শিপ্পিং মন্ত্রালয়
গঙ্গা ভিলাস গুৱাহাতি য়ৌরকখ্রে
লমকোয়বশিংনা মালেমগী মমিং চৎলবা মুগা অমসুং পেত হেন্দলুম ইন্দস্ত্রী মথৌ তৌবা য়েংনবগীদমক সৌলকুচি চৎখ্রে
লমকোয়বশিংনা শহর অসিদা মখোয়গী খোংচৎ মনুংদা কমখ্যা তেম্পল অমসুং স্তেত ম্যুজিয়ম চৎকনি
Posted On:
20 FEB 2023 8:22PM by PIB Imphal
মালেমগী খ্বাইদগী শাংবা রিভর ক্রুইজ ‘গঙ্গা ভিলাস’ জহাজনা ঙসি নুংথিল পুং ০৩.৩০ তাবা মতমদা ভোৱেজ অসিগী ৪২শুবা নুমিৎতা গুৱাহাতিদা য়ৌরকখ্রে। বোর্দতা তোংলিবা লমকোয়বা ২৮মক সরাইঘাত থোংদা খামলবা মতুং আই.দবল্যু.এ.আই. পান্দু পোর্ত্তা তরাম্না ওকখি।
জহাজদগী কুমলবা মতুং লমকোইবশিংবু চা পীথকখি অমদি মখোয়বু ব্রহ্মপুত্র তুরেল তোর্বান্দা কার্বি অমসুং তিৱা কাংলুপকী ত্রুপশিংগী ফজরবা ফোল্ক দান্স মীৎয়েং তাখি। লমকোইবশিংবু এদিস্নেল চিফ সেক্রেতরী, মনিন্দর সিংহ; দিপুতি কমিস্নার (কামরুপ মেত্রো), পল্লব গোপাল ঝা; রিজনেল দাইরেক্তর, ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.আই.), এ সেভাকুমারনা তরাম্না ওকখি। লমকোইবশিংনা ময়োং অমসুং মখাতাবা মখোয়গী মথংগী খোংচৎকী মমাংদা হয়েং অয়ুক কমখ্যা তেম্পল অমসুং অসাম স্তেত ম্যুজিয়মদা চৎকনি।
ঙসি অঙনবদা লমকোইবশিংনা ইনাক খুল্লবা অমসুং থোইদোক হেন্দোকপা অসামগী তেক্সতাইল অমসুং হেন্দলুম ইন্দস্ত্রী য়েংনবগীদমক সৌলকুচি চৎখি। ক্রাফনা শুমহৎলবা লমকোইবশিংনা মুগা অমসুং পেত সিল্কতা শারিবা মেজিকেল মোতিফশিং উবদা থুমহৎখি। ৱেভরশিংনা লাক্লিবা লমকোইবশিংদা অসামগী হেন্দলুম ইন্দস্ত্রিগী থোইদোক হেন্দোকপা অদু উৎখি।
প্রধান মন্ত্রী শ্রী নরেন্দ্র মোদীনা লমথাখিবা, ২০২৩গী জনুৱারী ১৩দা বরানাসিদগী হোল্লকখিবা হিস্তোরিক ক্রুইজ সেত অসি ভারতকী রাজ্য উত্তর প্রদেশ, বিহার, ঝার্খন্দ অমসুং ৱেস্ত বেঙ্গল লোয়ননা বঙ্গলাদেশ ফাওদুনা লাক্লগা মসিগী ৩৯শুবা ভোৱেজদা অসামগী ধুব্রিদা থুংলখি। মালেমদা খ্বাইদগী শাংবা রিভর ক্রুইজ ওইনা খংনরিবা গঙ্গা বিলাসনা বরানসিদগী বোগীবিল ফাওবগী খোংচৎ মপুং ফানবগীদমক মতম লেপ্লি।
****
(Release ID: 1902720)
Visitor Counter : 109