ঙাকশেল মন্ত্রালয়

ইন্দিয়ান এয়র ফোর্সকীদমক হালদগী লুপা করোর ৬,৮০০ হেনবগী ঐচ.তি.তি-৪০ বেসিক ত্রেন্নর এয়রক্রাফ ৭০ লৈবা কেন্দ্রগী মন্ত্রীমন্দলনা অয়াবা পীখ্রে

Posted On: 01 MAR 2023 6:42PM by PIB Imphal

ইন্দিয়ান এয়র ফোর্সকীদমক হিন্দুস্থান এরোনোতিক্স লিমিতেদ(হাল)দগী লুপা করোর ৬,৮২৮.৩৬গী শেনফম অমদা ঐচ.তি.তি-৪০ বেসিক ত্রেন্নর এয়রক্রাফ ৭০ লৈবা কেন্দ্রগী মন্ত্রীমন্দলনা অয়াবা পীখ্রে।এয়রক্রাফ অদু চহি ৬গী মনুংদা পীগদবনি।

ঐচ.তি.তি-৪০ অসি তুর্বো প্রোপ এয়রক্রাফনি অমসুং মসি য়াম্না তপ্না পাইবা য়ানবা অমসুং মপুংফানা ত্রেনিং পীবা য়ানবা মওংদা দিজাইন তৌবনি। তুর্বো ত্রেন্নর অসিদা এয়র-কন্দিসন কোকপিৎ, অনৌবা এভিওনিক্স, হোত রি-ফুয়েল্লিং, রন্নিং চেঞ্জ অমসুং জিরো-জিরো ইজেক্সন সিতশিং য়াওরি। হায়রিবা এয়রক্রাফশিং অসিনা ইন্দিয়ান এয়র ফোর্সতা নৌনা চংলকপা পাইলোতশিং ত্রেনিং পীনবা ত্রেন্নর এয়রক্রাফশিং অৱাৎপা লৈরিবা অদু মেনখৎপা ঙমগনি। এয়রক্রাফ লৈগদৌরিবা অদুদা মরী লৈনবা খুৎশু-খুলায়শিং অমসুং সিমুলেতরশিং য়াওনা ত্রেনিং এদসশিং য়াওগনি। লৈবাক অসিনা মশানা শাজবা অমা ওইনা, এয়রক্রাফ অসি ভারতকী আর্মদ ফোর্সশিংগী তুংগী দরকার ওইরকপশিং অদু ফংহন্নবা মখা তানা ফগৎহনবা য়াগনি।

ঐচ.তি.তি-৪০দা চাউরাক্না লৈবাক অসিদা শাবা মচাক চাদা ৫৬ য়াওরি অমসুং মসিগী মরুওইবা মচাকশিং অমসুং সবসিস্তেমশিং মতুং তারকপদা লৈবাক অসিনা শাজবা মচাক চাদা ৬০দা হেনগৎহনগনি। দরকার ওইবা মচাকশিং পীনবা হালনা এম.এস.এম.ইশিং য়াওনা ভারতকী লনাই উদোগশিংগা থবক তৌমিন্নগনি। এয়রক্রাফশিং লৈগদৌরিবা অসিনা চাউরাক্না মীওই ১,৫০০ রোম হকথেংন্না অমসুং মীওই ৩,০০০ রোম নাকোইন্না থবক পীগনি অমসুং থৌরাং অসিনা এম.এস.এম.ই ১০০ হেন্না কোনশিনগনি।

ঐচ.তি.তি-৪০ লৈবা অসিনা ভারতকী এরোস্পেস দিফেন্স ইকোসিস্তেমকী অৱাৎপশিং মেনখৎকনি অমসুং ‘অত্মনির্ভর ভারত’কী থবকশিং খুমাঙচাউশিনগনি।

*****



(Release ID: 1903468) Visitor Counter : 136