ভারতকী এভিএসন সেক্তর অসিদা হৌখিবা চহি খরসিদা চাউখৎপগী চাং ৱাংখৎলক্লি, মসিনা এয়রপোর্তশিংদগী কার্বোন থাদোকপগী চাংসু হেনগৎহল্লি। সিভিল এভিএসন মন্ত্রালয় (এম.ও.সি.এ.)না এভিএসন সেক্তরদা তুং কোইনা চৎনবা য়াবা চাউখৎপা পুরক্নবা অমসুং এয়রপোর্তশিংদা কার্বোন থাদোকপগী চাং হন্থহন্নবা থৌরাং কয়া লৌখৎখ্রে।

এয়রপোর্তশিংদগী থাদোকপা গ্রীন হাউস গ্যাস অসি মায়কৈ অহুম থোক্না খায়দোক্তুনা য়েংবা য়াইঃ

মায়কৈ ১- এয়রপোর্তকী নত্ত্রগা কন্ত্রোল তৌরবা সোর্সশিংদগী থাদোকপা। খুদ্ম ওইনা ফোসিল ফ্যুল মৈ থাবা এয়রপোর্তকী পাৱর প্লান্তশিং, মহৌশাগী গেসোলিন শীজিন্নবা গারীশিং, নৎত্রগা মহৌশাগী দিজল ফ্যুল শীজিন্নবা জি.এস.ই.শিংসিনি।

মায়কৈ ২- অলৈবা এনর্জী (ইলেক্ত্রিসিতী, মৈশা অসিনচিংবশিং) শীজিন্নবদগী নাইকোইননা থাদোকপা

মায়কৈ ৩- এয়রপোর্তনা পায়বা নত্তবা অদুবু ইথিলদি লৈবা নাইকোইননা থাদোকপা। খুদমশিংদা তেনেন্ত ইমিসন, ওন-এয়রপোর্ত এয়রক্রাফ ইমিসন (মহৌশানা, এপ্রোন্দা এয়রক্রাফ অমা খাম্লবা মতুংদা), এয়রপোর্ত্তা থুংলবা নত্ত্রগা থাদোকখিবা পেসেঞ্জরগী গারীশিং অমসুং ফত্তবা হুন্দোকপা অমসুং প্রোসেস তৌবদা থাদোকপা।

নৈনবগী মতুং ইন্না মায়কৈ ১ অসিনা ৫% মতেং পাংই অমসুং মায়কৈ ২ অসিনা এয়রপোর্ত্তগী হকথেংননা থাদোকপদা ৯৫% মতেং পাংই।

গ্রীন এয়রপোর্তশিং: গ্রীন এয়রপোর্ত অমা হায়বসি অকোইবদা পীবা অকায়বশিং হন্থহন্নবা তুং কোইনা চৎপা য়াবা থবকশিং পায়খৎলবা অমসুং তুং কোইনা চৎপা য়াবা চাউখৎনবগী লম্বীদা চঙশিনলবা এয়রপোর্ত অমনি। গ্রীন এয়রপোর্ত অমনা মখোয়গী কার্বোন থাদোকপগী চাং হন্থহন্নবা হোৎনৈ, এনর্জী, ঈশিংগী রিসোর্সশিং কন্নবা হোৎনৈ, অরেম্বা অপা লৈহন্দনবা অমসুং ইমিসন হন্থনবা হোৎনৈ।

স্তেকহোল্দরশিংবু ৱাখল তানবা এম.ও.সি.এ.না লৌখৎপা থৌরাংশিং:

এভিএসন সেক্তরদা তুং কোইনা চৎপা য়াবা চাউখৎপা পুরক্নবগীদমক অমসুং এয়রপোর্ত্তা কার্বোন থাদোকপা হন্থহন্নবগীদমক এম.ও.সি.এ.না মখাগী থৌরাংশিং অসি লৌখৎখ্রেঃ

• এম.ও.সি.এ.না ভারতকী এয়রপোর্তশিংগী কার্বোন একাউন্তিং অমসুং রিপোর্তিং ফ্রেমৱার্ক থাক অমদা থম্নবগীদমক ৱাখল লৌশিং লান্থোক্নবগী মীফমশিং শীল্লি অমসুং অইং অশা হোংলক্লিবা অসিগী মতাংদসু ৱাখল তাহন্নবা হোৎনরি।
• থবক পায়খৎলিবা ব্রাউনফীল্দ এয়রপোর্তশিং অমসুং লাক্কদৌরিবা গ্রীনফিল্দ এয়রপোর্ত ওপরেতরশিংবুঃ
• কার্বোন ন্যুত্রেলিতী অমসুং নেত জিরো ফংনবগী মায়কৈদা চঙশিন্দুনা গ্রীন এনর্জী ১০০% ফংনবা হোৎননবা খঙহল্লি।
• ইম্পেনেল তৌরবা ভেরিফাইয়রশিংগী থোংদগী এয়রপোর্ত কাউন্সিল ইন্তর্নেসনেল (এ.সি.আই.)/আই.এস.ও. ১৪০৬৪ লৌনবা খঙহল্লি।
• কার্বোন ইতিগেসনগী খোঙথাংশিংগা লোইননা কার্বোন মেনেজমেন্ত প্লানশিং মীৎয়েং শান্না য়েংদুনা লৌখৎনবা খঙহল্লি।
• চীফ সেক্রেতরীশিং/এদমিনিস্ত্রেতরশিংবু গ্রীন ফীল্দ এয়রপোর্ত দিবেলপমেন্ত প্রোপোজেল, দি.পী.আর. এয়রপোর্ত মাস্তর প্লান অসিনচিংবশিং এম.ও.সি.এ.দা থাদ্রিঙৈদা দিজান/স্তেন্দার্দ হাপচিন্দুনা কার্বোন থাদোকপা থিংনবগী খোংথাং লৌখৎনবা অমসুং নেৎ জিরো পান্দম ফংনবা হোৎননবা খঙহনখ্রে।
• এয়রপোর্ত একনোমিক রিগুলেতরী ওথোরিতীদা এয়রপোর্ত তারিফ দিতর্মিনেসনদা গ্রীন এনর্জী শীজিন্নবগা মরী লৈননা চঙবশিং খন্নহৌনবা খঙহনখ্রে।

এম.ও.সি.এ.না সস্তেনিবল এভিএসন ফ্যুল (এস.এ.এফ.) শীজিন্নবদা পুক্নিং থৌগৎনবা লৌখৎখিবা খোঙথাংশিং:

আই.সি.এ.ও.না বেজলাইন ভেল্যু অমদগী হেন্না থাদোকপা ইমিসন থিংবা তঙাইফদবা লৈবা ইন্তর্নেস্নেল এভিএসন্না থাদোকপা থিংনবগীদমক কার্বোন ওফসেত্তিং অমসুং রিদক্সন স্কিম ফোর এভিএসন হৌদোকখ্রে। সি.ও.আর.এস.আই.এ. স্কিম অসিনা তাংকক অহুমদা মীৎয়েং থম্লিঃ

• পাইলত তাংকক- (২০২১-২০২৩)
• অহানবা তাংকক – (২০২৪-২০২৬)
• অনিশুবা তাংকক (২০২৭-২০৩৫)

পাইলত অমসুং অহানবা তাংকক অসি ভোলুন্তরী তাংকক্কনি মসিদা অনিশুবা তাংকক অসি আই.সি.এ.ও. এম্বর স্তেতশিংনা তঙাইফদনা লৌগদবনি। ভারত সরকারনা কোরসিয়াগী ভোলুন্তরী তাংকক্তা শরুক য়াদনবগীদমক ৱারেপ লৌখ্রে। ইন্দিয়ন কেরিয়রগী কোরসিয়াগী মখাদা ওফসেতিং তৌবগী তঙাইফদবা লৈবশিং অসি ২০২৭দগী হৌগনি।

• এয়রলাইনশিংনা সাফ শীজিন্নবা য়াই নৎত্রগা মখোয়গী থাদোকপগী চাং অসি হন্থনবগীদমক আই.সি.এ.ও.না অয়াবা পীরবা ইমিসন য়ুনিত প্রোগ্রামশিংদগী কার্বোন ক্রেদিত লৈদুনা ওফসেত শীজিন্নবা য়াই।
• ৪১শুবা আই.সি.এ.ও. জেনরেল এসেম্বলীদা, কোরসিয়াগী বেজলাইনবু ২০১৯গী থাদোকপগী চাং ৮৫%দা হন্থহন্নবা খঙহনখি। মসিগী মথক্তা, এয়রলাইনশিংগী ইন্দিভিজ্বেল গ্রোথ ফেক্তর (আই.জি.এফ.) অসি ২০৩০-৩২ কমপ্লাইএন্স সাইকলদা ০%দা হন্থখি অমসুং অরোইবা ২০৩৩-৩৫ কমপ্লাইএন্স সাইকল দনা ৭০%দা হন্থখি।
• এভিএসন সেক্তরদা দিকার্বনাইজেসনগী পান্দম ফংনবগীদমক, পেত্রোলিয়ম অমসুং নেচরেল গ্যাস মন্ত্রালয়না বাইও-এ.তি.এফ. প্রোগ্রাম্বু লৈবাক অসিদা ক্লীন ফ্যুল শীজিন্নবা হেনগৎনবগীদমক বাইও-এভিএসন তর্বাইন ফ্যুল (এ.তি.এফ.) প্রোগ্রাম কম্মিতী অমা শেমখ্রে।
• বাইও-এ.তি.এফ. প্রোগ্রাম কম্মিতী অসিনা মখোয়গী রিপোর্ত অদু এম.ও.পি অমসুং এন.জি.দা অয়াবা লৌনবগীদমক থাজিনখ্রে।

মান্নবা ফোতো

• স্পাইসজেত, প্রাইভেত ইন্দিয়ন কেরিয়র অসিনা ওগস্ত ২০১৮দা ইঞ্জিন অমদা  এ.তি.এফ.য়ানশিল্লবা (২৫:৭৫কী রেসিওদা) বাইও ফ্যুল শীজিন্নদুনা বোবার্দিয়র ক্যু৪০০ এয়রক্রাফ পাইদুনা উৎখ্রে।
• এম.ও.সি.এ. অমসুং দি.জি.সি.এ.না ভারতকী কেরিয়রশিংগা মখোয়বু কোরসিয়ানা এয়রলাইনশিংদা তঙাইফদবা তাংককশিং চলাইরকপা মতমদা অমসুং মসিনা পীরক্কদবা ফলশিংগী শাফুশিং খঙহন্নবা মীফম কয়া পাঙথোকখ্রে।
• হৌজিক ফাওবদা, এয়রবস অমসুং বোইং এয়রক্রাফশিংনা এস.এ.এফ. ৫০% য়ানশিল্লগা পাইবা য়ারি। পুথোক্লিবা অনিমক্না ২০৩০ ফাওবদা এস.এ.এফ. ১০০% য়াহন্নবগীদমক পান্দম থম্লি।
• ক্লিন স্কাইস ফোর তুমোরো (সি.এস.তি) হায়বসি ৱার্ল্দ একনোমিক ফোরম্না এভিএসন সেক্তরবু তুং কোইনা চৎপা য়াবা ফ্যুল শীজিন্নদুনা নেৎ জিরো ইমিসন ফংনবা চঙশিনবা খোঙথাং অমনি। সি.এস.তি. কোএলিজনগী মীহুৎশিং অসি বাইও-এ.তি.এফ. প্রোগ্রাম কম্মিতীগী মেম্বর অমনি। এয়রলাইন, এয়রপোর্ত, এস.এ.এফ. পুথোকপশিং অমসুং ও.ই.এম.শিং অসিনা সি.এস.তি. কোএলিজনগী শরুকনি।

এয়রপোর্তশিংনা লৌখৎপা খোঙথাংশিং

• এদভান্স তেক্নোলোজী অমসুং ওতোমেসন লৌখৎপা
• এনর্জী ইফিসিএন্ত ওইবা ঐচ.ভি.এ.সি. অমসুং লাইতিং সিস্তেম
• এনর্জী ইফিসিএন্ত বেগেজ হেন্দলিং সিস্তেম অসিনচিংবা
• গ্রীন বিল্দিং স্তেন্দার্দকী থাক্তা লৈবা বিল্দিং দিজাইন
• দেলাইতিংগী ৱাখল্লোনশিং শীজিন্নবা
• অকোইবদা কায়দবা মচাক শীজিন্নবা
• ওন্সাইৎ সোলার পাৱর প্লান্ত চাউখৎহনবা
• ওপন এক্সেস, লোং তর্ম পাৱর পর্চেস এগ্রীমেন্ত (পি.পি.এ.) অসিনচিংবা  ওফসাইত মেকানিজম শীজিন্নদুনা রিন্যুএবল এনর্জী শীজিন্নবা
• এয়রপোর্ত কোলাবোরেতিব দিসিজন মেকিং (এ-সি.দি.এম) পায়খৎপা
• স্তেকহোল্দর এঙ্গেজমেন্ত অমসুং খন্ননৈনবশিং অসিনচিংবা।

এম.ও.সি.এ.না গ্রীন হাউস গ্যাস (জি.ঐচ.জি.) এয়রস্পেসতা হন্থহন্নবা লৌখৎপা থৌরাংশিং

• ফ্লেক্সিবল য়ুজ ওব এয়রস্পেস (এফ.য়ু.এ.): ফ্লেক্সিবল য়ুজ ওব এয়রস্পেসকী মরম্না এ.তি.এফ.কী চাদিংদা ২০২০ ওগস্ততগী হৌদুনা কার্বোন থাদোকপগী চাং অপুনবা ওইনা চাউরাক্না ৯০০০০ সি.ও.২  হন্থহনবা ঙম্লে, মসিগী মথক্তা লুপা করোর ৪০০ চারাক্না কনবা ঙম্লে। মখা তানা, সি.দি.আর. (কন্দিসন রুত) ১২৮লোম এফ.য়ু.এ.আ হেক আই.এ.এফ., এম.ও.দি.গা তান্নদুনা থবক পায়খৎখিবদগী মীয়ামদা খঙহনখ্রে।
• সেন্ত্রেল এয়র ত্রাফিক ফ্লো মেনেজমেন্ত (সি.-এ.তি.এফ.এম.) থবক পায়খৎপা: মসিগী মেনেজমেন্ত তেক্নিক অসিনা এ.এ.আই.দা ভারতকী অতিয়াদা লৈবা ত্রাফিক ফ্লো মেনেজ তৌবদা মতেং পাংদুনা থেংথবগী চাং হন্থহল্লে অমসুং কেপাসিতী ওপ্তিমাইজ তৌবা ঙমহল্লে অমসুং ফ্যুল চঙবগী চাং অমসুং জি.ঐচ.জি. থাদোকপগী চাং হন্থহল্লে।

সি.-এ.তি.এফ.এম. সিস্তেম অসি জনুৱারী ২০১৭দা থবক তৌবা হৌদুনা, ভারতনা মালেমদা (য়ু.এস.এ., য়ুরোপ, ওস্ত্রেলিয়া, খা অফ্রিকা, জাপান অমসুং ব্রাজিল)গী মতুংদা এয়র ত্রাফিক ফ্লো কন্ত্রোল মিজর লৈবাক শীনবা থুং পায়খৎপা ৭শুবা লৈবাক ওইরে। সি.-এ.তি.এফ.এম. পায়খৎপনা মরম ওইদুনা, এ.তি.এফ. চাউরাক্না তন ২১৪১ সেব তৌবা ২০২২গী চহি অসিদা ঙমহনখ্রে, মসিনা মরম ওইদুনা কার্বোন চাউরাক্না ৬৭৬৭ তি.সি.ও.২ থাদোকপা হন্থহল্লে।

• পার্ফোরমেন্সতা য়ুম্ফম ওইবা নেভিগেসন সিস্তেম (পি.বি.এন.) চলাইবাঃ পি.বি.এন.না এয়র রুত/এরাইবেল-দিপার্চর পাথ/এপ্রোচ প্রোসিজ্যুর চাউখৎহনবদা মতেং পাংই অমসুং মসিনা ত্রেক মাইল হন্থহনবা/ওপিমাইস তৌবদা মতেং পাংই, কাবা কুম্বদা মতেং পাংদুনা এয়রস্পেস কেপাসিতী হেনগৎহল্লি। হায়রিবা খোঙথাংশিং অসিনা এয়রক্রাফ চলাইবদা হেন্না খুদোংচাহল্লি অমসুং ফ্যুল কঞ্জুমসন অমসুং জি.ঐচ.জি. থাদোকপদসু হন্থহল্লি।
• কন্তিন্যুস দিসেন্ত ওপরেসন (সি.দি.ও.) চলাইবাঃ সি.দি.ও.শিং অসি এয়রক্রাফনা ফ্যুল ইফিসিএন্ত ওইবা এরাইভেল ফ্লাইত পাথ অমা লৌবা য়াহন্নবা পায়খৎখিবনি, মসিনা থাউ চাবগী চাং অমসুং লৈমাইদা মখোল থাদোকপগী চাং হন্থহল্লি, মসিদগী জি.ঐচ.জি. থাদোকপসু হন্থহল্লি।

এরপোর্ত কাউন্সিল ইন্তর্নেস্নেল – গ্লোবেল ফ্রেমৱার্ক

এরপোর্ত কাউন্সিল ইন্তর্নেস্নেল (এ.সি.আই.)না এরপোর্তশিংদা কার্বোন মেনেজমেন্তগীদমক মালেমগী থাক অমা ওইবা এরপোর্ত কার্বোন এক্রীদিতেসন প্রোগ্রাম হৌদোকখ্রে। প্রোগ্রাম অসিনা এরপোর্তশিংদা মখোয়গী কার্বোন থাদোকপগী চাং য়েংশিনবদা, কার্বোন মেনেজমেন্ত প্লান অমা শেমগৎপদা, অমসুং মখোয়গী কার্বোন থাদোকপগী চাং হন্থহনবদা মতেং পাংই।

মায় পাকপশিং:

•       লৈবাক অসিদা খ্বাইদগী চাউবা এরপোর্ত অনি ওইরিবা দিল্লী অমসুং মুম্বাই এরপোর্তনা এ.সি.আই.গী খ্বাইদগী ৱাংবা লেবেল ৪+ কার্বোন এক্রীদিতেসন য়ৌখ্রে। হৌজিক ফাওবদা, অসিগুম্বা পান্দম অসি য়ৌখিবা এসিয়া-পেসিফিক্তা এরপোর্ত অহুম খক্তমক লৈ।

•       হায়দেরবাদ অমসুং বেঙ্গলুরুসু কার্বোন ন্যুত্রেল (লেবেল ৩+) য়ৌবা ঙমখ্রে।

•       দিসেম্বর ২০১৯দা কোলকাতা, ভুবনেস্বর অমসুং ভরানসি এরপোর্ত্তা লৈবা এ.এ.আই.না লেবেল ২ এরপোর্ত কার্বোন এক্রীদিতেসন য়ৌখ্রে অমসুং অহেনবা এরপোর্ত ২৩গী এ.সি.আই.-এ.সি.এ. লেবেল ২ সর্তিফিকেসন তৌননবা থৌরাং চৎথরি।

•       হৌজিক ফাওবদা এ.এ.আই.না এরপোর্ত কয়াদা ৫৪ এম.দব্ল্যু.পি.গী অপুনবা চাংদগী হেনবা সোলার পৱার প্লান্তশিং লিংখৎখ্রে। ওপন এক্সেস অমসুং গ্রীন পৱার তারিফকী থোঙদগী এ.এ.আই.না ৫৩ মিলিয়ন য়ুনিৎকী সোলার এনর্জীসু লৈশিল্লি, মসিনা এ.এ.আই. এরপোর্তশিংগী  রিন্যুএবল এনর্জী (আর.ই.)গী চাং অসি হৌজিক ফাওবদা অপুনবা ইলেক্ত্রিকেল কঞ্জ্যুমসনগী ৩৫% হেনগৎহল্লি।

•       এরপোর্ত অয়াম্বনা ২০২৪ ফাওবগী মনুংদা ১০০% গ্রীন এনর্জী শিজিন্নবগী অমসুং ২০৩০ ফাওবগী মনুংদা নেৎ জিরো ফংনবগীদমক্তা পান্দম থম্লি।

•       মুম্বাই, কোচিন অমসুং এ.এ.আই. এরপোর্ত ২৫দা ১০০% গ্রীন এনর্জী শিজিন্নরি। কোচিন এরপোর্ত অসি সোলার এনর্জীনা মপুং ফানা চলাইবা মালেমগী অহানবা গ্রীন এরপোর্তনি।

•       এ.এ.আই.না লেমহৌরিবা ওপরেসনেল এরপোর্তশিংসু ২০২৪ ফাওবদা ১০০% গ্রীন এনর্জী ফংননবা পান্দমশিং থমখ্রে। ৱাফম অসিগী মতাংদা রোদমেপ অমা এনেক্সচ্যুরদা য়াওরি।

•       অচৌবা এরপোর্তশিং অয়াম্বদা সিৱেজ ত্রীৎমেন্ত প্লান্তশিং (এস.তি.পি.শিং) মখোয়গী মফমশিংদা লিংখৎখ্রে অমসুং লেমহৌরিবা এরপোর্তশিংদা এস.তি.পি.শিং লিংখৎলি।

•       এরপোর্ত ওথোরিতী ওফ ইন্দিয়ানা মখোয়গী স্কেদ্যুল তৌরবা ওপরেসনেল এরপোর্তশিংগীদমক্তা পোরম য়াৎথোকখ্রে অমসুং এনর্জী ইন্তেন্সিতী দেতা পব্লিকেসন, লৈরিবা অমসুং তুংদা লাক্কদবা এরপোর্ত প্রোজেক্তশিংগীদমক্তা এনর্জী ইন্তেন্সিতী হন্থহনবগী খোঙথাংশিং লৌখৎখ্রে।

•       ইন্দক্সন ত্রেনিং প্রোগ্রামগী শরুক অমা ওইনা এয়র ত্রাফিক কন্ত্রোলরশিংগীদমক্তা মখোয়বু কার্বোন ন্যুত্রেলিতীগী মরমদা খঙহন্ননবা ত্রেনিং মোদ্যুল অমা শেমখ্রে।

•       এরপোর্ত কোলাবোরেতিব দিসিজন মেকিং (এ-সি.দি.এম.) পায়খৎপনা ইন্তর্সেক্সন দিপার্চরশিংদা পুক্নিং থৌগত্তুনা গ্রাউন ওপরেসনেল ইফিসিএন্সী হেনগৎহল্লে, মসিনা ফ্যুল অমসুং জি.ঐচ.জি. থাদোকপা হন্থহনলক্লে।

•       চেন্নৈ অমসুং কোলকাতা এরপোর্তশিংদা ইঞ্জিন শিজিন্নদনা এরক্রাফ চিংনবা পাইলোৎ প্রোজেক্ত অমা ওইনা গ্রীন তেক্সিংগী তেক্সি বোতশিং চলাইবা হৌরক্লি, মসিনা এ.তি.এফ. মৈ থাররোই, অদুগা জি.ঐচ.জি. থাদোকপা হন্থহনলক্লি।

এনেক্সর

এ.এ.আই.না রিন্যুএবল এনর্জী ১০০% ফংহন্নবগী লম্বী

***************