ইকাইখুম্নজরিবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কেবিনেৎনা ভারত সরকার অমসুং রিপব্লিক ওব সাউথ অফ্রিকাগী মরক্তা দিসএবিলিতী সেক্তরদা মতেং পীননবগীদমক য়ানচেরোল (এম.ও.য়ূ.) খুৎয়েক পীনবদা অয়াবা পীখ্রে।

লৈবাক অনিগী ওইবা য়ানচেরোল অসিনা এম্পাৱরমেন্ত ওব পার্সন্স ৱিথ দিসএবিলিতী বিভাগ, রিপব্লিক ওব ইন্দিয়া সরকার অমসুং খা অফ্রিকা সরকারগী মরক্তা দিসএবিলিতী সেক্তরদা পুন্না থবক পায়খৎমিন্নদুনা হেন্না মতেং তৌননবগীদমক পুক্নিং থৌগৎলগনি। মসিনা ভারত অমসুং খা অফ্রিকা লৈবাক অনিগী মরক্তা লৈরিবা মরী অসিদা হেন্না মপাঙ্গল কলহনলগনি। হান্না য়ানখিবগী মতুং ইন্না, লৈবাক অনিগী মরক্তা অখন্নবা মতেং তৌননবা হৌদোক্লিবা অসি য়ানচেরোল অসিগী চৎনগদবা মতমগী মনুংদা থবক্তা ওন্থোক্নবা লৌখৎকনি।

মসিনা উরি মদুদি লৈবাক অনি অসিদা লৈরিবা অনৌবা, সাইন্তিফিক ওইবা, মতম কুইনা চৎপা, শেল চঙদবা মতেং অমসুং এসিস্তিব দিভাইসশিং তঙাইফদবা মীওইশিং মপুং ওইনা নাম্মা শোইরবা মীওইশিং (পি.দব্ল্যু.দি.শিং) অমসুং অহল ওইরক্লবা মীওইশিং অসিনা য়ানচেরোল অসিদগী কান্নবা ফংগনি।

ভারত অমসুং খা অফ্রিকানা মৈহৌরোলদগী হৌদুনা মরী থম্নদুনা লাক্লি অমসুং মহাত্মা গান্ধীনা সত্যগ্রহগী ঈহৌ খা অফ্রিকাদা চহি চাম্মগী মমাংদগী হৌদোকখিবদগী হৌদুনা নীংতম্বগী লালগী ৱারীদগী মরী লৈনরক্লে। ভারতসু এন্তাই-এপার্থিদ ঈহৌদা শৌগৎউনা অন্তর্জাতি কাংলুপতা মাঙজিল থাখি। নীংতম্লবা মতুংদা, খা অফ্রিকাগা লৈনবা লৈঙাকপগী মরী অসি ১৯৯৩দা হিংগৎহনখি, ভারত অমসুং খা অফ্রিকানা ১৯৯৭গী আর্চতা স্ত্রেতেজিক পার্ত্নর্শিপ অমা শাগৎখি। মসিগী মতুংদা, লৈবাক অনিগী মরক্তা শানবা ৱারী অমসুং ব্রিক্স, ইবসা অমসুং অতোপ্পা ফোরমশিংগী খুত্থাংদা খা অফ্রিকাগা লোইননা নক্নবা অমসুং মরুপ মপাং ওইবগী মরী ফগৎখি। লৈবাক অনিগী মরক্তা য়ানচেরোল কয়া অমা শেন্মিৎলোনদগী হৌদুনা লল্লোন ইতীক্কী মরী, ঙাকশেল, নাৎ, হকশেল, মী তাবা, পব্লিক এদমিনিস্ত্রেসন অমসুং সাইন্স অমসুং তেক্নোলোজী ফাওবদা খুৎয়েক পীনখি। ভারতকী তেক্নিকেল অমসুং একনোমিক কোওপরেসন প্রোগ্রাম (আই.তি.ই.সি.) অসি হ্যুমেন রিসোর্সশিংদা চাউখৎপা পুরকপগী মরী শেম্নবা কান্নরবা পাম্বৈ অমনি। কোবিদ ১৯ লাইচৎ থেংনবা অমসুং অতোপ্পা মালেমগী থাক্তা লৈবা শীংনবশিং থেংনবদা ভারত অমসুং খা অফ্রিকা অনিগী মরক্তা লৈরিবা লৈবাক অনিগী মরী অসি নীংশিংনিংঙাই ওই। অতোপ্পা মন্ত্রালয়/বিভাগশিং কয়ানসু য়াচেরোল কয়া মখোয়গা মরী লৈনবা হীরমশিংদা খুৎয়েক পীনদুনা খা অফ্রিকা লৈঙাক্কা লৈনরিবা মরী অসিবু হেন্না চেৎশিনহল্লি।

*****