প্রধানমন্ত্রীগী লোইশঙ
পি.এম.না “নহাশিংগী শক্তি শীজিন্নবা – স্কিলিং অমসুং এজুকেসন” হায়বা বজেৎ মতুংগী ৱেবিনারদা ৱা ঙাংখ্রে
“চহি অসিগী বজেৎনা এজুকেসন সিস্তেমবু হেন্না প্রেক্তিকেল অমসুং ইন্দস্ত্রী ওরিয়েন্তেদ ওইহন্দুনা মসিগী য়ুম্ফম অসিবু মপাঙ্গল কনখৎহনখি”
“ন্যু এজুকেস্নেল পোলিসীগী শরুক ওইনা এজুকেসন অমসুং স্কিলিং অনিমক্তা চপ মান্নবা মীৎয়েং চংলি”
“ভর্চুএল লেবশিং অমসুং নেস্নেল দিজিতেল লাইব্রেরীগুম্বা তুংলমচৎতা কান্নগদবা খোঙথাংশিংনা ঐখোয়গী এজুকেসন, স্কিলশিং অমসুং নোলেজ-সাইন্সকী অপুনবা স্পেস্তা অহোংবা পুরক্লগনি”
“কেন্দ্র সরকারনা মাগী নহারোলশিংদা ‘ক্লাসরুমগী মপান্দা এক্সপোজর ফংহন্নবা’ ইন্তর্নশিপশিং অমসুং এপ্রেন্তিসশিপশিং পীবদা মীৎয়েং চংলি”
“নেস্নেল এপ্রেন্তিসশিপ প্রমোসন স্কিমগী মখাদা নহারোল লাখ ৫০রোমদা স্তাইপেন্দ পীনবগী প্রোবিজন অমা থমখি”
“সরকারনা এ.আই., রোবোতিক্স, আই.ও.তি., অমসুং দ্রোনশিংগুম্বা ইন্দস্ত্রী ৪.০ সেক্তরশিংগীদমক স্কিল লৈবা ৱার্কফোর্স শেম্নবা মীৎয়েং চংখি”
Posted On:
25 FEB 2023 10:55AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ‘নহাশিংগী শক্তি শীজিন্নবা – স্কিলিং অমসুং এজুকেসন’ হায়বা বজেৎ মতুংগী ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী অহুমশুবনি।
থৌরম অদুদা ৱা ঙাংলদুনা প্রধান মন্ত্রীনা স্কিল অমসুং এজুকেসন অসি ভারতকী অমৃত কাল মনুংদা প্রিন্সিপল তুল অনি ওইরি অমসুং চাউখৎপা ভারত অমা হায়বা মঙলানগা লোয়ননা লৈবাক অসিগী অমৃত য়াত্রাবু লমজিংগদবা অসি নহারোলশিংনি। অমৃত কালগী অহানবা বজেৎ অসিদা নহারোল অমদি মখোয়গী তুংলমচৎকী মাইকৈদা অখন্নবা মীৎয়েং চংলিবা অসিগী মতাংদা পল্লদুনা প্রধান মন্ত্রীনা হায় মদুদি চহি অসিগী বজেৎনা এজুকেসন সিস্তেমবু হেন্না প্রেক্তিকেল অমসুং ইন্দস্ত্রী ওরিয়েন্তেদ ওইহন্দুনা মাগী য়ুম্ফম অসিবু মপাঙ্গল কনখৎহনখি। প্রধান মন্ত্রীনা চহি কয়া অসিদা এজুকেসন সিস্তেমদা ফ্লেক্সিবিলিতী ৱাৎলিবা অসিগী নুংঙাইতবা ফোঙদোকখি অমসুং মখোয়গী সরকারনা মসিদা অহোংবা পুরক্নবা খোঙথাংশিং লৌখৎলি হায়না ফোঙদোকখি। প্রধান মন্ত্রীনা হায়, “নহারোলশিংগী এপ্তিচুদ অমসুং তুংগী দিমান্দশিংগী মতুং ইন্না এজুকেসন অমসুং স্কিলিং অসি রিওরিয়েন্ত তৌখি”। মহাক্না মখা তারদুনা হায় ন্যু এজুকেসন পোলিসীগী শরুক ওইনা এজুকেসন অমসুং স্কিলিং অনিমক্তা চপ মান্নবা মীৎয়েং থম্লি অমসুং মসিগী খোঙথাং অসিদা ওজাশিংনা শৌগৎলকপদা নুংঙাইবা ফোঙদোকখি। প্রধান মন্ত্রীনা হায়খি খোঙথাং অসিনা সরকারনা এজুকেসন অমসুং স্কিলিং সেক্তরশিংদা রিফোর্মশিং পুরক্নবা পুক্নিং থৌগৎখি অমরোমদা মমাংদা লৈরম্বা কাংলোনশিংগী পোৎলুম অদু মহৈরোয়শিংদগী লৌথবীখি।
কোবিদ লাইচৎ মনুংগী এক্সপরিয়েন্সশিংগী মতাংদা পল্লদুনা প্রধান মন্ত্রীনা হায় অনৌবা তেক্নোলোজীনা ক্লাসরুমগী অনৌবা মখলশিং শেম্বদা মতেং পাংলি। মহাক্না হায় সরকারনা এনিৱেয়র এক্সেসু নোলেজ’ ফংহন্নবা তুলশিংদা মীৎয়েং থম্লি অমসুং মেম্বর করোর ৩ হেন্না লৈবা ই-লর্নিং প্লেৎফোর্ম, স্বায়াম অসি খুদম ওইনা পীখি। মহাক্না ভর্চুএল লেবশিং অমসুং নেস্নেল দিজিতেল লাইব্রেরীগী ওইথোকপশিং অসিনা লৌশিংগী অচৌবা মেদিয়ম অমা ওইরক্লি। মহাক্না দি.তি.ঐচ. চেনেলশিংগী খুত্থাংদা লোকেল লোলশিংদা মহৈ-তম্নবগী খুদোংচাবা লৈরিবা অসিগী মতাংদা পল্লদুনা হায় মদুদি লৈবাক অসিদা অসিগুম্বা দিজিতেল অমসুং তেক্নোলোজী-বেজ ইনিসিএতিবশিং পাইখৎলি মসিনা নেস্নেল দিজিতেল য়ুনিভর্সিতীদগী হেন্না শক্তি ফংগনি। “অসিগুম্বা তুংলমচৎকী ওইবা খোঙথাংশিংনা ঐখোয়গী এজুকেসন, স্কিল অমসুং নোলেজ-সাইন্সকী অপুনবা স্পেস্তা অহোংবা পুরক্লি”, প্রধান মন্ত্রীনা হায়, “হৌজিক ওজাশিংগী থৌদাং অসি ক্লাসরুমশিংদা খক্তা লোইররোই”। মহাক্না হায় মদুদি লৈবাক শিনবা থুংবদগী ঐখোয়গী এজুকেস্নেল ইন্সতিত্যুসনশিংগীদমক তীচিং মেতরিএল মখল কয়া ফংলগনি মসিনা খুঙ্গং অমদি সহরগী স্কুলশিংগী মরক্তা লৈরিবা অহোবা অসি মেনখৎপগা লোয়ননা ওজাশিংগীদমক খুদোংচাবশিংগী অনৌবা থোংশিং হাংলগনি।
‘ওন-দি-জোব লর্নিং’গী মতাংদা পল্লদুনা প্রধান মন্ত্রীনা হায় লৈবাক কয়ানা অখন্নবা মীৎয়েং থম্লি অমসুং কেন্দ্র সরকারনা মাগী নহারোলশিংদা ‘আউৎসাইদ দি ক্লাসরুম এক্সপোজর’ পীনবা ইন্তর্নশিপশিং অমসুং এপ্রেন্তিসশিপশিংদা মীৎয়েং থম্নবগী খোঙথাংশিং লৌখৎলি। প্রধান মন্ত্রীনা হায়, “হৌজিক ফাওবদা ইন্তর্নশিপ লাখ ২৫গী মথৌ তাবা অদু থবক হাপতুনা নেস্নেল ইন্তর্নশিপ পোর্তেলদা কর্মচারি লিশিং ৭৫ লৈ”। মহাক্না ইন্দস্ত্রী অমসুং এজুকেস্নেল ইন্সতিত্যুসনশিংদা পোর্তেল অসি য়ারিবা মখৈ শীজিন্ননবা অমসুং লৈবাক অসিদা ইন্তর্নশিপকী কলচর হেনগৎহন্নবা হায়খি।
প্রধান মন্ত্রীনা এপ্রেন্তিসশিপনা ঐখোয়গী নহারোলশিংবু ফ্যুচর-রেদী ওইহনগনি হায়বগী থাজবা ফোঙদোকখি অমসুং ভারত্তা এপ্রেন্তিসশিপ প্রমোৎ তৌনবগী সরকারগী খোঙথাংশিং ফোঙদোকখি। মহাক্না হায় মদুদি মসিনা ইন্দস্ত্রীশিংনা মতিক চাবা স্কিল লৈবা ৱার্কফোর্স খঙদোকপদা মতেং পাংলগনি। চহি অসিগী বজেৎকী মতাংদা পল্লদুনা প্রধান মন্ত্রীনা হায় নেস্নেল এপ্রেন্তিসশিপ প্রমোসন স্কিমগী মখাদা নহা লাখ ৫০গীদমক স্তাইপেন্দগী প্রোবিজন অমা শেমদুনা ফংহনখি। মহাক্না হায় মসিনা এপ্রেন্তিসশিপকী এনভাইর্নমেন্ত অমা শেমগৎলি অমসুং ইন্দস্ত্রীবু পেমেন্তশিং তৌবদা মতেং পাংলি।
স্কিল লৈবা ৱার্কফোর্স অমা মথৌ তাই হায়রদুনা প্রধান মন্ত্রীনা হায় মালেম্না ভারতপু মেন্যুফেকচরিং হব অমা ওইনা য়েংনরি অমসুং লৈবাক অসিদা ইনভেস্ত তৌবদা মালেম্না থৱায় য়াওরি। মহাক্না লাক্কদৌরিবা চহিশিংদা নহারোল লাখ কয়া স্কিল, রিস্কিল অমসুং অপস্কিল তৌগদবা প্রধান মন্ত্রী কৌশাল বিকাস য়োজনা ৪.০গী মতাংদা পল্লদনা চহি অসিগী বজেৎনা স্কিলিংদা মীৎয়েং থমখি হায়খি। মহাক্না হায় মদুদি ত্রাইবেলশিং, হকচাংগী ফীভম মীমান্নদ্রবশিং অমসুং নুপীশিংগী মথৌ তাবশিংগী মতুং ইন্না স্কিম অসিগীদমক তেলর-মেদ প্রোগ্রাম শেম্লি। মহাক্না এ.আই., রোবোতিক্স, আই.ও.তি. অমসুং দ্রোনশিংগুম্বা ইন্দস্ত্রী ৪.০ সেক্তরশিংগীদমক স্কিল লৈবা ৱার্কফোর্স অমা শেম্বদা মীৎয়েং থম্লি, মসিনা ইন্তর্নেস্নেল ইনভেস্তরশিংনা রি-স্কিলিংদা ইনর্জী অমসুং রিসোর্সশিং মাংহন্দনা তেলেন্ত থীবা য়াহল্লি। প্রধান মন্ত্রীনা ত্রেদিস্নেল আর্তিসেনশিং, হেন্দিক্রাফমেন অমসুং আর্তিস্তপু অনৌবা মার্কেৎকীদমক মখোয় মশাবা শেম-শাজনবা অমসুং মখোয়গী পোত্থোকশিংগীদমক অফবা মমলশিং ফংহনবদা মতেং পাংনবা মখোয়গী স্কিল দিবেলপমেন্তদা মীৎয়েং চংলিবা পি.এম. বিশ্বাকর্ম কৌশাল সম্মান য়োজনাগী মতাংদা ফোঙদোকখি।
প্রধান মন্ত্রীনা ভারতকী এজুকেসন সেক্তরদা খোঙজেল য়াংনা অহোংবশিং পুরক্নবা একাদেমিয়া অমসুং ইন্দস্ত্রীগী থৌদাং অমসুং পার্তনরশিপকী মরু ওইবগ মতাংদা ফোঙদোকখি। মহাক্না হায় মদুদি মার্কেৎকী মথৌ তাবশিংগী মতুং ইন্না রিসর্চ ওইথোকহনগনি অমসুং রিসর্চ ইন্দস্ত্রীদগী ফন্দিং মরাং কাইনা লাক্নবা লম্বীসু শেম্লি। চহি অসিগী বজেৎকী মতাংদা পল্লদুনা প্রধান মন্ত্রীনা হায় এ.আই.গী সেন্তর ওফ এক্সিলেন্স ২ থমখি অমসুং মসিনা ইন্দস্ত্রী-একাদেমিয়া পার্তনরশিপ মপাঙ্গল কনখৎহনগনি। মহাক্না হায় আই.সি.এম.আর. লেবশিং অসি হৌজিক মেদিকেল কোলেজশিং অমসুং প্রাইবেৎ সেক্তর আর এন্দ দি তীমশিংদা ফংহল্লগনি। প্রধান মন্ত্রীনা প্রাইবেৎ সেক্তরদা লৈবাক অসিগী আর এন্দ দি ইকোসিস্তেম মপাঙ্ল কনখৎহনগদবা অসিগুম্বা খোঙথাং খুদিংমক্কী কান্নবা লৌহৌনবা হায়খ্রে।
সরকারগী ‘হোল ওফ গভর্নমেন্ত’ এপ্রোচকী মতাংদা মীৎয়েং থম্লদুনা প্রধান মন্ত্রীনা হায় এজুকেসন অমসুং স্কিলিং অসি মরী লৈনবা মন্ত্রালয় নত্ত্রগা দিপার্তমেন্ত খক্তগী নত্তে অদুবু মখোয়গী ওইথোকপা য়াবশিং অসি সেক্তর খুদিংমক্তা লৈ। প্রধান মন্ত্রীনা স্কিলিং অমসুং এজুকেসনগা মরী লৈনবা স্তেলহোল্দরশিংদা তোঙাআন-তোঙানবা সেক্তরশিংদা থোরক্লিবা খুদোংচাবশিং অসি নৈন্নবা অমসুং মথৌ তাবা ৱার্কফোর্স শেমগৎপদা মতেং পাংনবা হায়খ্রে। ভারতকী খোঙজেল য়াংনা চাউথোরক্লিবা সিভিল এভিএসন সেক্তর অসি খুদম ওইনা পীরদুনা প্রধান মন্ত্রীনা হায় মদুদি মসিনা ভারতকী ত্রেবেল অমসুং তুরিজম ইন্দস্ত্রী খুমাং চাউশিল্লিবা অসি উৎলি অমরোমদা থবক্কী অচৌবা সোর্সশিংগী থোং হাংলি। প্রধান মন্ত্রীনা ‘স্কিল ইন্দিয়া মিসন’গী মখাদা ত্রেন তৌখিবা নহারোলশিংগী অপদেৎ তৌরবা দেতাবেস অমা শেম্নবগী অপাম্বা ফোঙদোকখি। ৱারোল পীবা লোইশিনবদা প্রধান মন্ত্রীনা হায় মদুদি ভারতকী ত্রেন তৌরবা ৱার্কফোর্স অসি দিজিতেল তেক্নোলোজী অমসুং এ.আই. লাক্লবা মতুংদা নাথৈবা তৌরোইদবনি অমসুং ইন্দস্ত্রী এক্সপর্তশিংদা মাইকৈ অসিদা থবক তৌনবা হায়খ্রে।
***
(Release ID: 1902248)
Visitor Counter : 172
Read this release in:
Marathi
,
Bengali
,
Odia
,
Tamil
,
Kannada
,
English
,
Urdu
,
Hindi
,
Assamese
,
Punjabi
,
Gujarati
,
Telugu
,
Malayalam