ঐখোয়না পি.এম. মিত্রা প্রোগ্রামদগী ফংবা তোঙান-তোঙানবা প্রোপোজেল কয়া য়েংশিন্নবগীদমক্তা পি.এম. গতিশক্তী পাক শন্না শিজিন্নখি অমসুং খনগৎবা অমসুং মায় পাক্লবা মফমশিং ভেলিদেত তৌবদসু ঐখোয়দা তেংবাংখি। মসিদি তেক্নোলোজীনা শাফু পীদুনা পাংথোকপা নুং-পান ফাওনা উবা ভারতকী লৈঙাকপগী খুদম অমা ওইরিবনি হায়না তেক্সতাইল, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমদি কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ুশ গোয়লনা মফমসিদা ঙসি পাংথোকপা জিও তেক্সতাইলগী ভর্চুএলগী ওইবা লৈবাক্কী কনফরেন্স অমদা ৱা ঙাংবদা ফোংদোকখি।

“প্রধান মন্ত্রীগী এফ. ৫গী পান্দমঃ ফার্মদগী ফাইবরদগী ফেক্তরীদগী ফেশন্দগী ফোরেন ফাওবগী মখা পোন্না, পি.এম. মিত্রা স্কিমগী মখাদা তমিল নাদু, তেলঙ্গানা, কর্নাতকা, মহারাস্ত্রা, গুজরাত অমসুং মধ্য প্রদেশতা মেগা তেক্সতাইল পার্ক তরেত লিংখৎলগনি লাউথোকখ্রবনি। ঐহাক্না মায় পাক্লবা রাজ্য খুদিংবু থাগৎচরি”, শ্রী গোয়লনা হায়খি। ভারতনা চাউরাকপা বিলিয়ন দোল্লর ২২ লৈদুনা মালেম খ্বাইদগী মঙাশুবা চাউবা তেক্নিকেল তেক্সতাইল পুথোকপা লৈবাক অমা ওইরিবনি অমসুং ইং ২০৪৭ ফাওবদা ঐখোয়না নিংতম্বগী চহি ১০০ শুরকপা মতমদা বিলিয়ন দোল্লর ৩০০ চাউবা অমা ওইহন্নবা পান্দম থম্লি।

জিওতেক্সতাইলগী মালেমগী দিমান্দ হেনগৎলক্লিবা অসিদা শ্রী গোয়লনা মিৎয়েং চঙলদুনা, ভারত্তা হৌজিক শেমগৎলিবা অচৌবা ইনফ্রাস্ত্রকচর অসিনা মরম ওইরগা জিও তেক্সতাইল অমসুং তেক্নিকেল তেক্সতাইল সেক্তরদা লৈরিবা ঐখোয়গী মার্কেতকী পোতেন্সিএল অসি মশক থোক্না হেনগৎহন্নবা থৌওং খরদি শোইদনা পাংথোক্লগনি হায়বগী থাজবা লৈ হায়না ফোংদোকখি। মতৌ অসুম্না, সেক্তর অসিগী গ্রোথকী মতাংদা খন্নরুরবদি, ইন্দস্ত্রী অসিনা থেংনরিবা শিংনবা কয়া মাইয়োক্নবা ঙম্নবা থবক কয়া থৱাই য়াওনা পাংথোক্লি অমসুং মসিদা মতেং পাংবা ঙমগদবা অকোয়বগী ফিভম অমা লৈহনবদসু তেংবাংলি। প্রদক্সন লিঙ্ক ইন্সেন্তিব স্কিম, পি.এম. মিত্রা পার্ক স্কিমগুম্বা অহোংবা পুরকপা ঙম্বা স্কিম কয়া অসিনা নেস্নেল তেক্নিকেল তেক্সতাইল মিসন, কারবার তৌবা লায়হনবগী খোঙথাং কয়া, ভারত্তা কারবার তৌবদা হেন্না নুংঙাইহন্নবা তোঙান-তোঙানবা খোঙথাংগী মতাংদা পল্লি অমসুং ঐখোয়গী ইন্দস্ত্রীগী পার্ত কয়াসু মসিনা ফংহল্লি। হায়রিবশিং অসিনা ভারতপু ত্রেদিস্নেল তেক্সতাইল ইন্দস্ত্রী অমদগী মালেমগী তেক্নিকেল তেক্সতাইল অমসুং এম.এম.এফ. (মেন-মেদ ফাইবর) হব অমা ওইহনবদা তেংবাংগনি।

শ্রী গোয়লনা ভারতনা খুদোংচাদবা কয়া মাইয়োক্নদুনা মদুদগী মায় পাক্না থোক্লকপা ঙম্বগী মতিক অদু কোবিদ মনুংদা নিংথীনা উৎখ্রে হায়খি। “ঐখোয়না কোবিদ মনুংদা ইশা-ইশানা পি.পি.ই. কিত, মাস্ক অমসুং রেপিদ তেস্তিং কিত কয়া পুথোকপা ঙমহনবদা তেংবাংখিবা মরু ওইবা সেক্তর অমদি তেক্সতাইলনি অমসুং হায়রিবা পোৎলমশিং মীরমদগী লৈবখক ওইরম্বা ঐখোয়না মেদিকেল তেক্সতাইলগী এক্সপোর্তর অমা ওইবা ঙম্বগী ঐখোয়গী মতিকপু মশক থোক্না হেনগৎহনখি”, মহাক্না মখা তাখি।

ঙসিগী কনফরেন্স অসিনা ইং ২০২১দা প্রধান মন্ত্রী শ্রী নরেন্দ্র মোদীগী মিৎয়েং মখাদা হৌদোকখিবা পি.এম. গতিশক্তী নেস্নেল মাস্তর প্লানগা মরী লৈনৈ হায়না মহাক্না হায়খি। মসিনা তোঙান-তোঙানবা ইন্দস্ত্রী অমসুং ইকোনোমিক জোন কয়া ফাওবদা মলতিমোদেল কন্নেক্তিবিতী অমসুং লাস্ত মাইল ইনফ্রাস্ত্রকচর পীনবা পান্দম থম্লি অমসুং ভারতকী খ্বাইদগী মনুং হঞ্জিনবা মফমদা সোসিএল ইনফ্রাস্ত্রকচর হেন্না পাকথোক চাউথোকহন্নবা পাক শন্না হৌজিক হৌজিকসু শিজিন্নরি। মহাক্না পি.এম. গতিশক্তী প্রোজেক্তশিংবু থাগৎখি, মসিনা মরম ওইরগা ইনফ্রাস্ত্রকচর প্রোজেক্ত কয়া খোঙজেল য়াঙনা লোইশিনবা ঙম্লে অমসুং অয়াবা পীবগী থৌওংসু থুজিনহল্লে। হোলিস্তিক প্লান্নিং অমসুং ইমপ্লিমেন্তেসন তৌবনা, থবক কয়া কাঙলোন হেন্না চুম্না পাংথোকপা ঙম্মি অমসুং প্রোজেক্ত পাংথোক্লিঙৈ মতমদা শেল হেঞ্জিনা চঙবগী ফিভমসু লৈহন্দে।

মসিনা ঐখোয়না ইনফ্রাস্ত্রকচরদা থাদরিবা ইশাগী ইনভেস্তমেন্ত হেনগৎহনগনি অমসুং লাক্কদৌরিবা চহিশিংদা জিওতেক্সতাইল শিজিন্নবগী অচৌবা মার্কেত অমসু শেমগৎকনি হায়না শ্রী গোয়লনা হায়খি। মসিগুম্বা জিওতেক্সতাইল অসি শোরোক, থোং, হাইৱে, রেলৱে, এয়রপোর্ত, হিথাংফমশিংদা শিজিন্নগনি অমসুং মসিগুম্বা ইনফ্রাস্ত্রকচরশিংগী মগুন অমসুং কুইনা চৎপগী মতমসু য়াম্না হেনগৎহনগনি। 

“ভারতনা মশাগী তেক্নিকেল তেক্সতাইল মার্কেতপু মথংগী চহি ৪-৫দা বিলিয়ন দোল্লর ৪০দা য়ৌহন্নবা কন্না হোৎনরি। মসি য়াম্না চাউবা থবক অমনি, অদুবু ঐখোয়না পুন্না হোৎনরবদি, ঐখোয়না শোইদনা ফংবা ঙমগনি হায়বগী থাজবা থম্মি। মসিগীদমক্তা ঐখোয়না মেন্যুফেকচরিং অমসুং সপ্লাই চেনগী থাকশিংদা প্রদক্সন হেনগৎহনবগী হীরমদা অহেনবা মিৎয়েং চঙবগী মথৌ তারি। ঐখোয়না ইকোনোমী ওফ স্কেল হৌদোকপা পাম্মি অমসুং অনৌবা পোত্থোক কয়া পুথোক্নবগীদমক্তা ইন্নোভেসন পাংথোকপা ঙম্নবা রিসর্চ অমসুং দিভেলপমেন্ততা থবক তৌবগী মথৌসু তারি। মসি ঐখোয়গী তুংগী মতমগী মালেমগী থৌদাং ওইগনি”, মহাক্না হায়খি।

শ্রী গোয়লনা মখা তারদুনা, পান্দম অসি ফংনবগীদমক্তা মন্ত্রীশিংগী মরক্তা তেংবাংনবগী অচৌবা থৌওং পাংথোক্লি, মসিনা ভারতকী তেক্নিকেল তেক্সতাইল সেক্তর চাউখৎহনবগী লম্বী অমা য়াৎকনি। সরকারগী মনুংদা কনভর্জেন্স লৈহনবা, য়ুনিভর্সিতী অমসুং ইন্দস্ত্রীগী মরক্তা কনভর্জেন্স লৈহনবা, সাইন্তিস্ত অমসুং ওজাশিংগী মরক্তা কনভর্জেন্স লৈহনবা হায়বসিদা প্রধান মন্ত্রীনা লেপ্তনা মিৎয়েং চঙলি হায়না মহাক্না হায়খি। মসিগী পান্দমদি, লাক্কদৌরিবা চহিশিংদা লৈরক্কদৌরিবা জিও তেক্সতাইলগী দিমান্দ অমসুং শিজিন্নবা হেনগৎলক্কদৌরিবা অসিদা পুম্নমক্না মিৎয়েং চঙবা ঙম্নবনি।

ভারতনা জি.২০ প্রসিদেন্সীগী পান্দম ফংনবা শেম শারিবা মতমসিদা ঙসিগী কনফরেন্স অসি মতম চানা পাংথোক্লি। হৌজিক্কী মতম অসিদি অতোপ্পা লৈবাক অমসুং মালেমগী কম্পেনীশিংগা মরী চেৎশিলহনবগী ভারতকী মতমনি হায়না মহাক্না মখা তাখি। ঙসিগী থৌরম অসিদি তেক্নিকেল জিওতেক্সতাইল সেক্তরগী লমদা মশক থোকপা গ্রোথ অমা লৈবা ঙমহন্নবা লম্বী য়াৎপগী মরু ওইবা থৌরম অমনি হায়না মহাক্না হায়খি। ইন্দস্ত্রী অমসুং সেক্তর খুমাং চাউশিলহন্নবা হোৎনরিবা কয়া অসিবু ঙসিগী থৌরম অসিনা মায় পাকহনগনি অমসুং ইং ২০৪৭ ফাওবদা চাউখৎপা লৈবাক অমা ওইবা হায়রিবা ভারতকী পান্দম ফংহনবদা মসিনা তেংবাংগনি হায়না মহাক্না মখা তাখি।

*****