ময়ামবু বজেৎকা মরী লৈনবা মরু ওইবা ৱেবিনার অসিদা তরাম্না ওকচরি। হৌখিবা চহি ৮-৯গুম্না হন্দকসু বজেৎ অসিনা লৌউ-শিংউদা চাউনা  মীৎয়েং চংলি। হৌখিবা চহি খরা অসিদা করিগুম্বা অদোম্না বজেৎ পুথোকখিবগী মথংগী নুমিৎতা পাউচেদা য়েংলুবা তারবদি বজেৎ খুদিংমক ‘গাও, গরীব ওর কিসান ৱালা বজেৎ’  হায়বা শোইদনা থেংনগনি। ২০১৪দা লুপা করোর লিশিং ২৫দগী তানা লৈরম্বা এগ্রিকলচরেল বজেৎ অসি ঙসিদি লুপা করোর লাখ ১ লিশিং ২৫দগী হেন্না হেনগৎহনখি।

মরুপশিং,

ভারতকী এগ্রিকলচরেল সেক্তর অসি নীংতম্বা মতুং ফাওবা মতম শাংনা অৱাৎপনা থন্দুনা লৈরমখি। অদুবু ঐখোয়গী লৌমীশিংনা ঐখোয়বু আত্মনির্ভর ওইহনবা খক্তা নত্তনা মখোয়না মরম ওইদুনা ঙসি ঐখোয়না এক্সপোর্ত তৌবা ঙম্লে। ঙসো ভারতনা লৌউ-শিংউগী পোত্থোক মখল কয়া এক্সপোর্ত তৌরি। ঐখোয়না লৌমীশিংদা দোমেস্তিক অমসুং ইন্তর্নেস্নেল মার্কেৎশিং এক্সেসিবল ওইহন্নবা খোঙথাংশিং লৌখৎখি। মরোমদোম লেপচবা নত্ত্রগা এক্সপোর্তকী মতাংদা লাকপা মতমদা ভারতকী পান্দম অসি চেং নত্ত্রগা গেহু খক্তদা লোইশিল্লোইদবনি। খুদম ওইনা, হৱাই ইম্পোর্ত তৌনবগীদমক ২০২১-২২দা লুপা করোর ১৭,০০০, ভেল্যু এদেদ ফুদ প্রদক্তশিংগীদমক লুপা করোর ২৫,০০০ অমসুং ২০২১-২২দা চানবা থাও ইম্পোর্ত তৌবদা লুপা করোর লাখ ১.৫ চাদিং তৌখি। এগ্রিকলচরেল ইম্পোর্তশিংগী অপুনবা শেনফম অসি লুপা করোর লাখ ২ ওইখি, য়াম্লবা শেনফম অসি মপান লৈবাকশিংদা চৎলি। শেনফম অসি ঐখোয়গী লৌমীশিংদা য়ৌরগনি করিগুম্বা লৌউ-শিংউগী পোত্থোক্তা জাতি অসিনা ‘আত্মনির্ভর’ ওইবা ঙম্লবদি। ঐখোয়না এম.এস.পি.দা হেনগৎহনখি, হৱাই পুথোকপা থৌগৎখি, ফুদ প্রোসেসিং পার্কশিংগী মশিং হেনগৎহনখি। মসিগা লোয়ননা চানবা থাওশিংদা মপুং ফানা মীপাল তাংদনবা মিসন মোদতা থবক তৌরি।

মরুপশিং,

এগ্রিকলচরেল সেক্তরগা মরী লৈনবা শীংনবশিং অসি কোকহন্দ্রিবা ফাওবা মপুং ফানা চাউখৎপগী পান্দম অসি ফংবা ঙম্লোই। ঙসি ভারত্তা সেক্তর কয়া খোঙজেল য়াংনা চাউখৎলি অমসুং ঐখোয়গী শক্তিনা থল্লবা নহারোলশিংনা মসিদা থৱায় য়াওনা শরুক য়ারি। অদুবু লৌউ-শিংউগী হীরমদদি মখোয়না শরুক য়াবা হন্থৈ অমরোমদা মখোয়না মসিগী মরু ওইবা অমসুং ওইথোকপা য়াবশিংগী মরমদা খঙই। প্রাইবেৎ ইন্নোভেসন অমসুং ইনভেস্তমেন্তনা সেক্তর অসিগী লাপথোক্না লৈ। অহোবা অসি মেনখৎনবা চহি অসিগী বজেৎতা কয়া অমা লাউথোকখি। খুদম ওইনা ঐখোয়না এগ্রিকলচরেল সেক্তরদা ওপন সোর্স বেজ প্লেৎফোর্মশিং প্রমোৎ তৌরি। ঐখোয়না দিজিতেল পব্লিক ইনফ্রাস্ত্রকচর অসি ওপন সোর্স প্লেৎফোর্ম ওইনা মাংদা পুখৎখি। মসি ঙসি দিজিতেল ত্রাঞ্জেক্সনশিং তৌরিবা য়ু.পি.আই.গী ওপন প্লেৎফোর্মগা চপ মান্নৈ। ঙসি দিজিতেল ত্রাঞ্জেক্সনশিংদা অওনবা লাক্লি, চপ মান্নবা মওংদা এগ্রি-তেক দোমেনশিংদা ইনভেস্তমেন্ত অমসুং ইন্নোভেসনগী ওইথোকপা য়াবা চাউনা লৈ। লোজিস্তিক্স ফগৎহনবা, অচৌবা মার্কেৎশিং এক্সেসিবল ওইহনবা, তেক্নোলোজীগী খুত্থাংদা দ্রিপ ইরিগেসন থৌগৎপা, মেদিকেল লেবশিংগা লোয়ননা সোইল তেস্তিং লেবশিং ইন্সতোল তৌবা অসিগুম্বা খুদোংচাবশিং লৈ। নহারোলশিংদা মতম চানা অফবা পাউতাক পীনবা মাইকৈদা নহারোলদা থবক তৌনবা অমরোমদা সরকার অমদি লৌমীশিংগী মরক্তা মখোয়গী ইন্নোভেসনশিংগী ইনফোর্মেসনগী ব্রিজ শেম্নবা অমসুং পোলিসী মেকিংদা মতেং পাংবসু য়াই। মখোয়না করম্বা মহৈ-মরোংনা শেন্দোং হেন্না লাকহনগনি, ক্রোপ এপ্রোক্সিমেসনগীদমক দ্রোনশিং শীজিন্নবা লোয়ননা অইং-অশাদা অহোংবশিং লাকপগী মতাংদা রিএল-তাইম ইনফোর্মেসন পীবগী মতাংদা মতেং পাংবা য়াই। অসুম্না থৱায় য়াওনা শরুক য়াবনা মখোয়না লৌমীশিংদা মতেং পাংগনি লোয়ননা মাংদা চংশিন্নবা খুদোংচাবসু ফংগনি।

মরুপশিং,

হন্দক্কী বজেৎতা মরু ওইবা ৱাফম অমগা লাউথোকখি। এগ্রি-তেক স্তার্ত-অপশিংগীদমক ফন্দশিংগী এসেলরেতর হৌদোকখি। অদুনা ঐখোয়না দিজিতেল ইনফ্রাস্ত্রকচর শেমগৎপা খক্তা নত্তনা নখোয়গীদমক ফন্দিং এভেন্যুশিং শেম্লি। নহারোল অমসুং নহা ওইরিবা ওন্তপ্রিনোরশিংদা মখোয়গী পান্দমশিং ফংনবা মাংদা চংশিন্নবা তাই। ভারত অসি চহি ৯গী মমাংদা এগ্রি-স্তার্তঅপ অমত্তা লৈরমদবা অদুগা চাংদম্নবদা ঙসি ৩০০০ হেন্না লৈরে। ঐখোয়না হৌজিকসু হেন্না খোঙজেল য়াংনা চংশিনবা তাই।

মরুপশিং,

ময়াম্না খঙনরে মদুদি ভারতকী থৌশিলদগী চহি অসি ইন্তর্নেস্নেল ইয়র ওফ মিল্লেৎস হায়না লাউথোকখি। মাগী ইন্তর্নেস্নেল আইদেন্তিতী অসিনা ভারতকী লৌমীশিংগীদমক গ্লোবেল মার্কেৎ অমগী গেৎৱে অমা হাংলি। লৈবাক অসিনা কোর্স গ্রেনশিংবু হৌজিক শ্রী অন্ন হায়না বজেৎ অসিদা শকখঙখ্রে। শ্রী অন্ন অসি ঐখোয়গী অপীকপা লৌমীশিংদা কান্নবা পীনবা লোয়ননা সেক্তর অসিগী স্তার্তঅপকী গ্রোথ লৈহনবা হেনগৎহন্নবা প্রমোৎ তৌরি মসিনা লৌমীশিংনা গ্লোবেল মার্কেৎশিং লায়না এক্সেস তৌবা ফংলগনি।

মরুপশিং,

ভারতকী কোওপরেতিব সেক্তরদা অনৌবা রিভোল্যুসন অমা লাক্লি। মসি হৌজিক ফাওবদা মসি রাজ্য খরা অমসুং লৈবাক অসিগী রিজন খরা খক্তগী ওইরমখি অদুবু হৌজিক্তি মসি লৈবাক শিনবা থুংবদা পাকথোক চাউথোকহল্লি। চহি অসিগী বজেৎতা কোওপরেতিব সেক্তরদা তেক্সকা মরী লৈনবা পোৎলুমশিং কোকপীখি মসিনা মেন্যুফেকচরিংদা থবক তৌরিবা অনৌবা কোওপরেতিব সোসাইতীশিংদা কান্নবা পীরগনি। মহাক্না মখা তারদুনা হায় তি.দি.এস. অসি কোওপরেতিব সোসাইতীশিংনা লুপা করোর ৩ ফাওবগী শেল লৌথৌকপদা লৌররোই। অতোপ্পা কম্পনীশিংগা চাংদম্নবদা মতম চুপ্পদা কোওপরেতিব সেক্তর অসি হন্থহনা য়েংবী হায়বগী ৱাখল্লোন অমা পোক্নরমখি। অদুবু চহি অসিগী বজেৎনা মসিগী ৱাখল্লোন অসি কোকহনখি। ২০১৬-১৭কী মমাংদা সুগর কোওপরেতিবনা তৌখিবা পেমেন্তদা তেক্স এক্সেম্পসন পীখিবগী মরু ওইবা ৱারেপকী মতাংদা ফোঙদোকখি অমসুং হায় মদুদি মসিনা সুগর কোওপরেতিবতা লুপা করোর ১০,০০০গী কান্নবা পীরগনি।

মরুপশিং,

কোওপরেতিবশিং লৈরমদবা দাইরী অমসুং ফিশরীজগুম্বা সেক্তরশিংনা ঙসিদি লৌমীশিংদা চাউনা কান্নবা পীরগনি। ফিশরীজতা ঐখোয়গী লৌমীশিংগীদমক লৈরিবা অচৌবা খুদোংচাবশিং লৈ। লৈবাক অসিদা ঙা পুথোকপগী চাং অসি হৌখিবা চহি ৮-৯দা মেত্রিক তন লাখ ৭০দা হেনগৎলকখি। ২০১৪গী মমাংদা মসি হেনগৎনবা হোৎনবদা চহি ৩০ চংলমখি। বজেৎ অসিদা লুপা করোর ৬০০০কী শেনফম ওইবা পি.এম. মতস্যা সম্পাদা য়োজনাগী মখাদা লাউথোকখিবা অনৌবা সব-কম্পোনেন্ত অসিনা ফিশরীজ ভেল্যু চেন লোয়ননা মার্কেৎতা শাহৌ অমা পীরগনি। মসিনা ঙামী অমদি অপীকপা ওন্তপ্রিনোরশিংগীদমক অনৌবা খুদোংচাবশিং পীরগনি।

মরুপশিং,

মহৌশাগী লৌউ-পথাপ য়োকখৎনবা অমসুং কেমিকেল-বেজ ফার্মিং হন্থহন্নবা মাইকৈদা সরকারনা থবক তৌরি। পি.এম. প্রনাম য়োজনা অমসুং গোবরধন য়োজনানা মাইকৈ অসিদা চাউনা মতেং পাংলগনি। ঐহাক্না থাজৈ ঐখোয়না তীম অমা ওইনা সবজেক্তশিং অসি মাংদা পুখৎকনি। ঐহাক্না ঙসিগী ৱেবিনার অসি মাইপাক্নবগীদমক য়াইফ-মঙ্গোল পীজরি। স্তেকহোল্দরশিংগা পুন্না বজেৎ অসিদগী করম্না চাউনা কান্নবা লৌদুনা মীওই কয়াদা য়ৌহনগনি হায়বা খন্নগনি হায়না ঐহাক্না থাজৈ। বজেৎ অসিদা য়াওখিবা প্রোবিজন অমসুং নখোয়গী শক্তি অমসুং নখোয়গী ফিরেপনা মগুন হাপকনি। ঐহাক্না থাজৈ নখোয়না এগ্রিকলচর সেক্তর, ফিশরীজ ইন্দস্ত্রীবু অৱাংবা থাক্তা শোইদনা পুখৎকনি। চহি অমগী মপুং ফাবা রোদমেপ অমা ৱেবিনার অসিনা মাইপাক্না শেমহনগনি হঅয়না ঐহাক্না থাজৈ। হন্না-হন্না থাগৎচরি।

***