ثقافت کی وزارت کی طرف سے آزادی کا امرت مہوتسو کے تحت اٹھائے جانے والے منفرد اور اہم اقدام ’’دھارا: اوڈ ٹو انڈین نالج سسٹمز‘‘ کو فروری 2023 میں ایک سال مکمل ہو گیا ہے۔ اپنی سال بھر کی سرگرمیوں کے دوران، یہ عوامی بیداری پیدا کرنے میں کامیاب رہا ہے۔اس کے ساتھ ہی اس نے  اسٹیک ہولڈر کی شرکت اور ہندوستانی نالج سسٹمز کے متعدد ڈومینز کے فروغ اور بحالی کے لیے ایک فریم ورک وضع کرنے میں مدد کی۔ اس پروگرام کو لیکچرز اور مباحثوں کی ایک سیریز کے طور پر تصور کیا گیا تھا جو ہندوستان کی تہذیبی کامیابیوں کو اجاگر کرنے والے تحقیق طلب مخصوص شعبوں کے لیے وقف تھا۔

دھارا علم اور حکمت کے ’مسلسل بہاؤ‘ کے اس نظریہ کو ایک زمانے سے دوسرے زمانے تک مجسم کرتا ہے، جسے وقت کے ساتھ ساتھ اپنایا ، تجزیہ  کیا جاتا ہے اور اس میں ترمیم کی جاتی ہے تاکہ ہم نہ صرف مختلف شعبوں میں بصیرت کی اگلی سطح پر آگے بڑھیں بلکہ اس کے پیچھے بھی ایسا کریں۔ وہ کام جو ہمارے ماضی سے ہمارے لیے پہلے ہی دستیاب ہے۔ ا ے آئی سی ٹی ای ، نئی دہلی میں واقع وزارت تعلیم کا انڈین نالج سسٹم (آئی کے ایس ) ڈویژن دھارا تقریبات کے لیے کلیدی انعقاد کار شراکت دار ہے۔

دھارا سیریز کی ابتدا کے بارے میں بات کرتے ہوئے، ثقافت کی وزارت کے سکریٹری جناب گووند موہن نے کہا،’’ آزادی کا امرت مہوتسو ترقی پسند ہندوستان کے 75 سال اور اس کے لوگوں کی شاندار تاریخ کو منانے اور ثقافت اور حصولیابیوں کا جشن منانے کے لیے حکومت ہند کی ایک پہل ہے۔  ملک بھر میں افراد اور برادریوں کی جانب سے چلائی جانے والی متعدد تحریکوں کی پشت پر 100 سال سے زائد طویل جدوجہد کے بعد، ہندوستان نے 1947 میں برصغیر پاک و ہند سے غیر ملکی حکمرانوں کو کامیابی کے ساتھ بے دخل کردیا۔ ، جن میں سے ہر ایک نے ہندوستان کے خیال میں ایک بہت ہی منفرد اور ناگزیر انداز میں اضافہ کیا۔ طویل عرصے سے، یہ واقعات صرف لوک داستانوں تک محدود ہیں یا کسی مورخ کے اجتماع کا حصہ ہیں۔ اب وقت آگیا ہے کہ ہم تاریخ کی شاہراہوں  پر چلیں اور ان کامیابیوں کا جشن منائیں جن کے بارے میں ہم نہیں جانتے تھے کہ ان کا تعلق ہندوستان سے ہے۔ ہم اپنی اس شراکت کا دعوی کریں جو کہ فطری طور پر بھارت سے تعلق رکھتا ہے اور دنیا کو انسانیت کے پھلنے پھولنے اور ایک ساتھ رہنے کے لیے ایک بہتر جگہ بنانے کے لیے ہندوستان کے تعاون کے تسلسل کو آگے بڑھائیں‘‘۔

دھارا سیریز، جس میں سے اب تک 10 کانفرنسیں کامیابی کے ساتھ منعقد کی جا چکی ہیں، کثیر جہت اور الگ الگ موضوعات پر منعقد ہوئی ہیں جن کا عنوان ہے: ریاضی میں ہندوستانی شراکت، ہندوستانی قومی کیلنڈر، دھارا فلکیات اور فلکی طبیعیات، قومی تعلیمی پالیسی (این ای پی ) 2020 پر آئی کے ایس میلہ۔ اور ثقافت کا کردار، آیوروید پر آیوردھارا (I اور II)، مختلف قومی جنگجو روایات پر قومی مارشل آرٹس میلہ، ہندوستان کی شاندار سمندری روایات پر سمندر منتھن، سنگیت اور ناٹیہ پرمپرا اور ہندوستانی کیمسٹری پر راسائن شاستر۔ کانفرنسوں کا مقصد مختلف وزارتوں، اکیڈمی، صنعت کے ماہرین، علمی شراکت داروں، اور دیگر اسٹیک ہولڈرز کو اکٹھا کرنا تھا تاکہ اسٹریٹجک تعاون پیدا کیا جا سکے جو سائنسی ترکیب، تبلیغ اور روایتی علمی نظاموں کے تحفظ کے لیے موثر فریم ورک کے استحکام کو مزید  اہل  بنائے اور ساتھ ہی ساتھ  اس سرزمین کے عام شہری کے لیے اس کی رسائی کو یقینی بنائے۔

اس سلسلے میں مجوزہ  اگلی کانفرنسیں ہندوستان کے میٹالرجیکل، زرعی اور قدیم اقتصادی افکار اور روایات پر مبنی ہیں۔

دھارا کی ہر تھیم کے لیے، اس خصوصی پہل کا دور رس نقطہ نظر ایک ویژن 2047 دستاویز تیار کرنا ہے جو ایک اسٹریٹجک روڈ میپ فراہم کرتا ہے  اور اس طریقے سے ان مخصوص ڈومینز میں سے ہر ایک آنے والے 25 سالوں میں ترقی کر سکتا ہے اور بڑھا سکتا ہے۔ اس ڈومین کے بڑے اسٹیک ہولڈرز کے ساتھ، حکومت کی طرف سے مطلوبہ اہداف کے موثر نفاذ میں سہولت فراہم کرنے کا عزم بھی موجود ہے۔ ہر کانفرنس نے خاص طور پر زیر بحث علمی نظام کی تاریخیت اور تنوع کو حل کرنے، علم کے اس شعبے سے متعلق ڈومینز میں متعدد اسٹیک ہولڈرز کی شرکت کو آسان بنانے، اور تعاونی پینل ڈسکشن کے ذریعے عصری سائنسی اصولوں اور دیسی علمیات پر مبنی جدت اور اطلاق کے لیے  متعلقہ نالج ڈومینز کے پریکٹیشنرز اور عوام کی شرکت کے درمیان حکمت عملی وضع کرنے پر توجہ مرکوز کی۔ کانفرنسوں میں ثقافتی پروگراموں کا ایک متنوع سیٹ بھی پیش کیا گیا جو تھیم اور اس خطے کے عین مطابق تھے، جہاں یہ کانفرنسیں منعقد ہوئیں۔

کانفرنسوں کی تفصیلات کے لیے یہاں کلک کریں۔

دھارا کے ہر پروگرام میں ہر شام اعلیٰ فنکاروں کی ایک وسیع رینج کے ذریعہ ثقافتی پروگرام  منعقد کئے گئے ،جنہوں نے یہ ظاہر کیا کہ فن اور ثقافت نے ہندوستانی نالج سسٹمز کی ترسیل، تبلیغ اور مقبولیت کے لیے انتہائی طاقتور آلات کے طور پر خدمت کی ہے اور آگے بھی کرتے ر ہیں گے ۔ دھارا پروگراموں کو تمام مواقع پر پرنٹ اور آڈیو ویژول پلیٹ فارموں کے ذریعے بہت وسیع میڈیا کوریج ملی، جس سے لاکھوں لوگوں میں ہمارے علمی ورثے کے بارے میں بیداری پیدا ہوئی۔ مختلف شکلوں میں یہ جن ۔بھاگیداری دھارا کے بنیادی مقاصد کا حصہ تھی جو کہ لوگوں تک شاستر سے سماج تک متن کے علم کو پہنچانا تھا -

دھارا سیریز قومی شعور کو اس کے غیر منقسم تہذیبی ورثے اور علمی نظام کے لیے بیدار کرنے میں ایک اہم قوت رہی ہے۔ اس نے ان روایات کی تاریخیت اور تنوع کے فروغ اور تحفظ پر زور دیا ہے، انہیں قومی شعور تک پہنچانے کے لیے اختراعی طریقہ کار تشکیل دیا ہے، جس میں  مقامی روایات اور علمی نظاموں کو ترغیب دینے کی اہمیت، پریکٹیشنرز، وزارتوں، علماء اور عوام کے درمیان باہمی تعاون کی کوششوں کو آسان بنانا، نوجوانوں کو قومی تحریک کی قیادت کرنے کے لیے بااختیار بنانا اور اہم بات یہ ہے کہ انڈین نالج سسٹمز (آئی کے ایس ) کے مختلف شعبوں میں علمی تحقیق میں سختی اور عمدگی کی حوصلہ افزائی کرنا شامل ہے ۔ دھارا سیریز نے آئی کے ایس کی ملٹی میڈیا اور ملٹی موڈل نمائندگی سے فائدہ اٹھانے کی ضرورت پر بھی روشنی ڈالی ہے اور اس نظام میں ایک خاص علمی ڈومین کے تنوع اور گہرائی دونوں کو سمجھنے کی اہمیت پر بھی روشنی ڈالی ہے جبکہ ہماری روایات اور تاریخ میں گہرائی میں غوطہ لگایا گیا ہے تاکہ آنے والی نسلیں معنی خیزی کے ساتھ  اس میں مشغول ہو سکیں۔

ایک آزاد جدید قوم کے طور پر ہماری تاریخ 75 سال پرانی ہے لیکن ہماری تہذیب 5000+ سال سے زیادہ پرانی ہے۔ یہ کہنے کی ضرورت نہیں ہے کہ انسانی علم میں ہندوستان کی شراکت داری  بہت زیادہ ہے، اور آزادی کا امرت مہوتسو کے موقع سے بہتر اور کیا ہو سکتا ہے کہ آزادی کے 75سال کی یاد میں اس سمت میں ایک بہتر اور مرکوز کوشش شروع کی جائے۔

**********

ش ح۔ ج ق۔ ف ر

U. No.2445

(Release ID: 1905221) Visitor Counter : 136