অৱাং-নোংপোক লমদমগীদমক কেন্দ্র সরকারগী মরী লৈনবা মিনিস্ত্রিশিং অমসুং দিপার্তমেন্তশিংনা পায়খৎপা তোঙান-তোঙানবা ইনফ্রাস্ত্রকচর চাউখৎনবা থবকশিংগী মনুংদা য়াওরিবশিংদি:

লম্বী-থোঙ : অৱাং-নোংপোক লমদমদা পায়খৎলিবা মরুওইবা কোনুংগা শম্নবা লম্বীগী প্রোজেকশিংগী মনুংদা নাগালেন্দদা দিমাপুর-কোহিমা লম্বী(কিমি ৬২.৯) লেন-৪ ওনখৎপা; অরুনাচল প্রদেসতা নাগাউন বাইপাসতগী হোলোঙ্গি(কিমি ১৬৭)ফাওবা লেন-৪ ওনখৎপা; সিক্কিমদা বাগ্রাকোতেদগী পাকয়োং(এনঐচ-৭১৭এ)(কিমি১৫২)গী অতোপ্পা লেন-২গী হায়ৱে শেম্বা; মিজোরমদা আইজোল-তুইপাং এন.ঐচ-৫৪(কিমি ৩৫১) লেন-২ ওনখৎপা; এন.ঐচ-৩৯গী ইম্ফাল-মোরে সেক্সন(কিমি২০) লেন-৪ ওনখৎপা অমসুং মনিপুরদা কিলোমিতর ৭৫.৪ লেন-২ ওনখৎপা য়াওরি। হৌখিবা চহি ৭তা অৱাং-নোংপোক লমদমদা রোদ ত্রান্সপোর্ত অমসুং হায়ৱেজ মিনিস্ত্রিনা কিলোমিতর ৪১২১গী লম্বীগী প্রোজেকশিং লোইশিনখ্রে। কিলোমিতর ৭৫৪৫গী লুপা করোর ১,০৫,৫১৮গী

প্রোজেকশিং হৌজিক পায়খৎলি।
নোংথক্কী চৎথোক-চৎশিন: অৱাং-নোংপোক লমদমদা এয়রপোর্ত ১৭ মথৌ পাংথোক্লি। অরুনাচল প্রদেসতা হন্দক দোনয়ি পোলো এয়রপোর্ত(হান্নগী হোলোঙ্গি এয়রপোর্ত)শঙ্গাখ্রে। অরুনাচল প্রদেসকী তেজু, অসামগী গুৱাহাতি অমসুং শিলচর; মনিপুরগী ইম্ফাল এয়রপোর্ত; মেঘালয়গী বারাপানি এয়রপোর্ত অমসুং ত্রিপুরাগী অগরতালা এয়রপোর্ত হৌজিক অনৌবা গ্রিনফিল্দ এয়রপোর্তশিং শেমগৎলি।

রেলগী চৎথোক-চৎশিন: অৱাং-নোংপোক লমদমদা ২০১৫-১৫দগী হৌজিক ফাওবদা লুপা করোর ১৯৮৫৫গী কিমি ৮৬৪.৭গী অনৌবা প্রোজেকশিং সেঙ্কসন তৌখ্রে। হৌজিক অনৌবা লাইনশিং অমসুং দবল্লিংগী থবকশিং য়াওনা কিমি ২,০১১গী লুপা করোর ৭৪,৪৮৫গী থবকশিং অৱাং-নোংপোক লমদমদা প্লান্নিং/অয়াবা পীবা/থবক হৌবগী তোঙান-তোঙানবা তাঙ্ককশিংদা লৈরি। মসিগী মনুংদা কিমি ৩২১ থবক হৌখ্রে অমসুং মসিগীদমক লুপা করোর ২৬,৮৭৪ চাদিং তৌখ্রে।

ঈশিং লম্বীগী চৎথোক-চৎশিন: ব্রাহ্মপুত্রা তুরেলগী ধুব্রি(বাংলাদেস ঙমখৈ)দগী সাদিয়া(কিমি ৮৯১)গী শরুক অসি ১৯৮৮দা নেসনেল ৱাতরৱেজ-২ ওইনা লাউথোকখ্রে। ঈশিং লম্বী অসি দরকার ওইবা অরুবা অমসুং পাকপা লৈনবা অমসুং নুংথিল অমসুং নুমিদাংদা হোনবা য়ানবা শেমগৎলে। হায়রিবা থবকশিং অসিগীদমক চহি ৫(২০২০-২০২৫)গী ওইনা লুপা করোর ৪৬১ চঙগনি। বারাক তুরেল অসি ২০১৬দা নেসনেল ৱাতরৱেজ-১৬ ওইরে হায়না লাউথোক্লে। মসিনা অসামগী কছার ভেল্লিদা শিলচর, করিমগঞ্জ অমসুং বদারপুরগা শম্নহল্লে অমসুং ইন্দো-বাংলাদেস প্রোতোগোল রুত ফাওরগা হালদিয়া অমসুং কোলকাতাগা শম্নহল্লে। হায়রিবা থবকশিং অসি পায়খৎপদা চহি ৫(২০২০-২০২৫)গী মনুংদা লুপা করোর ১৪৫ রোম চঙগনি।

তেলিকোমগী থবকশিং: অৱাং-নোংপোক লমদমদা তেলিকোমগী খুদোংচাবশিং পীনবা তেলিকোম দিপার্তমেন্তনা পায়খৎলিবা থবকশিংগী মনুংদা য়াওরিবদি (১) অসাম, মনিপুর, মিজোরম, নাগালেন্দ, ত্রিপুরা, সিক্কিম অমসুং অরুনাচল প্রদেস(নেসনেল হায়ৱে খক্তা)দা নেতৱার্ক ফংদ্রিবা খুঙ্গংশিংদা মোবাইল সর্বিস ফংহনবা; (২)মেঘালয় অমসুং নেসনেল হায়ৱেশিংদা ৪-জি মোবাইল ফংহনবা;(৩) অরুনাচল প্রদেস অমসুং অসামগী জিলা অনিদা মোবাইল ফংহনবা;(৪) অৱাং-নোংপোক লমদমগী খুঙ্গংগী পঞ্চায়তশিংদা ভারত নেত অমসুং ৱাই-ফাই ফংহনবা;(৫) কোক্স বাজার ফাওরগা বি.এস.সি.সি.এল বাংলাদেসতগী অগরতালা ফাবা ইন্তরনেত ফংনবা ১০জি.বি.পি.এস ইন্তরনেসনেল বেন্দৱেত ৱাইবা অসিনি। অৱাং-নোংপোক লমদমদা তৱার ১,৩৫৮না খু্ঙ্গং ১২৪৬ দা মোবাইলগী খুদোংচাবশিং ফংহল্লে।  

মসিগী মথক্তা, দোনর মিনিস্ত্রিনা তোঙান-তোঙানবা স্কিমশিং/পেকেজশিং হায়বদি নোর্থ ইস্ত স্পিসিএল ইনফ্রাস্ত্রকচর দিবলপমেন্ত স্কিম(এন ই এস আই দি এস), নন-লাপসেবল সেন্ত্রেল পুল ওফ রিছোর্স(এন এল সি পি আর)স্কিম, বোদোলেন্দ তেরিতোরিএল কাউন্সিল(বি তি সি), দিমা হাসাও ওতোনোমস কাউন্সিলগী অখন্নবা পেকেজশিং, হিল এরিয়া দিবলপমেন্ত প্রোগ্রাম(ঐচ এ দি পি), সোসিএল এন্দ ইনফ্রাস্ত্রকচর দিবলপমেন্ত ফন্দ(এস আই দি এফ), এন.ই.সিগী স্কিমশিং অমসুং নোর্থ ইস্ত রোদ সেক্তর দিবলপমেন্ত স্কিম পায়খৎলি। হায়রিবা স্কিমশিং/পেকেজশিং অসিগী মখাদা শেনবা চহি ২০১৪-১৫দগী ২০২১-২২ ফাওবগী মনুংদা প্রোজেক ১৩৫০গী লুপা করোর ১৫,৮৬৭.০১ কাইথোকখ্রে।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা দোনরগী মিনিস্তর শ্রী জি.কিসন রেদ্দিনা ফোঙদোকখিবনি।

*****