नवी दिल्‍ली, 12 मार्च 2023

शांघाय सहकार्य  संघटना एससीओ देशांच्या न्यायिक प्रतिनिधींनी 10 मार्चला प्रधानमंत्री संग्रहालयाला भेट दिली. नेहरू स्मारक संग्रहालय आणि ग्रंथालयाचे  संचालक संजीव नंदन सहाय यांनी त्यांचं स्वागत केलं.

प्रधानमंत्री संग्रहालय हे भारताच्या स्वातंत्र्यानंतरच्या प्रत्येक पंतप्रधानांना अर्पण केलेली आदरांजली असून त्यांनी गेल्या 75 वर्षात आपल्या देशाच्या विकासात कसं योगदान दिलं याची माहिती इथे मिळते. हा भारताच्या लोकशाहीच्या सृजनशील यशाचा सशक्त पुरावा आणि त्यांच्या एकत्रित प्रयत्नांचा इतिहास आहे. आपल्या पंतप्रधानांनी विविध आव्हानात्मक प्रसंगात देशाचं नेतृत्व करून देशाची  वाटचाल आणि देशाची सर्वांगीण प्रगती कशी साध्य केली याबद्दल संग्रहालय आपल्याला कथन करतं. देशातून आणि परदेशातून अनेक पाहुणे इथं मोठ्या प्रमाणावर भेट देतात. याच्या उद्घाटनानंतर इथे मोठ्या संख्येने भारतीय आणि परदेशी मान्यवरांनीही इथे भेटी दिल्या आहेत.

या प्रतिनिधीमंडळाला प्रधानमंत्री संग्रहालयाचा विस्तृत मार्गदर्शक दौरा घडवण्यात आला. त्यांनी इथे संग्रहालयातील वैविध्यपूर्ण प्रदर्शनांसह प्रयोगशील विभाग ‘अनुभूती’लाही भेट दिली. भारतीय लोकशाहीच्या अनोख्या प्रवासाचं  त्यांनी कौतुक केलं.

* * *

N.Chitale/S.Naik/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai