পাৱর মন্ত্রালয়না ঙসি গ্রীন গ্রোথকী অহানবা বজেৎ মতুংগী ৱেবিনার লমজিংখ্রে অমসুং কেন্দ্রগী বজেৎ ২০২৩-২৪দা লাউথোকখিবা ১২দা পেরেলেল সেসন তরুক্কী মতাংদা খন্ন-নৈনখ্রে। খন্ন-নৈনবা অসিদা ইন্দস্ত্রী, একাদেমিয়া, পি.এস.য়ু.শিং, রাজ্য সরকারশিং অমসুং সেক্তর এক্সপর্তশিংদগী পার্তিসিপেন্ত ১১০০ হেনবনা শরুক য়াখি, মসিনা বজেৎ ইনিসিএতিবশিং ইমপ্লিমেন্ত তৌনবগীদমক অকক্নবা মতমগী ওইবা এক্সন প্লান অমা ফাইনেলাইজেসন তৌনবগীদমক ইনপুৎশিং লৌনবা পান্দম থম্মি।

অমরোমদা গ্রীন গ্রোথকী অহানবা ব্রেক-আউৎ সেসন অসি পাৱর সেক্রেতরী, শ্রী অলোক কুমারনা লমজিংখি অমসুং গ্রীন গ্রোথকী এম.এন.আর.ই.গী সেক্রেতরী, শ্রী বি.এস. ভাল্লানা কো-লেদ তৌখি, হায়রিবা অসিনা আর.ই. ইভাক্যুএসনগীদমক ইনর্জী স্তোরেজ অমসুং ইন্তর-স্তেৎ ত্রান্সমিসন সিস্তেমদা, গ্রীন হাইদ্রোজজেন মিসন অমসুং ইনর্জী ত্রাঞ্জিসনগী কেপিতেল ইনভেস্তমেন্তদা মীৎয়েং থমখি। ২শুবা ব্রেক-আউৎ সেসন অসি পেত্রোলিয়ম অমসুং নেচরেল গ্যাস মন্ত্রালয়গী সেক্রেতরী শ্রী পঙ্কজ জেন্না লমজিংখি, গোবরধন (গেলভেনাইজিং ওর্গানিক বাইও-এগ্রি রিসোর্সেস ধন স্কিম)গী মতাংদা খন্নখি। ৩শুবা ব্রেক-আউৎ সেসন অসি এনভাইর্নমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়গী সেক্রেতরী শ্রীমতি লীনা নন্দননা লমজিংখি, গ্রীন ক্রেদিৎ প্রোগ্রাম, মিস্তি অমসুং অমৃত ধারোহর ইনিসিএতিবশিংগী মতাংদা স্তেকহোল্দরশিংগা লোয়ননা খন্নখি। ৪শুবা সেসন অসি নিতি আয়োগকী মেম্বর প্রোফেসর রামেশ চান্দনা লমজিংখি অমসুং পি.এম.-প্রানাম অমসুং ভারতিয়া প্রক্রিতিক খেতি বাইও-ইনপুৎ রিসোর্স সেন্তরশিংগী মতাংদা খন্নখি। পোর্তস, শিপ্পিং অমসুং ৱাতরৱেজকী সেক্রেতরী শ্রী সুধন্স পেন্তনা কোস্তেল শিপ্পিংগী মতাংদা পাঙথোকপা ৫শুবা ব্রেক-আউৎ সেসন লমজিংখি অমসুং রোদ ত্রান্সপোর্ত অমসুং হায়ৱেজ মন্ত্রালয়গী শ্রীমতি অলকা উপাধ্যায়ানা স্তেকহোল্দরশিংগা লোয়ননা ভেহিকল রিপ্লেসমেন্ত প্রোগ্রামগী মতাংদা লৈরিবা সমস্যাশিং অমসুং তাইম-লাইনশিং খন্নখি।

পার্তিসিপেন্তশিংদা ৱা ঙাংলদুনা প্রধান মন্ত্রীনা ইন্দস্ত্রীশিংদা সেক্তর অসিদা ইনভেস্ত তৌনবা হায়খি অমসুং গ্রীন ইনর্জী অমসুং গ্রীন জোবশিং পীবদা মালেমবু লমজিংনবা ভারত্তা অচৌবা মতিক-ময়াই লৈ হায়খি। প্রধান মন্ত্রীনা হায়, “বজেৎ অসিদা ভারতপু গ্লোবেল গ্রীন ইনর্জী মার্কেৎতা ভারতপু মাংজিল থারিবা প্লেয়র অমা ওইহনবদা মরু ওইবা থৌদাং লৌগনি। মরম অসিনা ঙসি ঐহাক্না ইনর্জীগী লমদা লৈরিবা স্তেলহোল্দর খুদিংমক্না ভারত্তা ইনভেস্ত তৌনবা হায়জরি”। বজেৎতা থমখিবা তোঙান-তোঙানবা তার্গেৎশিং ফংগনি হায়না থাজবা থম্লদুনা প্রধান মন্ত্রীনা হায় ভারতনা থাখিবা মতমদগী চহি ৯গী মমাংদা ইনস্তোল তৌখিবা ইলেক্ত্রিসিতী কেপাসিতীদা নন-ফোসিএল ফ্যুলদগী শরুক ৪০% তম্নবা পান্দম ফংবা ঙমখি। মহাক্না হায় ভারতনা থাখিবা মতমদগী থা ৫ ঙনখৎনা পেত্রোলদা ইথানোল ব্লেন্দিং ১০% তৌবগী তার্গেৎ য়ৌবা ঙমখি অমসুং জাতি অসিনা ২০৩০গী মহুৎ ২০২৫-২৬তা ওইনা পেত্রোলদা ইথানোল ব্লেন্দিং ২০% তৌনবা হোৎনরি।

গ্রীন গ্রোথকী ব্রেক-আউৎ সেসনদা ৱা ঙাংলদুনা পাৱর অমসুং এম.এন.আর.ই. মন্ত্রী,  শ্রী আর.কে. সিংহনা হায়খি পাৱর সেক্তরনা লৈবাক অসিগী ইনভেস্তমেন্ত অমসুং গ্রোথকী অচৌবা কন্ত্রিব্যুতর অমা ওইরগনি। মন্ত্রীনা হায়, “লৈবাক অসিনা হৌজিক অমদি ২০৩০ ফাওবগী মনুংদা রিন্যুএবল ইনর্জী কেপাসিতী জি.দবল্যু. ৩২৫ হাপচিনগনি। আর.ই. কেপাসিতী লিংখৎপদা শেল খ্বাইদগী চাংদে; অমসুং গ্রীন হাইদ্রোজেনগী শেনফম অসিনা মালেমগী খ্বাইদগী কম্পিতিতিব ওইগনি। লৈবাক অসিনা ২০৩০ ফাওবদা ইলেক্ত্রোলাইজর কেপাসিতীগী য়ামদ্রবদা জি.দবল্যু. ৮০ মথৌ তাগনি। ভারতনা ইনর্জীগী নেৎ ইম্পোর্তরদগী ইনর্জীগী নেৎ এক্সপোর্তর ওইনবা হোৎনরি”। লৈবাক অসিনা ৭%গী চাংদা খুমাং চাউশিল্লি অমসুং পাৱর দিমান্দ অসি ১০% হেনগৎলক্লি হায়না ফোঙদোক্লদুনা পাৱর মন্ত্রীনা হায় ইকনোমীগী হেনগৎলক্লিবা মথৌ তাবশিং অসি থুংহন্নবা জেনরেসন, ত্রান্সমিসন অমসুং দিস্ত্রিব্যুসন্দা কেপাসিতী মতাং কাইনা থমখি। শ্রী সিংহনা হায়খি ২০৩০ ফাওবদা গ্রীন হাইদ্রোজেনগীদমক এম.এম.তি. ৫গী কঞ্জর্বেতিব এস্তিমেৎ অমা থমলবসু লৈবাক অসিনা তার্গেৎ অসিদগী হেনগৎহন্নবা হোৎনরি। নুমিৎ চুপ্পা পাঙথোকখিবা খন্ন-নৈনবা অদু লোইশিনবদা পাৱর মন্ত্রীনা হায়খি মদুদি স্তেকহোল্দরশিংদগী পাউতাক মশিং য়াম্না লাকপগা লোয়ননা য়াম্না কান্নরবা এক্সর্সাইজ অমা ওইখি। মহাক্না হায় মরী লৈনবা মন্ত্রালয়শিংনা পাউতাকশিং অসিদা থবক তৌদুনা অকক্নবা মতমগী মনুংদা এক্সন প্লান অমা শেম্বা ঙম্লগনি।

গ্রীন গ্রোথ এজেন্দাগী শরুক ওইনা কেন্দ্রগী বজেৎনা তোঙান-তোঙানবা মন্ত্রালয় ১৩ মদুদি গ্রীন হাইদ্রোজেন মিসন, ইনর্জী ত্রাঞ্জিসন, ইনর্জী স্তোরেজ প্রোজেক্তশিং, রিন্যুএবল ইনর্জী ইভাক্যুএসন, গ্রীন ক্রেদিৎ প্রোগ্রাম, পি.এম.-প্রনাম, গোবরধন স্কিম, ভারতিয়া প্রক্রিতিক খেতি বাইও-ইনপুৎ রিসোর্স সেন্তরশিং, মিস্তি, অমৃত ধারোহর, কোস্তেল শিপ্পিং অমসুং ভেহিকল রিপ্লেসমেন্ত হায়রিবা প্রোজেক্ত অমসুং ইনিসিএতিব কয়ামরুমদা মীৎয়েং থমখি।

‘সাপতার্শি’দা মরু ওইবা মীৎয়েং চংগদৌরিবা তোঙান-তোঙানবা মন্ত্রালয়শিংগী ৱেবিনারশিং অসি ফেব্রুৱারী ২৩ অমসুং মার্চ ১১গী মনুংদা পাঙথোক্কনি।

*****