আয়ুশ মন্ত্রালয়না ফেব্রুৱারী ২৭-২৮, ২০২৩দা অসামগী কাজিরঙ্গা নেস্নেল পার্কতা আয়ুশকী “চিন্তন শিবির’ অমা পাঙথোক্লি। আয়ুশকী এম.ও.এস., দা. মুঞ্জপারা মহেন্দ্রভাইগা লোয়ননা আয়ুশকী কেন্দ্র মন্ত্রী শ্রী সর্বানন্দ সোনোৱালনা হৌদোকপগী সেন্সনদা শরুক য়াগনি। আয়ুশ মন্ত্রালয়দগী মমিং লৈরবা স্পীকর, এক্সপর্তশিং, ওফিসিএলশিং অমসুং অতোপ্পা দিগ্নিতরীশিংনা চিন্তন শিবির অসিদা শরুক য়াগনি। নুমিৎ নিনিগী দাইলোগ অসিনা আয়ুশ সেক্তরশিং অমসুং ত্রেদিস্নেল মেদিসিনশিংগা মরী লৈনবা হৌজিক লৈরিবা পোলিসীশিং অমসুং প্রোগ্রামশিং ইমপ্লিমেন্ত তৌবদা তুংলমচৎকীদমক ফগৎহনগদবশিংগী মতাংদা খন্ন-নৈনবা দিজাইন তৌখি। মসিনা মন্ত্রালয় অমসুং আয়ুশ সেক্তর অনিমক অসি অপুনবগী ওইনা মাংদা চংশিন্নবা লম্বী য়াৎনবা পান্দম থম্মি।

নুমিৎ নিনিগী দাইলোগ অসিদা আয়ুশ মন্ত্রালয়, হকশেল অমসুং য়াইফ-য়ুম্বাল মন্ত্রালয়, এজুকেসন মন্ত্রালয়, অসাম সরকার, নিতি আয়োগ, ইন্দস্ত্রী, স্তার্তঅপশিং, একাদেমিয়া অসিনচিংবদগী মমিং লৈরবা স্পীকরশিং অমসুং এক্সপর্তশিংগা লোয়ননা পেনেল দিস্কসনশিং পাঙথোক্কনি। অমসুং অতোপ্পা আয়ুশকী স্তেকহোল্দরশিংগা লোয়ননা ইন্তরেক্তিব সেসনশিং পাঙথোক্কনি।

ফেব্রুৱারী ২৭কী অহানবা সেসন অসি “দিজিতেল হেল্থ এন্দ তেক্নোলোজী ইন আয়ুশ” হায়বা অসিদা ওইগনি। চপ মান্নবা নুমিৎকী ২শুবা সেসন অসিদা ‘আয়ুশ রিসর্চ, ফ্যুচর স্ত্রেতেজী, চেলেঞ্জেস এন্দ ৱে ফোর্ৱার্দ’ হায়বা থিমদা দেলিবরেসনশিং পাঙথোক্কনি। ৩শুবা সেসন্দা মমিং লৈরবা স্পীকরশিংনা আয়ুশ এজুকেসনগী ‘ফ্যুচর ইনিসিএতিবস’, কেপাসিতী বিল্দিং, এপ্লোইমেন্ত জেনরেসন অমসুং এন.ই.পি.গী মতাংদা ৱা ঙাংগনি।

কনফরেন্স অসিগী নিনিশুবা নুমিৎ অসিদা হায়রিবা থিম অসিদা খন্ন-নৈনবশিং পাঙথোক্তুনা হৌগনি – করেন্ত চেলেঞ্জেস এন্দ ৱে ফোর্ৱার্দ ইন আয়ুশ দ্রগ ইন্দস্ত্রীজ, সর্ভিসেস এন্দ স্তেন্দরদাইজেসন ওফ আয়ুশ প্রদক্তস। সেসন অসি খ্বাইদগী মরু ওই মরমদি ভারতকী আয়ুশ মার্কেৎ অসি মালেমগী চাংদম্নবদা খোঙজেল য়াংনা খুমাং চাউশিল্লি অমসুং গ্লোবেল মার্কেৎকী চাদা ২.৮ ওইরি। মথংগী সেসন অসিনা আয়ুশ ইন পব্লিক হেল্থ, চেলেঞ্জেস এন্দ ৱে ফোর্ৱার্দ হায়বা অসিদা ওইগনি।

নুমিৎ নিনিগী দাইলোগ অসিনা আয়ুশতা স্তার্তঅপ ইকোসিস্তেমশিং শেমগৎনবা স্তার্তঅপশিং অমসুং মেন্যুফেকচর্রশিং ইন্সেন্তিবাইজ তৌনবা লম্বীশিং খঙদোক্নবা পান্দম থম্লি। মসিনা আয়ুশকী মপাঙ্গল কনবা রিসর্চ অমসুং দিবেলপমেন্ত ইনফ্রাস্ত্রকচর শেমগৎনবা মাইকৈদা থবক তৌবদা মীৎয়েং থমগনি। ‘চিন্তন শিবির’গী খন্ন-নৈনবশিং অসি অমৃতকালগী পরিংদা আয়ুশ মন্ত্রালয়গনা বিজন দোক্যুমেন্ত শেম্নবগী ৱাখল্লোন্দা পাঙথোকপনি। নুমিৎ নিনিগী থৌরম অসিদা অতোপ্পা সাইদ এক্তিবিতী কয়া, কলচরেল পর্ফোরমেন্স কয়া কাজিরঙ্গা নেস্নেল পার্ককী ফজরবা মফম অসিদা পাঙথোক্কনি। শরুক য়ারিবশিংনা অসামগী চৎনবী, নাৎ, লমলক্কী শা-উচেক অমসুং বাইওদাইভর্সিতীগী মতাংদা হকথেংননা লৌশিং ফংহৌগনি।

ভারতনা হৌজিক জি২০ লৈবাকশিংগী অমসুং এস.সি.ও. (সংঘাই কোর্পোরেসন ওর্গানাইজেসন)গী প্রসিদেন্সী পাইরি। ইন্তর্নেস্নেল ইভেন্ত অনি অসি আয়ুশ সিস্তেমশিংগী মাইকৈদা হেল্থ-সীকিং ত্রেন্দশিংদা অচৌবা অহোংবা অমা লাক্লিবা তনফমদা পাঙথোক্লি। মীওই কয়ানা হোলিস্তিক হেল্থকিয়র পাম্নরি। আয়ুশ সিস্তেমশিং মাংদা পুখৎনবা কাজিরঙ্গাদা ‘চিন্তন শিবির’দা আয়ুশ ইন্সতিত্যুসনশিং অপগ্রেদ তৌনবা অমসুং তেক্নোলোজীকেল এদভান্সমেন্তশিংগা লোয়ননা মখোয়গী ইন্তিগ্রেসন তৌনবা রোদ মেপ শেম্নবা অমসুং ন্যু এজুকেসন পোলিসীগা লোয়ননা আয়ুশ ইন্তিগ্রেৎ তৌনবা লম্বীশিং খঙদোক্নবা অমরোমদা আয়ুশকী কান্নবশিং লৌনবা ফগৎহনবা য়াবশিংগা লোয়ননা হৌজিক লৈরিবা সর্ভিসশিংসু মশক খঙদোক্নবা পাঙথোক্লি।

পব্লিক হেল্থ ফগৎহন্নবা, অতোপ্পা দেলিভরেবলশিংগা লোয়ননা তেক্নোলোজীগী এদভান্সমেন্ত য়ারিবা মখৈ শীজিন্নবা রোদ মেপনা “চিন্তন শিবির”গী নুমিৎ নিনিগী খন্ন-নৈনবা অসিদগী ফংবা য়াবা ফলশিংনি।

*********