کیمیائی اور کھاد کے مرکزی وزیر ڈاکٹر منسکھ مانڈویا نے آج نئی دلی میں جن اوشدھی جن چیتنا ابھیان کی تقریبات کی شروعات کے لئے جن اوشدھی رتھ کو ہری جھنڈی دکھاکر روانہ کیا۔ ملک بھر میں اس تقریب کے تحت پانچویں  جن اوشدھی تقریبات کی شروعات ہوئی۔ 

اس موقع پر خطاب کرتے ہوئے ڈاکٹر منسکھ مانڈویا نے کہا کہ جن اوشدھی ہفتہ منایا جارہا ہے اور اس کے بعد سات مارچ  2023 کواوشدھی دوس منایا جائے گا۔اس جن اوشدھی ہفتہ کے دوران لوگوں کے درمیان جن اوشدھی کے تعلق سے بیداری  پھیلانے  پر توجہ مرکوز کی گئی ۔انہوں نے کہا کہ ایک طرف جہاں ملک بھر کے جن اوشدھی کیندروں میں  سستی اور معیاری دوائیں مل رہی ہیں،تودوسری  طرف صرف  ایک روپے کی قیمت  پر فی پیڈ خواتین کو سینٹری  پیڈ فراہم کیا جارہا ہے۔وزیرموصوف نے  خواتین کے درمیان اس تعلق سے بیداری  پیدا کرنے پر زور دیا کیونکہ وہ  جن اوشدھی کیندروں سے  معمولی قیمت  پر پیڈ خرید سکتی ہیں۔ ڈاکٹر مانڈویا نے مزید کہا کہ سات مارچ  کو ایک بڑا  پروگرام منعقد کیا جائے گا ، جہاں متعدد شخصیات اور جن اوشدھی کے استفادہ کنندگا ن کو مدعو کیا جائے گا۔استفادہ کنندگا ن اپنے تجربات  بتائیں گے اور ڈاکٹرز جن اوشدھی کیندروں کے تعلق سے  اپنے خیالات مشترک کریں گے تاکہ ان کیندروں کی زیادہ سے زیادہ تشہیر ہو۔ وزیر موصوف نے بتایا کہ جن اوشدھی کیندر کوئی بھی شخص کھول سکتا ہے ۔ اسے 20فیصدکمیشن فراہم کیا جاتا ہے تاکہ اسے نہ صرف   روزگار کا ذریعہ ملے  بلکہ  خدمت کا بھی ایک موقع فراہم ہو۔

دواسازی کے محکمے نے یکم مارچ  2023سے سات مارچ  2023 تک الگ الگ  شہروںمیں مختلف تقریبات کے انعقاد کی منصوبہ بندی کی ہے، جہاں جن اوشدھی اسکیم کے بارے میں بیداری  پر توجہ مرکوز کی جائے گی۔

تمام ریاستوں اور مرکز کے زیر انتظام علاقوں  کو  کور کرتے ہوئے ملک بھر میں پی ایم بی جے کیز  مالکان ، استفادہ کنندگان ، ریاست  / مرکز کے زیرانتظام علاقو ں کے افسران ، ڈاکٹر ،صحت  کارکنان ، نرسیں  ،  فارماسسٹوں  ، مختلف مقامات  پر جن اوشدھی متروں کو شامل کرکے سمینار ، بچوں ، خواتین اور این جی اوکی شرکت ، ہیری ٹیج واک  اور ہیلتھ کیمپ اور متعدد دیگر سرگرمیوں کا انعقاد کیا جائے گا۔

تمام افراد کو معیاری  جینرک ادویات   کو سستی قیمتوں  پر دستیاب کرانے کے مقصدسے  دواسازی کے محکمے ، کیمیائی اور کھادکی وزارت ، حکومت ہند نے نومبر 2008 میں پردھان منتری بھارتیہ جن اوشدھی  پریوجنا  ( پی ایم بی جے پی ) کی شروعات کی تھی۔ 31 جنوری  2023  تک اسٹورز کی تعداد  بڑھ کر 9082  ہوگئی ہے۔ پی ایم بی جے پی  کے تحت   ملک کے 764  اضلاع میں سے 743  اضلاع کو کور کیا گیا ہے۔

یہ اسکیم ملک کے ہر گوشے میں لوگوں  کو سستی ادویات تک آسان رسائی کو یقینی بناتی ہے۔حکومت نے دسمبر 2023 کے آخر تک پردھان منتری بھارتیہ جن اوشدھی کیندر ( پی ایم بی جے کیز)کو 10 ہزار تک بڑھانے کا ہدف مقرر کیا ہے۔پی  ایم بی جے پی  کے پروڈکٹس  باسکٹ میں  1759 ادویات اور  280سرجیکل آلات شامل ہیں۔اس کے علاوہ نئی ادویات اور نوٹرا  سیوٹیکلز  مصنوعات جیسے  پروٹین پاؤڈر  ،  مالٹ  پر مبنی غذائی خوراک ، پروٹین بار ، امیونٹی بار  ،سینیٹائزر ، ماسک ، گلوکو میٹر  ، آکسیمٹر وغیر ہ کی بھی شروعات کی گئی ہے۔

پی  ایم بی جے پی  کے تحت برانڈیڈ قیمتوں کے مقابلے پچاس سے 90  فیصد کی کم قیمت  پر ادویات دستیاب  ہیں۔ مالی سال 22-2021 کے دوران  پی ایم بی جے پی نے 893.56 کروڑز (ایم آر پی ) کی ادویات فروخت  کی ہے۔اس سے عام شہریوں کا تقریباََ  5360 کروڑروپے کی بچت ہوئی ہے۔موجودہ مالی سال یعنی 23-2022 سے  15فروری 2023 تک  دواسازی اور طبی آلات  سے متعلق  ہندوستان کے بیورو  ( پی ایم بی آئی ) اور  پی ایم بی جے پی کے نفاذ  کی ایجنسی نے ایک ہزار کروڑ سے زیادہ کی ادویات فروخت کی ہیں، جس سے شہریوں  کی  6ہزار کروڑروپے کی بچت ہوئی ہے۔ فی الحال   آئی ٹی سے چلنے والے  پی ایم بی جے پی کے وار ہاؤسز   گروگرام  ،چنئی ، گواہاٹی اور سورت میں کام کررہے ہیں۔اس سے دواؤں کی لاگت سے متعلق شہریوں  کو دو ہزار کروڑ سے زیادہ کی بچت ہوئی ہے۔جن اوشدھی کیندروں میں دوا کی خریداری میں مسلسل اضافے سے ملک کے پر گوشے میں  اپنی رسائی بڑھانے کے لئے پی ایم بی جے پی کو مزید قوت ملی ہے۔

जन औषधि अच्छी भी, सस्ती भी. @DIPR_UK @PIB_India @ukcmo @fertmin_india pic.twitter.com/ynwc4omDxZ

— PIB in Uttarakhand (@PIBDehradun) March 1, 2023

आज जन औषधि दिवस सप्ताह के पहले दिन 'जन औषधि जन-चेतना रथ' को रवाना किया।

यह रथ 6 राज्यों के 10 शहरों में नागरिकों को, PM @NarendraModi जी द्वारा शुरू की गई 'जन औषधि परियोजना' व केंद्रों पर मिलने वाली सस्ती व अच्छी दवाइयों के विषय में उन्हें जागरूक करेगा।#JanAushadhiDiwas2023 pic.twitter.com/w0Etl1IW5v

— Dr Mansukh Mandaviya (@mansukhmandviya) March 1, 2023

*************

ش ح۔ع ح ۔ رم

U-2225

(Release ID: 1903598) Visitor Counter : 113