বাই {ইন্দিয়ান-আই দি দি এম(ইন্দিজিনিয়সলি দিজাইন, দিবলপ এন্দ মেনুফেকচর)} কেতেগোরিগী মখাদা লুপা করোর ৩,১০৮.০৯ গী কেদেদ ত্রেনিং জহাজ অহুম লৈনবগীদমক লার্সেন অমসুং তৌব্রো(এল এন্দ তি)গা কেন্ত্রেক অমা খুৎয়েক পীনবা কেন্দ্রগী মন্ত্রীমন্দলনা অয়াবা পীরে। জহাজশিং অদু ২০২৬দগী পীবা হৌবা হায়না মতম লেপ্নরে।  

ভারত নেভিগী তুংদা দরকার ওইরক্কদবা অদু ফংনবা বেসিক ত্রেনিং পীরবা মতুংদা, নুপীশিং য়াওনা ওফিসার কেদেদশিং সমুদ্রদা ত্রেনিং পীবদা হায়রিবা জহাজ অহুম অদু শীজিন্নগনি। দিপ্লোমেতকী মরীশিং ফগৎনবা পান্দমদা অতোপ্পা মরুপ-মপাং ওইবা লৈবাকশিংগী কেদেদশিং ত্রেনিং পীবদসু হায়রিবা জহাজশিং অসি শীজিন্নগনি। হায়রিবা জহাজশিং অদু মী কনবা, মতেং পাংবা অমসুং দিজাস্তার রিলিফকী থবকশিংদশু শীজিন্নগনি।

জহাজশিং অদু চেন্নাইগী কাতুপাল্লিদা লৈবা এল অমসুং তিগী সিপয়ার্দতা দিজাইন তৌগনি, দিবলপ তৌগনি অমসুং শাগনি। প্রোজেক অসিনা চহি মরি মখাই হেন্না মীওই লাখ ২২.৫(মেন-দেস) থবক পীগনি। মসিদা ভারতকী জহাজ শাবা অমসুং মসিগী লোয়ন্না চৎমিন্নরিবা উদোগশিং য়াওনা এম.এস.এম.ইশিং শরুক য়ানবা পুক্নিং থৌগৎকনি। মরুওইবা খুৎলায়শিং অমসুং সিস্তেমশিং লৈবাক অসিদা শাবা ওইগনি অমসুং হায়রিবা জহাজশিং অসি ভারত সরকারগী ‘মেক ইন ইন্দিয়া’গী থৌরাংগা লোয়ন্না ‘অত্মনির্ভর ভারত’কী মাংজিল থাবা অমা ওইগনি।

*****