ইকায়খুম্নরবা প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমিক এফ্যার্সনা ২০২৩-২৪ সীজনগী ওইনা রো জুতকী মিনিমম সপ্পোর্ত প্রাইস (এম.এস.পি.) অয়াবা পীখ্রে‍। অয়াবা অসি কম্মিসন ফোর এগ্রিকলচরেল কোস্ত এন্দ প্রাইসেস (সি.এ.সি.পি.)গী রিকম্মেন্দেসন্দা য়ুম্ফম ওইরগা পীবনি‍।

রো জুতকী (হান্নগী তি.দি.-৫ গ্রেদকা মান্নবা তি.দি.-৩) এম.এস.পি. ২০২৩-২৪ সীজনগী ওইনা কুইন্তলদা লুপা ৫০৫০/-দা লেপ্লে‍। মসিনা ওল ইন্দিয়া ৱেতেদ এভরেজ কোস্ত ওফ প্রদক্সনগী মথক্তা চাদা ৬৩.২০গী শেন্দোং ফংহল্লগনি‍। ২০২৩-২৪ সীজনগী রো জুতকী লাউথোক্লিবা এম.এস.পি. অসি বজেৎ ২০১৮-১৯দা লৈঙাক্না লাউথোকখিবা ওল ইন্দিয়া ৱেতেদ এভরেজ কোস্ত ওফ প্রদক্সনগী য়ামদ্রবদা শরুক ১.৫গী চাংদা থমদুনা এম.এস.পি. লেপ্পগী কাঙলোনগা চুননা পায়খৎপনি‍।

মসিনা শেন্দোং য়ামদ্রবদা চাদা ৫০দি ফংহল্লি‍। মসি জুত থারিবা মীওইশিংদা হেন্না ফবা শেন্দোং শোয়দনা ফংহন্নবা অমদি ক্বালিতী জুত ফাইবর ইন্সেন্তিবাইজ তৌননবগী মরুওইবা অমদি খুমাঙ চাওশিনবা খোঙথাংশিংগী মরক্তা অমনি‍।

জুত কোর্পোরেসন ওফ ইন্দিয়া (জে.সি.আই.)না প্রাইস সপ্পোর্ত ওপরেসন পায়খৎনবগী কেন্দ্র লৈঙাক্কী নোদেল এজেন্সী ওইনা মথৌ তৌখিগনি অমদি করিগুম্বা, শেল মাঙবা য়াওরগদি, কেন্দ্র লৈঙাক্না মপুং ফানা শেল হঞ্জিনগনি‍।

*****