২০২৭ ফাওবগী মনুংদা লেপ্রোসি শন্দোকপা অমতা লৈহন্দনবা ভারত সরকারনা জনুৱারি ৩০,২০২৩দা লেপ্রোসিগী নেসনেল স্ত্রাতেজিক প্লান(এন এস পি) অমসুং রোদমেপ(২০২৩-২৭) হৌদোক্লে। মসি স্তেনেবল দিবলপমেন্ত গোল(এস দি জি)গী পান্দমগী চহি ৩ ঙনখৎনবা পান্দম ফংনবা হোৎনবনি। এন.এস.পি অমসুং রোদমেপ অদুদা লাল্লোংশিং, চহি-চহিগী ওইনা থম্বা পান্দমশিং, মীয়ামগী হকশেলগী থবকশিং অমসুং তেক্নিকেলগী পাউতাকশিং থবক ওইনা পাংথোকপা য়াওরি। লাল্লোং অমসুং রোদমেপ অদুদা নোক্নবা অমসুং হন্থনা য়েংবা লৈহন্দবা ৱাখল তাহনবা, ঙল্লিঙৈদা খঙদোক্নবা থবকশিং পায়খৎপা, প্রোফাইলেক্সিসনা লায়না শন্দোকপা মাঙজৌন্না ঙাকথোকপা অমসুং লেপ্রোসিগী কেসশিংগী পাউ পীরক্নবা ৱেব-বেজ ইনফোর্মেসন পোর্তেল(নিকুস ২.০)হৌদোকপা য়াওরি।

জাতিগী থাক্তা লেপ্রোসি মুৎথৎপা ঙম্নবা, গ্রেদ ২ দিসএবিলিতিশিং মাঙজৌন্না ঙাকথোক্নবা লেপ্রোসি অনাবশিং ঙন্না খঙদোক্নবা পুক্নিং থৌগৎপা অমসুং লেপ্রোসি অনাবশিং লেম্না লায়য়েংনবা নেসনেল লেপ্রোসি ইরাদিগেসন প্রোগ্রাম্না থবক কয়া পায়খৎলে। রাজ্যশিং/য়ু.তিশিংগী জিলা খরদা লেপ্রোসি পাক-শন্না মায়োক্নরি। নেসনেল লেপ্রোসি ইরাদিগেসন প্রোগ্রামগী মখাদা থবক কয়া পায়খৎতুনা হৌখিবা চহি খর অসিদা লেপ্রোসি কেস ১,২৫,৭৮৫(২০১৪-১৫)দগী কেস মশিং ৭৫,৩৯৪(২০২১-২২)দা হন্থরক্লে। মসি মালেমগী ওইনা অনৌবা কেসশিংগী চাদা ৫৩.৬ নি। হৌজিক লৈরিবা নেসনেল লেপ্রোসি ইরাদিগেসন প্রোগ্রামগী রাজ্যশিং দেতা মখা পীরে।

জাতিগী থাক্তা অপুনবা মীশিং ১০,০০০গী মনুংদা কেস ১গী মখাদা লৈহন্নবা ৱার্ল্দ হেল্থ ওর্গনাইজেসনগী পান্দম অদু ভারতনা লেপ্রোসি মুৎথৎপা অসি মীয়ামগী হকশেলগী অৱাবা অমা ওইনা লৌদুনা ২০০৫দা ফংবা ঙমখ্রে।

শেনবা চহি ২০২২-২৩দা লৈখিবা রাজ্যশিংগী নেসনেল লেপ্রোসি ইরাদিগেসন প্রোগ্রামগী দেতা(জনুৱারি ২০২৩ ফাওবগী)

ৱাফম অসি ঙসি রাজ্য সভাদা অইবা ওইনা পীবা পাউখুম অমদা হেল্থ অমসুং ফেমিলি ৱেলফিয়ারগী রাজ্য মন্ত্রী দোক্তর ভারতি প্রভিন পৱারনা ফোঙদোকখিবনি।

***