প্রধান মন্ত্রী শ্রী নরেন্দ্র মোদীনা হয়েং নই দিল্লীদা ‘গ্লোবেল মিল্লেত (শ্রী অন্না) কনফরেন্স’ হৌদোক্কনি অমসুং থৌরমসিদা শরুক য়ারিবা মীয়ামগী মফমদা মহাক্কী ৱারোলসু থমগনি। হয়েংগী থৌরম অসিদা ইন্তর্নেস্নেল য়র ওফ মিল্লেত ২০২৩গী মরী লৈনবা কস্তমাইজ তৌরবা স্তাম্প অমসুং করেন্সী কোইন অমসু মহাক্না ফোঙগনি। থৌরম অসিদা আই.সি.এ.আর.-আই.আই.এম.আর.বু গ্লোবেল সেন্তর ওফ এক্সেলেন্স হায়না লাউথোকপগা লোয়ননা মিল্লেতকী ভিদিও অমসু থৌরম অসিদা রিলিজ তৌগনি।

কেন্দ্রগী লৌউ-শিংউ অমসুং লৌমীশিংগী য়াইফ থৌরাংগী মন্ত্রী, শ্রী নরেন্দ্র সিংহ তোমারনা হৌদোকপগী সেসন্দা ৱা ঙাংগনি। হয়েংগী থৌরম হৌদোকপগী সেরেমোনী অসিদা ইথিওপিয়া অমসুং গুয়ানাগী রাজ্যশিংগী মকোকশিংগী ভিদিও ৱারোলশিংসু উৎকনি। লৈবাক তরুক্কী লৌউ-শিংউ মন্ত্রীনা থৌরম অসিদা শরুক য়াগনি। রাউন্দতেবল সেসন অমসুং বাইলেতরেল মীফম অমসু মখোয়গীদমক্তা শীন-লাঙগনি। মালেমগী কনফরেন্স অসিদা লৈবাক ১০০ হেনবগী মীয়াম্না শরুক য়াগনি অমসুং তোঙান-তোঙানবা স্তেকহোলদর কয়ানা ভর্চুএলগী খুত্থাংদা মালেম শিনবা থুংবদগী শরুক য়াগনি হায়না থাজবা থম্লি।

য়ুনাইতেদ নেসন্সকী ফুদ অমসুং এগ্রিকলচর ওর্গনাইজেসন (এফ.এ.ও.)না দিসেম্বর ৬, ২০২২দা ইতালীগী রোমদা ইন্তর্নেস্নেল য়র ওফ মিল্লেত ২০২৩বু ওফিসিএল ওইনা হৌদোকপগী থৌরম অমসু শীনখি। আই.ৱাই.এম. ২০২৩গী হরাও তয়াম্বগী থৌরম মখা চত্থবা ওইনা, ভারতনা মসিগী মালেমগী অহানবা কনফরেন্স অসি য়ুম্বু ওইবগী ৱাহৌদোক থমখিবনি।

য়ুনাইতেদ নেসন্স জেনেরেল এসেমব্লী (য়ু.এন.জি.এ.)না মার্চ ৫, ২০২১দা ইং ২০২৩বু মালেমগী মিল্লেতকী চহি হায়না লাউথোকখিবনি। ভারত সরকারনা থাংগৎখিবা ৱাফম্বু লৈবাক ৭২না শৌগৎখি। য়ু.এন.জি.এ.না লাউথোক্লিবা অসিগা লোয়ননা ফুদ সেক্যুরিতী অমসুং ন্যুত্রিসন, আর. অমসুং দি. অমদি এক্সতেন্সন হেনগৎহনবা, মিল্লেত পুথোকপগী চাং অমসুং মসিগী মগুন হেনগৎহন্নবা স্তেকহোলদরশিংদা ইথিল পীবগা মরী লৈনবা এৱিয়র্নেস পীবা হেনগৎহন্নবা পান্দম থম্লি। ভারত সরকারনা মিল্লেত থাবা মীওই, শিজিন্নবা অমসুং ক্লাইমেতকী অপুনবা কান্নবগীদমক্তা আই.ৱাই.এম.বু মীয়ামগী ইহৌ অমা ওইহন্নবা পান্দমসু থম্লি।

ভারত সরকারনা থৌওং অসিবু তুংলমচত্তা পুদুনা লৌমী, স্তার্তঅপ, এক্সপোর্তর, রিতেল ব্যুজিনেস, হোতেল এসোসিএসন অমসুং ভারত অমসুং মীরম লৈবাক্কী সরকারশিংগী তোঙান-তোঙানবা মশাশিং য়াওহন্দুনা আই.ৱাই.এম. ২০২৩গী পান্দম ফংনবা অমসুং ভারতপু মিল্লেতকী গ্লোবেল হব অমা ওইহন্নবগীদমক্তা মলতি-স্তেকহোলদর এরেঞ্জমেন্ত অমা পায়খৎলি। মিল্লেত শিজিন্নবা অমসুং মসিবু হেন্না খুমাং চাউশিলহন্নবগীদমক্তা চহি চুপ্না পাংথোকপা কেম্পেন অমসুং লৈবাক অমদি মালেমগী ওইনা পাংথোকপা থবক থৌরম কয়া ঐখোয়না ইং ২০২৩দা উবা ফংগনি। 

নুমিৎ নিনি চত্থগদবা মালেমগী মিল্লেত (শ্রী অন্না) কনফরেন্স অসিদা মিল্লেতকী ভেল্যু চেন, হকশেল অমসুং ন্যুত্রিসনগী কান্নবা, অইং-অশা হোংবগী ফিভম অমসুং তুং কোইনা চৎপগা মরী লৈনবা হীরম কয়াগী খন্ন-নৈনগদবা পেরেলেল কনফরেন্স অমসুং তেক্নিকেল সেসন কয়া ইন্দিয়ন কাউন্সিল ওফ এগ্রিকলচরেল রিসর্চ (আই.সি.এ.আর.), ফুদ সেফতী এন্দ স্তেন্দর্দ ওথোরিতী ওফ ইন্দিয়া (এফ.এস.এস.এ.আই.) অমসুং কনফেদেরেসন ওফ ইন্দিয়ন ইন্দস্ত্রী (সি.আই.আই.), ফেদেরেসন ওফ ইন্দিয়ন চেম্বর্স ওফ কম্মর্স অমসুং ইন্দস্ত্রী  (এফ.আই.সি.সি.আই.), পি.ঐচ.দি. চেম্বর ওফ কম্মর্স এন্দ ইন্দস্ত্রী (পি.ঐচ.দি.সি.সি.আই.)না দেলিগেত অমসুং থৌরম অসিদা শরুক য়ারিবশিংগীদমক্তা পাংথোক্কনি। হায়রিবা পেরেলেল কনফরেন্স অমসুং সেসনশিং অসিদা দাঃ জেকলীন হ্যুঘ, দাইরেক্তর জেনেরেল, আই.সি.আর.আই.এস.এ.তি.; শ্রী কোং-জিন কিম, এসিস্তেন্ত দাইরেক্তর জেনেরেল অমসুং এসিয়া অমসুং পেসিফিক্কী রিজনেল মীহুত, এফ.এ.ও.; শ্রী কপিল দেব, ক্রিকেত শান্নরোই; কুমারী গীতা ফোগত, রেস্তলর, কম্মনৱেল্থতা গোল্দ ফংখ্রবী; ছেফ থোমাস গুগ্লর, ৱর্ল্দ ছেফ এসোসিএসনগী প্রসিদেন্তনচিংবা দিগ্নিতরী কয়াগা লোয়ননা পদ্মা এৱার্দ ফংলবা ইকায় খুম্ননিংঙাই ওইরবা লৌমী কয়ানা থৌরমগী ভাবোক ওইদুনা শরুক য়াগনি।

মিল্লেত্তা অহেনবা মিৎয়েং চঙগদবা একজিবিসন-কম-বাইয়র-সেল্লর মীত (বি.এস.এম.) অমসু লৈবাক অমসুং মালেমগী বাইয়র, ইম্পোর্তর, এক্সপোর্তর অমসুং প্রোসেসর ৫০ হেনবনা মিল্লেত খুমাং চাউশিলহন্নবগীদমক্তা শরুক য়াদুনা পাংথোক্কনি। স্তোল ১০০ হেন্না লৈগদবা একজিবিসন অসিনা মিল্লেত অমসুং মিল্লেত্তা য়ুম্ফম ওইবা রেদী তু কুক অমসুং রেদী তু ইত পোত্থোক কয়া মিল্লেত্তা য়ুম্ফম ওইবা স্তার্তঅপ, এক্সপোর্তরশিংনা উৎকনি অমসুং লৈবাক অমসুং মালেমগী তোঙান-তোঙানবা ছেফশিংনা লাইব কুকিং সেসন কয়াসু পাংথোক্কনি।

নুমিৎ নিনিগী কনফরেন্স অসিদা ফার্মর প্রদ্যুসর ওর্গনাইজেসন (এফ.পি.ও.)/ফার্মর সেল্ফ হেল্প গ্রুপ, স্কুল, এগ্রি-য়ুনিভর্সিতী, কৃষি বিজ্ঞান কেন্দ্র (কে.ভি.কে.), গ্রাম পঞ্চায়ত, কম্মন সর্ভিস সেন্তর (সি.এস.সি.), কোওপরেতিব ইন্সতিত্যুসন, হোতেল মেনেজমেন্ত স্কুল, ভারতকী ইম্বেসী অমসুং দাইস্পোরানচিংবশিংনা পাক শন্না শরুক য়াবগী মতৌসু উবা ফংগনি।

****