কোর্পোরেত এফেয়ার্স মিনিস্ত্রিগী মখাদা ইনভেস্তর ইজুকেসন এন্দ প্রোতেক্সন ফন্দ ওথোরিতি(আই ই পি এফ এ)না তুরিজম দিপার্তমেন্তগা লোয়ন্না শীন্দুনা হয়েং মিজোরমগী আইজোলদা বনাপা হোলদা ইনভেস্তরশিং ৱাখল তাহন্নবা অমৃত কালদা শেন-থুম থাদবগী মতাংদা খঙহন্নবা রাজ্য থাক্কী মীফম অমা পাংথোক্লগনি।

মীফম অদু মিজোরম সরকারগী তুরিজম, স্পোর্তস অমসুং য়ুথ সার্বিসেস, আই অমসুং সি.তিগী মিনিস্তর শ্রী রোবার্দ রোমাৱিয়ানা হৌদোক্কনি। থৌরম অদুদা মিজোরম সরকারগী চীফ সেক্রেতরি দোক্তর রেনু শর্মা অমসুং মিজোরম সরকারগী দি.জি.পি দেবেস চন্দ্র শ্রীভাস্তবানা গেস্ত ওফ ওনরশিং ওইনা শরুক য়াগনি। কোর্পোরেত এফেয়ার্স মিনিস্ত্রিগী জোইন্ত সেক্রেতরি অমসুং আই.ই.পি.এফ.এগী সি.ই.ও অনিতা সাহ অকেল্লা, মিজোরম তুরিজমগী প্রিন্সিপাল সেক্রেতরি শ্রীমতি মনিসা সক্সেনা, আই.ই.পি.এফ ওথোরিতিগী মেম্বর শ্রী গোপাল ভি.কুমারশু থৌরম অদুদা শরুক য়াগনি।

মীফম অদুদা ইন্দিয়া পোস্ত পেমেন্ত বেঙ্ক(আই পি পি বি)না আই.ই.পি.এফ ওথোরিতিগা লোয়ন্না পায়খৎপা নিভেশক দিদি, কম্মন সর্বিস সেন্তরশিংগা আই.ই.প.এফগা লোয়ন্না পায়খৎপা ইনভেস্তর এৱারনেস ভেন অমসুং ৭৫ আইকোনিক ইভেস্তর এৱারনেস প্রোগ্রামশিং হৌদোক্কনি।

শেন-থুম তুংশিনবগী মতাংদা ইনভেস্তরশিং ৱাখল তাহন্নবা থিমদা তোঙান-তোঙানবা তেক্নিকেল সেসনশিং অমসুং কলচরগী থৌরমশিং মীফম মনুংদা পাংথোক্কনি। থৌরম অদুদা শেন-থুমগী ফিবম ফনা লৈনবগী মতাংদা মরুওইবা পাউজেলশিং পুবা বাইক রেল্লি অমশু লমথাগনি।

কোলেজশিংগী মহৈরোয়শিং, শীনফম কয়াগী মীওইশিং, অখঙ-অহৈশিং, সেল্ফ হেল্প গ্রুপশিং, খুৎহৈবশিং, তুরিস্ত ওপরেতরশিং অমসুং মিজোরমগী মীওই কয়া মীফম অদুদা শরুক য়ারবা য়াই।

আই.ই.পি.এফ ওথোরিতিগী মরমদা

শেন থাদরিবা মীওইশিং ৱাখল তাহন্নবা পান্দমদা অমসুং আই.ই.পি.এফ ফন্দশিং ঙাক-শেন্নবা অমসুং অশীন-অরাং তৌনবা পান্দমদা কম্পেনিস এক্ত,২০১৩গী সেক্সন ১২৫গী সব-সেক্সন(৫)গী মখাদা আই.ই.পি.এফ ওথোরিতি লিংখৎখিবনি। মসি মীয়ামদা শেন-থুমগী মরমদা খঙহন্নবা থবক কয়া পাক-শন্না পায়খৎলি।

*****