ভারত সরকারগী তুরিজম মিনিস্ত্রিদগী ফংবা দেতাগী মতুংইন্না, ২০২২ মনুংদা লৈবাক মনুংগী লমকোয়বা মীওই লাখ ১১৮.৪৫ অমসুং মপান লৈবাকশিংগী লমকোয়বা মীওই লাখ ১.০৪ অৱাং-নোংপোক রাজ্যশিংদা লাকখি।

লৈবাক অসিদা লৈরিবা মথৌ তৌদ্রবা অমসুং মপুংফানা মথৌ পাংথোক্তবা এয়রপোর্তশিংদগী লৈবাক শীনবা থুংনা মথক্তা চৎথোক-চৎশিন তৌবা হেনগৎহন্নবা অমসুং মীয়াম্না মমল হোঙনা মথক্তা পাইবা ঙম্নবা ওক্তোবর ১২,২০১৬দগী সিবিল এভিএসন মিনিস্ত্রিনা উরান(উরে দেস কা আম নগ্রিক) স্কিম হৌদোকখ্রে। উরানগী মখাদা অৱাং-নোংপোক লমদমগী রুপসি, তেজু, তেজপুর, পাসিঘাত, জোরহাত, লিলাবারি, শিল্লোং, পাকয়োং, ইতানগর অমসুং দিমাপুরগী লম্বী ৬৪ হৌজিক মথৌ পাংথোক্লে। হৌজিক উরানগী মখাদা অৱাং-নোংপোক লমদমদা এয়রপোর্ত ১৬ মথৌ পাংথোক্লি। মসিগী মথক্তা, জিরোদা এদভান্স লেন্দিং গ্রাউন্দশু মথৌ পাংথোক্লে। রেলৱেজ মিনিস্ত্রিনা হায়খি ২০২১-২২ মনুংদা অৱাং-নোংপোক লমদমদা কিলোমিতর ১,১৮১গী অনৌবা লাইন প্রোজেক ১৪ সেঙ্কসন তৌখিবগী মনুংদা কিলোমিতর ৩৬১ থবক হৌখ্রে। কিলোমিতর ৭২৮গী দব্লিং প্রোজেক ৫ সেঙ্কসন তৌখিবগী মনুংদা কিলোমিতর ৪৮ থবক হৌখ্রে। রোদ ত্রান্সপোর্ত মিনিস্ত্রিনা লমদম অসিদা কিলোমিতর ৫১৩৭গী নেসনেল হায়ৱেজশিং শেমগৎনবা থবক পায়খৎখ্রে। হায়রিবা ইনফ্রাস্ত্রকচর প্রোজেকশিং অসি অৱাং-নোংপোক লমদমদা তুরিজম চাউখৎনবা তঙাইফদবা চৎথোক-চৎশিনগী খুদোংচাবশিং ফংহল্লগনি।

নোর্থ ইস্ত স্পিসিএল ইনফ্রাস্ত্রকচর দিবলপমেন্ত স্কিম(এন ই এস আই দি এস)গী মখাদা দোনর মিনিস্ত্রিনা অৱাং-নোংপোক্তা তুরিজম সেক্তরদা ঈশিং, মৈ অমসুং লম্বী-থোংগা মরী লৈনবা ইনফ্রাস্ত্রকচর প্রোজেকশিংদা মতেং পাংলি। অৱাং-নোংপোক লমদমদা তুরিজম চাউখৎনবা তুরিজম ইনফ্রাস্ত্রকচর চাউখৎনবা প্রোজেকশিংদা নোর্থ ইস্তর্ন কাউন্সিলগী খুৎথাংদা দোনর মিনিস্ত্রিনা মতেং পাংলি।

লমদম অসিদা তুরিজম চাউখৎনবা নোর্থ ইস্তর্ন কাউন্সিলগী মখাদা তুরিজমগা মরী লৈনবশিংগা খন্ন-নৈনবা মীফম কয়া পাংথোক্তুনা সেক্তর অসি চাউখৎনবা অমসুং মসিদা থেংনরিবা খুদোংচাদবশিংগী মতাংদা ইন্দিয়ান ইন্সতিতুৎ ওফ মেনেজমেন্ত(আই আই এম)শিল্লোংনা শীন্দুনা মীফমশিং পাংথোকখ্রে। দোনর মিনিস্ত্রিনা প্রাইম মিনিস্তরস দিবলপমেন্ত ইনিসিএতিপ ফোর নোর্থ ইস্ত রিজন(পি.এম-দিভাইন)স্কিমশু পায়খৎলি। লমদম অসিগী মীয়ামগী দরকার ওইবা চাউখৎ-থৌরাংগী প্রোজেকশিং শৌগৎনবা, নহারোলশিং অমসুং নুপীশিংদা হিংনবা লম্বী পীনবা অমসুং হিরম কয়াদা অৱাৎপশিং মেনখৎনবা স্কিম অসিনা ফন্দ থাদরি। স্কিম অসিনা তুরিজম সেক্তরশু কোনশিল্লি। অৱাং-নোংপোক লমদমগী নহারোলশিংগা অতোপ্পা রাজ্যশিংগা মীগা মীগগী মরক্ত শম্নবা হেনগৎহন্নবা অমসুং হিরম মঙা-পরিয়াতন(তুরিজম), পরম্পারা(চৎনবীশিং), প্রগাতি(চাউখৎপা), প্রোদয়োগিতি(তেক্নোলোজি) অমসুং পারাস্পার সম্পাক(মীগা মীগা শম্নবা)দা অঙকপা খুদোংচাবশিং পীনবা ভারত সরকারনা ‘য়ুব শঙ্গম’ হৌদোক্লে।

তুরিজম মিনিস্ত্রিনা অৱাং-নোংপোক লমদম য়াওনা লৈবাক অসিদা তোঙান-তোঙানবা স্কিমশিং হায়বদি শ্বাদেস দর্সন স্কিমনা থিমদা য়ুম্ফম ওইবা তুরিজম অমসুং পিলগ্রিমেজ রিজুবেনেসন এন্দ স্পিরিতচুএল, ওগমেন্তেসন দ্রাইভ(প্রসাদ) চাউখৎনবা থবক কয়া পায়খৎলে। স্কিম অসিগী মখাদা ‘এসিস্তেন্স তু সেন্ত্রেল এজেন্সি ফোর তুরিজম ইনফ্রাস্ত্রকচর দিবলপমেন্ত’না অৱাং-নোংপোক লমদমদা ভিয়ুপোইন্তশিং অমসুং লম্বী মতাইগী খুদোংচাবা কয়া শেমগৎলে।

ৱাফম অসি ঙসি লোক সভাদা অইবা ওইনা পীবা পাউখুম অমদা দোনরগী মিনিস্তর শ্রী জি.কিসন রেদ্দিনা ফোঙদোকখিবনি।

*****