উগাদি, গুরি পারৱা, চাইত্রা সুকলাদি, চেতি চান্দ, নবরেহ অমসুং শজিবু চৈরাওবা লাকপদা উপ-রাস্ত্রপতি শ্রী জগদিপ ধানকারনা লৈবাক অসিগী মীয়ামদা য়াইফ-পাউজেল পীখ্রে।

মখাগী অসি মহাক্কী পাউজেলগী ৱারোলনি: 

“উগাদি, গুরি পারৱা, চাইত্রা সুকলাদি, চেতি চান্দ, নবরেহ অমসুং শজিবু চৈরাওবগী শেংলবা থৌরম লাকপদা ঐখোয়গী মীয়ামদা ঐনা ঐগী য়াইফ-পাউজেল পীজরি।

ভারতকী তোঙান-তোঙানবা মফমশিংদা তোঙান-তোঙানবা মমিংশিংদা খঙনরিবা হায়রিবা কুহ্মৈশিং অসি ঐখোয়গী চৎনবীগী অনৌবা চহি হৌবগী থৌরমশিং ওইনা পাংথোক্নরি অমসুং লৈবাক শীনবা থুংনা চপ মান্নবা হরাওবা অমসুং পুন্না হিংমিন্নবগী ৱাখল্লোন লৈরি। হায়রিবা কুহ্মৈশিং অসি মওংদা অখন্নবা অমসুং মগুনদা অমা খক্ত ওইরিবা অসি ঐখোয়গী অপুনবা নাৎকী শক্তম ইনাকখুনবগী অতোপ্পা খুদম অমনি।

অনৌবা চহি লাকপদা খুদিংমক হরাওবা, শান্তি অমসুং নুংঙাই-য়াইফবা পুরকপা ওইরসনু”।

*****