مرکزی وزیر زراعت جناب نریندر سنگھ تومر نے آج نئی دہلی میں موٹے اناج (شری ان) سے متعلق عالمی کانفرنس سے خطاب کیا۔ موٹے اناج (شری ان) سے متعلق عالمی کانفرنس کے افتتاحی اجلاس کے دوران وزیر اعظم جناب نریندر مودی مہمان خصوصی تھے۔

اپنے خطاب میں جناب نریندر سنگھ تومر نے کہا کہ موٹے اناج کا بین الاقوامی سال (آئی وائی ایم) -2023 عالمی پیداوار میں اضافہ، موثر پروسیسنگ اور فصل کے بہتر استعمال اور موٹے اناج کو خوراک باسکٹ کے ایک اہم جزو کے طور پر فروغ دینے کا موقع فراہم کرے گا۔

جناب تومر نے کہا کہ وزیر اعظم جناب نریندر مودی کی پہل پر اقوام متحدہ نے سال 2023 کو موٹے اناج کا بین الاقوامی سال (آئی وائی ایم) قرار دیا ہے۔ انہوں نے مزید کہا کہ زراعت اور کسانوں کی بہبود کی وزارت دیگر مرکزی وزارتوں، تمام ریاستی حکومتوں اور دیگر اسٹیک ہولڈرز کے ساتھ مل کر موٹے اناج کی پیداوار اور کھپت کو بڑھانے کے لیے مشن کے انداز میں کام کر رہی ہے۔

جناب تومر نے کہا کہ سبزی خور کھانوں کی بڑھتی ہوئی مانگ کے وقت موٹا اناج خوراک کا ایک متبادل نظام فراہم کرتا ہے کیونکہ یہ متوازن غذا کے ساتھ ساتھ ایک محفوظ ماحول میں بھی حصہ ڈالتا ہے اور انہیں بنی نوع انسان کے لیے قدرت کا تحفہ قرار دیتا ہے۔ انہوں نے کہا کہ ایشیا اور افریقہ موٹے اناج کی فصلوں کی پیداوار اور کھپت کے بڑے مراکز ہیں، خاص طور پر بھارت، نائجر، سوڈان اور نائیجیریا موٹے اناج پیدا کرنے والے بڑے ممالک ہیں اور ان کی یہ خواہش ہے کہ موٹے اناج دنیا بھر میں کھانے کی ہر پلیٹ میں فخر کا مقام حاصل کرے۔

موٹے اناج ایشیا اور افریقہ میں کاشت کی جانے والی پہلی فصلیں تھیں، جو بعد میں دنیا بھر میں ترقی یافتہ تہذیبوں کے لیے خوراک کے ایک اہم ذریعہ کے طور پر پھیل گئیں۔

قبل ازیں جناب تومر نے کہا کہ اس نئے سال 2023 کے آغاز پر گیانا کے صدر ڈاکٹر محمد عرفان علی سے ملاقات ان کے لیے بہت خوشی کی بات رہی اور گیانا کے لوگوں کی بھلائی کے لیے انہوں نے نیک تمنائیں اور دعائیں کیں۔ جناب تومر نے 8-10 جنوری 2023 کو اندور میں منعقدہ 17ویں پرواسی بھارتیہ دوس کنونشن میں مہمان خصوصی کی حیثیت سے شریک ہونے پر ڈاکٹر علی کا شکریہ ادا کیا اور صدر موصوف کو باوقار پرواسی بھارتیہ سمان ایوارڈ حاصل کرنے پر دلی مبارکباد پیش کی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 2933)