ہندوستان کے وزیر تجارت اور صنعت جناب پیوش گوئل اور آسٹریلیا کے تجارت اور سیاحت کے وزیر سینیٹر ہون ڈان فیرل نے کل دو طرفہ اقتصادی تعلقات کو مزید آگے بڑھانے کے لیے اگلے اقدامات پر تبادلہ خیال کرنے کے لیے ملاقات کی۔

وزرا نے اقتصادی تعاون اور تجارتی معاہدے (ای سی ٹی اے) کے نفاذ، ہندوستان-آسٹریلیا جامع اقتصادی تعاون کے معاہدے (سی ای سی اے) کے لیے بات چیت اور دو طرفہ سرمایہ کاری کو مزید فروغ دینے پر تبادلہ خیال کیا۔ وزرا نے جی 20،ہند پیسیفک اکنامک فریم ورک (آئی پی ای ایف) اور ورلڈ ٹریڈ آرگنائزیشن (ڈبلیو ٹی او) میں شمولیت پر بھی تبادلہ خیال کیا۔

وزرا نے بتایا کہ وزیر اعظم نریندر مودی اور وزیر اعظم انتھونی البانیز مذاکرات میں تیزی سے پیش رفت اور ایک جامع اقتصادی تعاون کے معاہدے (سی ای سی اے) کے جلد اختتام کے منتظر ہیں، جو ای سی ٹی اے کی طرف سے رکھی گئی بنیادوں کو استوار کرے گا، بشمول تجارت کے نئے شعبے، سرمایہ کاری اور تعاون۔ سی ای سی اے روزگار کے نئے مواقع پیدا کرے گا، معیار زندگی بلند کرے گا اور دونوں ممالک میں عمومی بہبود کو بہتر بنائے گا۔ وزرا جلد از جلد سی ای سی اے کی تکمیل کے منتظر ہیں، دو طرفہ تکنیکی مارکیٹ تک رسائی کے مختلف مسائل کو حل کرنے میں کی جانے والی پیش رفت سے خوش ہیں اور مسلسل مصروفیت کے منتظر ہیں۔

وزرا نے ہموار اور بر وقت صاف توانائی کی منتقلی کی اہمیت کو اجاگر کیا کیونکہ دونوں ممالک اپنے متعلقہ خالص صفر اہداف کو حاصل کرنے کے لیے کام کر رہے ہیں۔ وزرا نے آسٹریلیا اور ہندوستان کی معیشتوں کی تکمیلی نوعیت کو نوٹ کیا اور خالص صفر اخراج کو حاصل کرنے کے لیے اقتصادی، ٹیکنالوجی، اور تجارت اور سرمایہ کاری کے تعاون کو مزید فروغ دینے کا عہد کیا۔

وزیر فیرل نے ہندوستان کی جی 20 صدارت کے لیے آسٹریلیا کی مضبوط حمایت کا اعادہ کیا۔ وزرا نے اس بات پر اتفاق کیا کہ جی 20 کو دنیا کو مضبوط، پائیدار اور جامع ترقی کے راستے پر جانے میں مدد کرنے کی ضرورت ہے، جس میں پائیدار ترقی کے اہداف کے حصول کے لیے پیش رفت کو تیز کرنا بھی شامل ہے۔

وزرا نے اس بات پر اتفاق کیا کہ آسٹریلیا اور ہندوستان آئی پی ای ایف کے لیے اعلیٰ عزائم رکھتے ہیں، جیسا کہ نئی دہلی میں آئی پی ای ایف مذاکرات کے خصوصی دور میں اس بات کا ثبوت ہے، اور آئی پی ای ایف باہمی دلچسپی کے شعبوں بشمول صاف معیشت اور لچکدار سپلائی چینز پر مل کر کام کرنا جاری رکھیں گے۔

وزرا نے کثیر جہتی تجارتی نظام کی اہمیت کا اعادہ کیا، جس کا مرکز ڈبلیو ٹی او ہے۔ انہوں نے جنیوا میں 12ویں ڈبلیو ٹی او کی وزارتی کانفرنس کی کامیابی پر اتفاق کیا اور ڈبلیو ٹی او کے افعال کو بہتر بنانے اور 2024 تک تنازعات کے تصفیہ کے نظام کو مکمل طور پر فعال کرنے کے لیے اپنے عزم کا اعادہ کیا۔ وزارتی کانفرنس 2024 میں ابوظہبی میں ہوگی۔

وزرا نے تسلیم کیا کہ آسٹریلیا اور ہندوستان اہم تجارتی شراکت دار ہیں۔ ہندوستان-آسٹریلیا دو طرفہ تجارت گزشتہ مالی سال 31 بلین امریکی ڈالر سے تجاوز کر گئی۔ دونوں نے اس بات پر اتفاق کیا کہ دونوں ممالک کے درمیان تجارتی تکمیل کو دیکھتے ہوئے، اگلے 5 سالوں میں دو طرفہ تجارت میں نمایاں اضافہ کرنے کے کافی امکانات موجود ہیں۔

                                               **************

ش ح۔ ف ش ع- م ف

12-03-2023

U: 2577