرف سے جاری کردہ اسمارٹ کارڈ،
8. ہندوستانی پاسپورٹ،
9. تصویر کے ساتھ پنشن دستاویز،
10. مرکزی/ریاستی حکومت/پی ایس یو/پبلک لمیٹڈ کمپنیوں کے ذریعے ملازمین کو جاری کردہ تصویر کے ساتھ سروس شناختی کارڈ، اور
11. ایم پی/ایم ایل اے/ایم ایل سی کو جاری کردہ سرکاری شناختی کارڈ۔
12. منفرد معذوری کا آئی ڈی (یو ڈی آئی ڈی) کارڈ، وزارت سماجی انصاف اور تفویض اختیار، حکومت ہند

 

4. اصولی ضابطہ اخلاق

اصولی ضابطہ اخلاق فوری طور پر اس ضلع (اضلاع) میں نافذ ہو گا جس میں الیکشن کے لیے جانے والے اسمبلی حلقے کا پورا یا کوئی حصہ شامل ہے، جزوی ترمیم سے مشروط ہے جیسا کہ کمیشن کی ہدایات نمبر 1/6/437 این ایس ٹی/2016-سی سی ایس مورخہ 29 جون، 2017 (کمیشن کی ویب سائٹ پر دستیاب ہے) کے تحت جاری کیا گیا ہے۔

 

5. مجرمانہ واقعات سے متعلق معلومات

مجرمانہ واقعات کے حامل امیدواروں کو انتخابی مہم کے دوران تین مواقع پر اخبارات اور ٹیلی ویژن چینلوں کے ذریعے اس حوالے سے معلومات شائع کرنے کی ضرورت ہے۔ سیاسی پارٹی جو مجرمانہ پس منظر کے حامل امیدواروں کو کھڑا کرتی ہے اس کے لیے بھی ضروری ہے کہ وہ اپنے امیدواروں کے مجرمانہ پس منظر کے بارے میں معلومات اپنی ویب سائٹ اور اخبارات اور ٹیلی ویژن چینلوں پر تین مواقع پر شائع کرے۔

  کمیشن نے اپنے مکتوب نمبر 2019/4/3/ایس ڈی آر جلد 4 مورخہ 16 ستمبر 2020 کے ذریعے ہدایت دی ہے کہ متعین مدت کا فیصلہ تین بلاکس کے ساتھ مندرجہ ذیل طریقے سے کیا جائے گا، تاکہ ووٹروں کو ایسے امیدواروں کے پس منظر کے بارے میں جاننے کے لیے کافی وقت ملے:

1. دستبرداری کے پہلے 4 دنوں کے اندر۔
2. اگلے 5 سے 8 ویں دنوں کے درمیان۔
3. 9ویں دن سے مہم کے آخری دن تک (پولنگ کی تاریخ سے پہلے دوسرے دن)

 

(مثال: اگر دستبرداری کی آخری تاریخ مہینے کی 10 تاریخ ہے اور رائے شماری مہینے کی 24 تاریخ کو ہے، تو اعلان کی اشاعت کے لیے پہلا بلاک مہینے کی 11 اور 14 تاریخ کے درمیان کیا جائے گا، دوسرا اور تیسرا بلاک  اس مہینے کی بالترتیب15، 18 اور 19 اور 22 تاریخ کو ہوگا۔)

یہ ضرورت 2015 کی رٹ پٹیشن (سی ) نمبر 784 (لوک پرہری بمقابلہ ہندوستان اور دیگر) اور 2011 کی رٹ پٹیشن (سول) نمبر 536 (پبلک انٹریسٹ فاؤنڈیشن اور دیگر بمقابلہ یونین آف انڈیا اینڈ این آر) میں سپریم کورٹ کے فیصلے کے مطابق ہے۔

یہ معلومات ’اپنے امیدواروں کو جانیں‘ کے عنوان سے ایک ایپ پر بھی دستیاب ہوگی۔

 

6. ضمنی انتخاب کے دوران کووڈ سے متعلق انتظامات

 

ملک بھر میں کووڈ کی صورتحال میں مجموعی بہتری کے پیش نظر اور این ڈی ایم اے/ایس ڈی ایم اے کے ذریعہ ڈی ایم ایکٹ کے تحت پابندی والے اقدام کو واپس لینے کے پیش نظر، یہ فیصلہ کیا گیا ہے کہ وزارت صحت اور خاندانی بہبود، حکومت ہند کی طرف سے وقتاً فوقتاً جاری کردہ ایڈوائزری پر عمل کیا جائے۔ ضمنی انتخاب کے عمل کے دوران، پانچ حکمت عملی پر مسلسل توجہ مرکوز کی جانی چاہیے، یعنی ٹیسٹ-ٹریک-ٹریٹ-ٹیکہ کاری اور کووڈ کے مناسب رویے کی پابندی۔ ضلعی مشینری کو کووڈ کی صورت حال کی مؤثر طریقے سے نگرانی کرنی چاہیے اور مطلوبہ قانونی/انتظامی اصولوں کو تجویز کرتے ہوئے کووڈ کے مناسب رویے کے اصولوں کو نافذ کرنا چاہیے۔

کمیشن نے اکتوبر، 2022 میں  14.10.2022 کو کووڈ کے رہنما خطوط جاری کیے ہیں جو کمیشن کی ویب سائٹ https://eci.gov.in/files/file/14492-covid-guidelines-for-general-electionbye-elections-to-legislative-assemblies-reg/ پر دستیاب ہیں، جن پر انتخابات کے انعقاد کے دوران عمل کیا جائے گا۔

*****

ش ح – ق ت – ت ع

U: 3478

 

(Release ID: 1911810) Visitor Counter : 153