معذور افراد کو با اختیار بنانے کا محکمہ ملک بھر کے معذور کاروباریوں/ کاریگروں کی مصنوعات اور دستکاری کی نمائش کے لیے ایک منفرد تقریب، ’دویہ کلا میلہ‘ کا انعقاد کر رہا ہے جو 12 سے 21 مارچ، 2023 تک بھوپال ہاٹ، بھوپال، مدھیہ پردیش میں منعقد ہوگا۔ یہ تقریب زائرین کے لیے ایک دلکش تجربہ پیش کرے گی کیونکہ جموں و کشمیر، شمال مشرقی ریاستوں سمیت ملک کے مختلف حصوں سے متحرک مصنوعات، دستکاری، ہینڈ لوم، کڑھائی کے کام اور ڈبہ بند کھانے وغیرہ کو ایک ساتھ دیکھا جائے گا۔

تقریباً 21 ریاستوں/ مرکز زیر انتظام علاقوں سے تقریباً 150 معذور کاریگر/ فنکار اور صنعت کار اپنی مصنوعات اور ہنر کی نمائش کریں گے۔ مندرجہ ذیل وسیع زمرے کی مصنوعات ہوں گی: گھر کی سجاوٹ اور طرز زندگی، کپڑے، اسٹیشنری اور ماحول دوست مصنوعات، پیک شدہ خوراک اور نامیاتی مصنوعات، کھلونے اور تحائف، ذاتی لوازمات - زیورات، کلچ بیگ۔ یہ ان سب کے لیے ’ووکل فار لوکل‘ کا ایک موقع ہوگا اور معذور کاریگروں کی طرف سے ان کے اضافی عزم کے ساتھ تیار کردہ مصنوعات دیکھی/ خریدی جا سکتی ہیں۔

دس روزہ ’دویہ کلا میلہ‘ صبح 11.00 بجے سے رات 9.00 بجے تک کھلا رہے گا اور اس میں کئی ثقافتی سرگرمیوں کا مشاہدہ کیا جائے گا، جس میں معذور فنکاروں اور معروف پیشہ ور افراد کے ساتھ پرفارمنس بھی شامل ہے۔ تقریب میں زائرین ملک کے مختلف علاقوں سے اپنے پسندیدہ کھانوں سے بھی لطف اندوز ہو سکتے ہیں۔

تقریب کا افتتاح مدھیہ پردیش کے معزز گورنر جناب منگو بھائی پٹیل 12 مارچ کو شام 5 بجے سماجی انصاف اور عطائے اختیار کے مرکزی وزیر ڈاکٹر وریندر کمار اور وزیر مملکت کماری پرتیما بھومک کی موجودگی میں کریں گے۔

محکمہ کے پاس تصور کو فروغ دینے کے لیے شاندار منصوبے ہیں، جس کے ایک حصے کے طور پر ’دویہ کلا میلہ‘ ہر سال منعقد کیا جائے گا اور یہ دہلی اور ممبئی تک محدود نہیں بلکہ پورے ملک میں ہوگا۔

**************

ش ح۔ ف ش ع- م ف

U: 2453