آیوش کی وزارت اور سابق فوجیوں کی بہبود/ای سی ایچ ایس، وزارت دفاع (ای سی ایچ ایس/ ڈی او ای ایس ڈبلیو) نے آج ای سی ایچ ایس پولی کلینک میں آیوروید کو پانچ سال کی مدت کے لیے او پی ڈی سروس کے طور پر شامل کرنے کے لیے مفاہمت نامہ پر دستخط کیے ہیں۔ یہ امبالہ، میسور، رانچی، ناگپور، بھوپال، بھونیشور، چنئی، میرٹھ، دانا پور، اور الیپی (الپوژا) میں واقع 10 پولی کلینک میں قائم کیے جائیں گے۔ قابل ذکر ہے کہ 37 چھاؤنی اسپتالوں، اے ایف ایم سی اور اے ایچ آر اینڈ آر، اے ایف ہاسپٹل ہنڈن کے 12 ملٹری اسپتالوں اور پانچ ای سی ایچ ایس پولی کلینک میں آیوروید او پی ڈی میں آیوروید مراکز پہلے سے موجود ہیں۔

اس مفاہمت نامہ پر آیوش کی وزارت کی جانب سے ڈاکٹر منوج نیساری، مشیر (آیور وید)، وزارت آیوش اور میجر جنرل این آر اندورکر، ایم ڈی، سابق فوجیوں کی معاون صحت اسکیم، جناب پرمود کمار پاٹھک، اسپیشل سکریٹری، آیوش کی وزارت، بریگیڈیئر جتیندر سنگھ، ای سی ایچ ایس، کرنل اے سی نشیل، ڈائریکٹر (میڈیکل) اور آیوش وزارت کے دیگر عہدیداروں کی موجودگی میں دستخط کیے گئے۔

اس مفاہمت نامہ کے مطابق آیوروید او پی ڈی ہندوستان کے مختلف خطوں میں 10 ای سی ایچ ایس پولی کلینک/ڈسپنسریوں میں قائم کی جائے گی تاکہ رضاکارانہ بنیادوں پر تمام ای سی ایچ ایس ممبران کا احاطہ کیا جا سکے۔ وزارت وقتاً فوقتاً تکنیکی رہنمائی فراہم کرے گی اور آیوروید ڈاکٹروں اور فارماسسٹوں کو ان کی مصروفیت کے لیے فہرست میں شامل کرے گی اور ضرورت کے مطابق ضروری آیوروید ادویات کی فہرست اور دیگر تکنیکی مدد فراہم کرے گی۔

جبکہ محکمہ سابق فوجیوں کی بہبود/ای سی ایچ ایس، وزارت دفاع متعلقہ پولی کلینک میں مناسب جگہ پر مطلوبہ بنیادی ڈھانچہ (کمرے/فرنیچر/دیگر سہولیات) فراہم کرے گا، آیوروید ماہرین، آیوروید جنرل ڈیوٹی میڈیکل آفیسرز اور پیرا میڈیکل اسٹاف کے ساتھ ٹھیکہ کی بنیاد پر کام کرے گا اور روزمرہ کے کام کی ضرورت کے حساب سے ذیلی عملہ (انتظامی، کلیریکل اور ملٹی ٹاسکنگ عملہ) فراہم کرے گا۔

دونوں وزارتوں نے ایک مشترکہ ورکنگ گروپ (جے ڈبلیو جی) بنانے پر اتفاق کیا ہے جس میں آیوش کی وزارت اور سابق فوجیوں کی بہبود/ای سی ایچ ایس، وزارت دفاع کے نمائندے شامل ہوں گے تاکہ ایم او یو کے مطابق او پی ڈی کے قیام کی تجویز کو آگے بڑھایا جا سکے۔

آیوش کی وزارت اور وزارت دفاع نے وزارت دفاع کے مختلف اداروں میں آیوش کی صحت کی خدمات فراہم کرنے میں اپنی ایسوسی ایشن کو مضبوط کیا ہے۔ سال 2019 کے مفاہمت نامہ کے ذریعے، اے ایچ آر اینڈ آر، اے ایف ہسپتال ہنڈن اور پانچ (05) ای سی ایچ ایس پولی کلینکس کی مسلح افواج کی طبی خدمات کی سہولیات میں آیوروید او پی ڈی شروع کی گئی۔ بعد ازاں 2022 میں، 37 چھاؤنی ہسپتالوں اور آرمڈ فورسز میڈیکل سروسز (اے ایف ایم ایس) کے 12 ملٹری ہسپتالوں میں آیوروید سینٹرز شروع کرنے کے لیے دو مفاہمت ناموں پر دستخط کیے گئے۔

*****

ش ح – ق ت – ت ع

U: 3263