تعلیم کے مرکزی وزیر جناب دھرمیندر پردھان نے آج نئی دہلی میں قومی نصاب کے نئے فریم ورک اور این ای پی 2020 پر مبنی نئے نصابی کُتب کے بارے میں ایک اعلیٰ سطحی میٹنگ منعقد کی۔

اسکولی تعلیم کے سکریٹری جناب سنجے کمار ، این سی ای آر ٹی کے سینئر افسران اور قومی نصاب کے فریم ورک سے متعلق قومی اسٹیرنگ کمیٹی(فیصلہ سازی کا ادارہ) کے اراکین نے میٹنگ میں شرکت کی ۔

میٹنگ کے دوران وزیر موصوف نے 22 زبانوں میں نصابی کُتب تیار کرنے کے لئے کہا جو آئین کےVIII     شیڈیول میں شامل ہے۔یہ کثیر لسانی تعلیم فراہم کرنے کے قومی تعلیمی پالیسی -2020 کے نقطہ نظر کے تناظر میں ہوگا۔

جناب دھرمیندر پردھان نے یہ بھی کہا کہ این سی ای آرٹی کی جانب سے تیار کردہ آموزش اور تدریس سے متعلق مواد ’’جادوئی پٹارہ‘‘ کو کھلے تعلیمی وسائل کی شکل میں ہر اسکول تک پہنچانے کی کوشش کی جائے گی۔اسے ایک عوامی تحریک بنانے کی ضرورت ہے تاکہ اختراعی اور تخلیقی نوجوانوں کو مختلف طرح کے اختراعی آموزش اور تعلیمی مواد کو تیار کرنے میں شمولیت کو یقینی بنایا جاسکے۔

 

***********

ش ح ۔ ع ح ۔ م ش

U. No.3375

(Release ID: 1911333) Visitor Counter : 149