ভারত গৌরব দিলক্স এ.সি. তুরিস্ত ত্রেননা ভারতকী অৱাং নোংপোক্কী রাজ্যশিং কবর তৌনবা অখন্ননা দিজাইন তৌখিবা “নোর্থ ইস্ত দিস্কবরী: বিয়োন্দ গুৱাহাতি” ওপরেৎ তৌনবা ইন্দিয়ান রেলৱেজনা ৱারেপ লৌখ্রে। ত্রেন তুর অসি মার্চ ২১, ২০২৩দা দিল্লী সফদরজং রেলৱে স্তেসন্দগী হৌগনি অমসুং অসামগী গুৱাহাতি, শিবসাগর, জোর্হাৎ অমসুং কাজিরঙ্গা, ত্রিপুরাগী অনাকোতি, অগরতলা অমসুং উদয়পুর, নাগালেন্দগী দিমাপুর অমসুং কোহিমা অমদি মেঘালয়গী শিল্লোং অমসুং চিরাপুঞ্জি অসি নুমিৎ ১৫গী খোঙচৎতা কবর তৌগনি।

অহিং ১৪ অমসুং নুংথিল ১৫ শাংবা ত্রেনগী অহানবা খামফম অসি গৱাহাতি ওইগনি, মফম অসিদা লমকোইবশিংনা কমখ্যা মন্দিরদা চৎকনি মতংদা উমানন্দ মন্দিরদা চৎকনি অমসুং ব্রহ্মপুত্রদা নুংমিদাং ৱাইরমগী ক্রুজ তৌগনি। ত্রেন অসিনা অহিং অমগী খোঙচৎ ওইরিবা নহারলাগুন রেলৱে স্তেসন্দা থুংগনি হায়রিবা অসি অরুনচাল প্রদেশকী কোংনুং ওইরিবা মথংগী লমথুংফম ইতানাগরদগী কিমি ৩০ লাপ্পি। মথংগী সহর অসি শিবসাগর ওইগনি – মসি অসামগী নোংপোক থংবা শরুক্তা লৈবা অহোম কিংদমগী অরিবা কোনুংনি। শিবসাগরদা  লৈরিবা মমিং লৈবা শিব মন্দির, সিবাদোল অসি অতোপ্পা হেরিতেজ সাইৎশিংগী মথক্তা ইতিনরীগী শরুক অমনি। জোর্হাৎকী তী গার্দেনশিংদা চৎকনি অমসুং কাজিরঙ্গাদা অহিং অমা লৈগনি মসিগী মতুংদা লমকোইবশিংনা অয়ুক অঙনবদা কাজিরঙ্গা নেস্নেল পার্কতা জঙ্গল সফারি চৎকনি।

দিলক্স এ.সি. তুরিস্ত ত্রেন অসি ফুর্কাতিং রেলৱে স্তেসন্দগী  উজ্জয়েন্তা পেলেস য়াওনা উনাকোতি অমসুং অগরতলাগী মমিং লৈরবা হেরিতেজ সাইৎ য়েংনবা ত্রিপুরাগীদমক খোঙশানগনি। মথংগী নুমিৎতা ইতিনরীদা উদয়পুরদা লৈবা নীরমহল পেলেস অমসুং ত্রিপুরা সুন্দরী মন্দির অসি কোনশিনগনি। ত্রিপুরাগী মথংদা ত্রেন অসিনা নাগালেন্দগী রাজ্যদা চৎনবা দিমাপুরগীদমক খোঙশানগনি। গেস্তশিংনা মখোয়গী সিৎশিংদগী অয়ুক্কী অঙনবা মতমদা বদরপুর স্তেসন অমসুং লুমদিং জঙ্কসনগী মরক্তা ফজরবা ত্রেন জোর্নী অমা বা ফংগনি। দিমাপুর স্তেসনদগী লমকোইবশিংনা নাগাগী পুন্সি মহিং এক্সপরিয়েন্স তৌনবা খোনোমা ভিলেজকী তুর য়াওনা লোকেল সাইৎশিংদা চৎনবগীদমক বসনা কোহিমাদা পুগনি। তুরিস্ত ত্রেনগী মথংগী খামফম অসি গুৱাহাতি ওইগনি অমসুং লমকোইবশিং অসি লম্বীগী খুত্থাংদা মেঘালয়গী কোনুং ওইরিবা শিল্লোংদা চৎনবা পুগনি অমসুং লম্বীদা মেজিস্তিক উমিয়ম লেক্তা পিৎ স্তোপ অমা য়াওগনি। মথংগী নুমিৎ অদ ইস্ত খাসি হিল্সতা লৈবা চিরাপুঞ্জিদা এক্সকর্সন অমা চৎতুনা হৌগনি। নুমিৎ অসিগী লম কোইবদা শিল্লোং পীক, ইলেফেন্ত ফোল্স, নৌখালিকাই ফোল্স অমসুং মৌস্মাই কেব য়াওরি। চিরাপুঞ্জিদগী লমকোইবশিংনা দিল্লীদা অমুক হন্নবগীদমক ত্রেন তোংনবা গুৱাহাতি স্তেসন্দা চৎকনি। গেস্তশিংনা ত্রেনগী অপুনবা খোঙচৎ অসিদা চাউরাক্না কিমি ৫৮০০ চৎকনি।

মোদর্ন দিলক্স এ.সি. তুরিস্ত ত্রেন অসিদা ফাইন দাইনিং রেস্তোরেন্ত অনি, কন্তেম্পোররী কিৎচন, কোচশিংদা শোর কুবিকলশিং, সেন্সর বেজ ৱাশরুম ফঙ্কসনশিং, ফুত মসাজর অমসুং মিনি লাইব্রেরী য়াওনা নুংঙাইরবা ফীচরশিং য়াওরি। মপুং ফানা এয়র কন্দিসন ওইবা ত্রেন অসিনা একোমোদেসন মখল অনি হায়বদি এ.সি. I অমসুং এ.সি. II ফংহল্লি। ত্রেন অসিদা কোচ অমমগীদমক সি.সি.তি.ভি. কেমেরা, ইলেক্ত্রোনিক সেফ, অমসুং দেদিকেতেদ সেক্যুরিতী গার্দশিং হাপ্পা অসিগুম্বা ফগৎহল্লবা সেক্যুরিতী ফীচরশিং য়াওখি।

ভারত গৌরব তুরিস্ত ত্রেন লোঞ্চ তৌবা অসি দোমেস্তিক তুরিজম প্রমোৎ তৌনবা ভারতকী সরকারগী “এক ভারত শ্রেস্থ ভারত” অমসুং “দেখো অপ্না দেশ” থৌশিলগী পরিং মখাদনি। এ.সি. ২ তায়রদা মীওই অমদা লুপা ১,০৬,৯৯০/-, এ.সি. ১ (কেবিন)গী মীওই অঞদা লুপা ১,৩১,৯৯০/- অমসুং এ.সি. ১ (কোপ)কী মীওই অমদা লুপা ১,৪৯,২৯০/-দগী মমল হৌরিবা আই.আর.সি.তি.সি. তুরিস্ত ত্রেন অসি পুম্নমক য়াওবা নমিৎ ১৫গী তুর পেকেজ ওইগনি অমসুং মমল অসিনা মখোয় মশাগী ক্লাসকী ত্রেন খোঙচৎ, এ.সি. হোতেলশিংদা নুমিদাং য়ারেকপা, চাক (বেজ খক্তা), বসশিংগী ত্রান্সফর অমসুং সাইৎ-সিয়িং, ত্রেবেল ইন্সুরেন্স অমসুং গাইদকী সর্ভিসশিংগী চার্ক পুম্নমক কোনশিনগনি। হকশেলগী চেকশিল থৌরাং পুম্নমক লৌখৎকনি অমসুং আই.আর.সি.তি.সি.না গেস্তশিংদা শাফবা অমসুং নীংশিংহৌগদবা এক্সপরিয়েন্স অমা পীরগনি।

হৌজিক ওইরিবা কোবিদ১৯গী ফীভম অসিদা চেকশিল থৌরাংশিং লৌখৎনবা চহি কাংলুপ ১৮ নত্ত্রগা মথক্কী গেস্তশিং ফুল ভেক্সিনেসন (দবল দোজ) শুকশোই শোইদনা কাপকদবনি। মসিগী মথক্তা আই.আর.সি.তি.সি.না লমকোইবশিংদা সেফতী কিৎ অমসু পীগনি, মসিদা ফেস মাস্ক, হেন্দ গ্লোব অমসুং সেনিতাইজর য়াওরি। লমকোইবা অমসুং স্তাফ পুম্নমক্কী চাং নাইনা তেম্পরেচর ওনবা, খামফম স্তেসন খুদিংমক্তা ত্রেন তোইনা সেনিতাইজেসন তৌবা অমসুং অতোপ্পা চেকশিল থৌরাংশিংসু পাইখৎকনি। স্তাফ মপুং ফানা স্ক্রীন তৌগনি অমসুং মীল সর্ভিস খুদিংমক্কী মতুংদা কিৎচন অমসুং রেস্তোরেন্তশিং সেনিতাইজ তৌগনি।

পেকেজ অসি মীয়ামদা হেন্না এত্রেক্তিব অমসুং এফোর্দেবল ওইহন্নবা আই.আর.সি.তি.সি.না ই.এম.আই.শিংগী অপীকপা শেনফমদা অপুনবা পেমেন্ত অসি ই.এম.আই. পেমেন্ত ওপ্সন ফংহন্নবা পেতিএম অমসুং রেজোরপে পেমেন্ত গেৎৱেশিংগা লোয়ননা তাই অপ তৌখি।

অকুপ্পা মরোলশিংগীদমক আই.আর.সি.তি.সি.গী ৱেবসাইৎতা চংবীয়ু: https://www.irctctourism.com অমসুং ৱেব পোর্তেলদা ফর্স্ত কম ফর্স্ত সর্ব বেসিস্তা বুকিং ওনলাইন্দা তৌবা য়াগনি।

*********