నేషనల్ హెల్త్ అథారిటీ (ఎన్‌హెచ్‌ఏ) తన ఫ్లాగ్‌షిప్ పథకం ఆయుష్మాన్ భారత్ డిజిటల్ మిషన్ (ఏబిడిఎం) కింద డిజిటల్‌గా కనెక్ట్ చేయబడిన ఆరోగ్య సంరక్షణ పర్యావరణ వ్యవస్థను నిర్మించడంలో మరో మైలురాయిని సాధించింది. 25 కోట్లకు పైగా వ్యక్తుల ఆరోగ్య రికార్డులు వారి ఏబిహెచ్‌ఏ (ఆయుష్మాన్ భారత్ హెల్త్ ఖాతా)కి లింక్ చేయబడ్డాయి. ఈ రికార్డ్‌లను ఏబిడిఎం-ప్రారంభించబడిన ఆరోగ్య యాప్‌లలో దేనినైనా ఉపయోగించి వ్యక్తులు సులభంగా యాక్సెస్ చేయవచ్చు మరియు నిర్వహించవచ్చు. డిజిటల్‌గా అందుబాటులో ఉన్న ఆరోగ్య రికార్డులు ఏబిహెచ్‌ఏ హోల్డర్‌లు ఏబిడిఎం నెట్‌వర్క్‌లో పేపర్-లెస్ హెల్త్ సర్వీస్‌లను పొందేందుకు వీలు కల్పిస్తాయి.

వ్యక్తులు ఆసుపత్రులు, క్లినిక్‌లు, డయాగ్నస్టిక్ ల్యాబ్‌లు మొదలైన వివిధ ఆరోగ్య సౌకర్యాలలో తమ రికార్డులను యాక్సెస్ చేయడానికి మరియు వాటిని యాప్‌లో నిల్వ చేయడానికి వారి వ్యక్తిగత ఆరోగ్య రికార్డుల (పిహెచ్‌ఆర్‌) యాప్‌లను ఉపయోగించవచ్చు. వారు ఏబిడిఎం నెట్‌వర్క్ ద్వారా ధృవీకరించబడిన ఆరోగ్య సంరక్షణ ప్రదాతలతో సంబంధిత రికార్డులను డిజిటల్‌గా పంచుకోగలరు. ఇది భౌతిక వైద్య పత్రాల కోసం శోధించడం లేదా పాత రికార్డులను పోగొట్టుకోవడం గురించి ఆందోళన చెందకుండా సురక్షితమైన పద్ధతిలో రికార్డులను పూర్తిగా కాగితం రహిత మార్పిడిని అనుమతిస్తుంది. ఆరోగ్య సంరక్షణ ప్రదాతలు వివరణాత్మక రోగి చరిత్రకు సమ్మతితో యాక్సెస్ పొందుతారు. తద్వారా మెరుగైన క్లినికల్ నిర్ణయం తీసుకోవడంలో వారికి సహాయపడుతుంది.

ఈ మైలురాయి ప్రాముఖ్యత గురించి ఎన్‌హెచ్‌ఏ సిఈఓ మాట్లాడుతూ – “ ఆరోగ్య సంరక్షణ పర్యావరణ వ్యవస్థను నిర్మించే లక్ష్యానికి భౌతిక రికార్డుల డిజిటలైజేషన్ చాలా కీలకం. ఏబిహెచ్‌ఏ లింకింగ్ ద్వారా ఆరోగ్య రికార్డులు మరింత అందుబాటులోకి తీసుకురాబడుతున్న వేగం, వాటాదారుల చిత్తశుద్ధిని అలాగే  సాంకేతికత యొక్క దృఢత్వం మరియు స్కేలబిలిటీని సూచిస్తుంది. అంతిమంగా ప్రజలకు ప్రయోజనం చేకూర్చే మెజారిటీ వాటాదారుల సహకార ప్రయత్నాలతో ఏబిడిఎం లక్ష్యాన్ని సాధించవచ్చు." అని చెప్పారు.

ఏబిహెచ్‌ఏ లింక్డ్ హెల్త్ రికార్డ్స్ ప్రాముఖ్యత గురించి ఎన్‌హెచ్‌ఏ సిఈఓ  మరింతగా వివరిస్తూ “రోగులకు వారి రికార్డులకు పరిశీలించేందుకు మరియు ఎంచుకున్న రికార్డులను ఇతరులకు పంచుకునే అధికారం ఉంటుంది. ఇది ప్రారంభ లేదా తదుపరి సంప్రదింపుల కోసం రోగి భౌతిక ఆరోగ్య సంరక్షణ సదుపాయానికి వెళ్లవలసిన అవసరాన్ని తొలగిస్తుంది. రోగులు/వ్యక్తులతో సెంటర్‌లో మేము వివిధ అప్లికేషన్‌లు మరియు ప్లాట్‌ఫారమ్‌లలో సులభంగా సమాచార మార్పిడిని ప్రారంభిస్తున్నాము, తద్వారా ఆరోగ్య సంరక్షణ సేవలను అందించడంలో మరింత సామర్థ్యాన్ని మరియు అందుబాటును తీసుకువస్తున్నాము" అని వివరించారు.

ఆరోగ్య రికార్డుల డిజిటల్ లింకింగ్ రాష్ట్రం/యూటీ స్థాయిలో చురుకైన ప్రమేయంతో అద్భుతమైన పురోగతిని సాధిస్తోంది. గత 40 రోజుల్లో ఏబిహెచ్‌ఏకి లింక్ చేయబడిన ఆరోగ్య రికార్డుల సంఖ్య 4 కోట్ల (జనవరి 18, 2023 నాటికి) నుండి 25 కోట్లకు (27 ఫిబ్రవరి 2023 నాటికి) పెరిగింది. ఆయుష్మాన్ భారత్ ప్రధాన్ మంత్రి జన్ ఆరోగ్య యోజన (ఏబి పిఎం-జేఏవై)తో ఏబిహెచ్‌ఏను ఏకీకృతం చేయడం ద్వారా ఆరోగ్య రికార్డుల అనుసంధానం పొందింది. 9.8 కోట్లకు పైగా ఏబి పిఎం-జేఏవై హెల్త్ రికార్డ్‌లు ఏబిహెచ్‌ఏకి లింక్ చేయబడ్డాయి. పథకం లబ్ధిదారులు పోర్టబుల్ మరియు డిజిటల్ రికార్డ్‌లను పొందుతారు. వీటిని వారు సురక్షితమైన పద్ధతిలో ఆన్‌లైన్‌లో యాక్సెస్ చేయవచ్చు మరియు భాగస్వామ్యం చేయవచ్చు.

వీటికి తోడు ఆంధ్రప్రదేశ్ ప్రభుత్వం క్రింద ఇతర ఆరోగ్య కార్యక్రమాలు, ఆరోగ్య మరియు కుటుంబ సంక్షేమ మంత్రిత్వ శాఖ ఆధ్వర్యంలోని కోవిన్ మరియు పునరుత్పత్తి మరియు శిశు ఆరోగ్యం (ఆర్‌సిహెచ్) పథకం, ఎన్‌ఐసి ద్వారా ఇ-హాస్పటల్ , సిడాక్‌ నుండి ఈ-సుశృత్ మరియు గుజరాత్ ప్రభుత్వం టెచో వంటి ఇతర ముఖ్య పథకాలు/ప్లాట్‌ఫారమ్‌లు ఉన్నాయి. సంబంధిత లబ్ధిదారుల ఆరోగ్య రికార్డులను డిజిటల్‌గా అనుసంధానం చేస్తున్నారు. పై ప్రభుత్వ కార్యక్రమాలతో పాటు, ఆర్బి హెల్త్ ప్రైవేట్ లిమిటెడ్, హిటాచి ఎంజిఆర్‌ఎం నెట్ లిమిటెడ్, డ్రిఫ్‌కేస్ హెల్త్ టెక్ ప్రైవేట్ లిమిటెడ్,కార్కినోస్ హెల్త్‌కేర్ ప్రైవేట్ లిమిటెడ్, పేటిఎం మిని మరియు బజాజ్ పిన్‌సెర్వ్ హెల్త్ వంటి వివిధ ప్రైవేట్ ప్లేయర్‌లు కూడా ఏబిహెచ్‌ఏ లింక్డ్ హెల్త్ రికార్డ్‌లకు సహకరిస్తున్నారు.

రాష్ట్రాల వారీగా పనితీరు మరియు ఆరోగ్య కార్యక్రమాల వారీగా లింక్ చేయడంపై మరిన్ని వివరాలు  ఈ పబ్లిక్ డ్యాష్‌బోర్డ్‌లో అందుబాటులో ఉన్నాయి:  https://dashboard.abdm.gov.in/abdm/

 

****