انٹرنیشنل یونین آف ریلوے کا 18واں عالمی سلامتی اجلاس آج جے پور، ہندوستان میں شروع ہوا۔ 3 روزہ کانفرنس کا اہتمام انٹرنیشنل یونین آف ریلوے (یو آئی سی)، پیرس اور ریلوے پروٹیکشن فورس (آر پی ایف) نے مشترکہ طور پر کیا ہے۔ کارروائی کا آغاز ہندستان کی ریلوے پروٹیکشن فورس کے ڈائریکٹر جنرل جناب سنجے چندر کے استقبالیہ خطبےسے ہوا جو یو آئی سی کے سیکورٹی پلیٹ فارم کے چیئرمین بھی ہیں۔ خطبہ استقبالیہ کے دوران انہوں نے اجلاس کی اہمیت اور موضوع کی مطابقت کا تذکرہ کیا- ریلوے سیکورٹی اسٹریٹیجی: ردعمل اور مستقبل کے لیے ویژن موضوع تھا۔ ورلڈ سیکیورٹی کانگریس ایک عالمی سطح پر تسلیم شدہ سیکیورٹی پلیٹ فارم ہے جو موجودہ سیکورٹی چیلنجوں پر تبادلہ خیال کرنے اور ریلوے سیکٹر میں جدید حل پر غور کرنے کے لئے رکن ریلوے تنظیموں کے نمائندوں، یو آئی سی کے مندوبین، پالیسی سازوں، ریاستی پولیس اور ریلوے پروٹیکشن فورس کے سینئر قانون نافذ کرنے والے اہلکاروں کو اکٹھا کرتا ہے۔

ریلوے کے وزیر جناب اشونی ویشنو نے حاضرین کے نام اپنے ویڈیو پیغام میں دنیا کی سب سے بڑی جمہوریت اور دنیا کے سب سے بڑے ریلوے نیٹ ورکس میں سے ایک کی سرزمین پر ان کا خیرمقدم کیا۔ انہوں نے کہا کہ یہ تقریب ہمارے لیے یہ ظاہر کرنے کا ایک بہترین موقع ہے کہ ہم مستقبل کے لیے ایک محفوظ اور زیادہ محفوظ ریلوے سیکٹر بنانے کے لیے کس طرح مل کر کام کر سکتے ہیں۔

ریلوے بورڈ کے سی ای او اور چیئرمین جناب اے کے لاہوتی نے اپنے غیر روایتی خطاب میں کہا کہ مال برداری، مسافروں اور ہندوستانی ریلوے کے اثاثوں کی حفاظت کا فرض ریلوے پروٹیکشن فورس نے غیر معمولی طور پر ادا کیا ہے جس کی میراث ہندوستانی ریلوے کی طرح پرانی ہے۔ انہوں نے اس بات پر روشنی ڈالی کہ یو آئی سی کا عالمی سلامتی اجلاس خیالات اور بہترین طریقوں کے تبادلے اور نئی شراکتیں قائم کرنے کے لیے کس طرح ایک انمول پلیٹ فارم فراہم کرتا ہے۔

یو آئی سی کے ڈائریکٹر جنرل مسٹر فریکوئیس ڈیوین نے اس بات پر زور دیا کہ مال برداری، مسافروں اور ریلوے کے اثاثوں کی حفاظت کو یقینی بنانے کے لیے جدید طریقوں کی ضرورت ہے تاکہ مستقبل کے چیلنجوں کا اندازہ لگایا جا سکے اور اس کے مطابق ایک مضبوط سیکیورٹی انفراسٹرکچر تیار کیا جا سکے۔

مسٹر زیویر روشے، ڈائریکٹر آف سیکیورٹی، فرانسیسی ریلوے (ایس این سی ایف) نے جو کہ سیکیورٹی پلیٹ فارم، یو آئی سی کے وائس چیئرمین بھی ہیں، کہا کہ وہ تعمیری بات چیت، خیالات کے تبادلے اور ریلوے سیکورٹی کے شعبے میں بہترین طریقوں سے بھری کانفرنس کے منتظر ہیں۔

کلیدی خطاب نوبل امن انعام یافتہ جناب کیلاش ستیارتھی نے کیا جنہوں نے مندوبین سے بچوں کے لیے دوستانہ پالیسیاں تیار کرنے پر زور دیا اور صنعت کے اراکین پر زور دیا کہ وہ زیادہ ذمہ دار اور اختراعی شراکت داری کے لیے اپنا دامن کشادہ رکھیں۔ انہوں نے اس بات پر زور دیا کہ بچوں کی اسمگلنگ کے گھناؤنے جرم کے خلاف جنگ میں بین سرکاری ایجنسیوں کو کاروبار کے معمول کے ایجنڈے سے اوپر اٹھ کر تیز رفتار طریقے سے کام کرنا چاہیے۔

اس موقع پر آر پی ایف رسالے کا خصوصی یو آئی سی ایڈیشن جاری کیا گیا۔ آر پی ایف رسالے کے خصوصی ایڈیشن میں ہندوستانی اور بین الاقوامی پولیس اور سیکورٹی تنظیموں کے سرکردہ پیشہ ور افراد، سول انتظامیہ اور صنعت کے ماہرین میں دہائیوں کا تجربہ رکھنے والے سینئر عہدیداروں کے مضامین شامل ہیں۔

یہ تقریب مزید علامتی پیشکشوں اور نیٹ ورکنگ کے امکانات کے ساتھ اگلے دو دنوں تک جاری رہے گی۔

*****

U.No:1918

ش ح۔رف۔س ا