মন্ত্রীমন্দল

কেবিনেৎনা শেন্থং ওইনা লুপা করোর ৪৮০০ খাকপগা লোইননা শেনবা চহি ২০২২-২৩দগী ২০২৫-২৬ ফাওবগী কেন্দ্রনা স্পোন্সর তৌবা স্কিম - "ভাইব্রেন্ত ভিল্লেজেস প্রোগ্রাম" অয়াবা পীখ্রে

Posted On: 15 FEB 2023 3:51PM by PIB Imphal

ইকাইখুম্নজরিবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কেবিনেৎনা শেন্থং ওইনা লুপা করোর ৪৮০০ খাকপগা লোইননা শেনবা চহি ২০২২-২৩দগী ২০২৫-২৬ ফাওবগী কেন্দ্রনা স্পোন্সর তৌবা স্কিম - "ভাইব্রেন্ত ভিল্লেজেস প্রোগ্রাম" (ভি.ভি.পি.) অয়াবা পীখ্রে।

অৱাং থংবা ঙমখৈদা লৈবা খুঙ্গংশিংগী ব্লোকশিংদা মপুং ওইনা চাউখৎনবা হোৎনবনা শকখঙলবা ঙমখৈ খুঙ্গংশিংদা লৈরিবা মীয়ামগী পুন্সিগী মগুন ফগৎহনলি। মসিনা মীয়াম্বু মখোয়গী পোক্নফম ওইরিবা ঙমখৈগী লমদমশিংদা লৈহন্নবগী পুক্নিং থৌগৎলি অমসুং হায়রিবা খুঙ্গংশিং অসিদগী অতোপ্পা মফমশিংদা য়ুমহোংবগী থবক হন্দোকহন্দুনা ঙমখৈগী সেক্যুরিতী ফগৎহল্লি।

স্কিম অসিনা তঙাইফদবা ইনফ্রাস্ত্রকচরশিং শেমগৎনবগী শেন্থং পীগনি অমসুং লৈবাক অসিগী অৱাং থংবা ঙমখৈ  রাজ্য ৪ অমসুং য়ু.তি. ১গী জিলা ১৯ অমসুং বোরদর ব্লোক ৪৬তা হিংনবগী লম্বী শেম্বা ঙমদুনা মপুং ওইবা চাউখৎপা পুরকপদা মতেং ওইগনি অমসুং ঙমখৈ মফমশিংদা লৈরিবা মী মশীং কায়দনা থম্বা ঙমগনি। অহানবা তাংকক্কী ওইনা খুঙ্গং ৬৬৩বু থৌরাং অসিগী মখাদা লৌখৎকনি।

স্কিম অসিনা অৱাং থংবা ঙমখৈ মফমশিংদা লৈরিবা মফম অদুগী মহৌশাগী মীওইশিং অমসুং ঙমখৈগী খুঙ্গংশিংগী রিসোর্সশিংদা য়ুম্ফম ওইদুনা শেন্মিৎলোন পুরকপা থবকশিং খঙদোক্কনি অমসুং শেমগৎকনি অমসুং স্কিল হেনগৎহনবা অমসুং ওন্ত্রপ্রিনরশিপকী থোংদা সোসিএল ওন্ত্রপ্রিনরশিপ, নহা অমসুং নুপীশিংবু শক্তি পীদুনা অমসুং লোকেল কলচরেল, মহৌশাগী লৌশিংনা লমকোইবশিং চিংশিন্দুনা অমসুং কম্ম্যুনিতী বেজ ওর্গানাইজেসন, কোওপরেতিবস, এস.ঐচ.জি., এন.জি.ও. অসিনচিংবশিংগী খুত্থাংদা ইকো-এগ্রিবিজিনেস পুরক্তুনা "হব অমসুং স্পোক মোদেল"দা লৈরিবা চাউখৎপগী ময়োল শেমগৎকনি।

ভাইব্রেন্ত ভিলেজ এক্সন প্লানশিং অসি গ্রাম পঞ্চায়ৎশিংগী মতেংগা লোইননা জিলা অদুগী এদ্মিনিস্ত্রেসন্না শেমগৎকনি। কেন্দ্র অমসুং রাজ্যগী স্কিমশিং ১০০%দা মথৌ নিংথিনা তৌহনগনি।

মরুওইনা পান্দম থম্লিবা মহৈশিংদি, কুম খুদিংমক্তা ফাওনবা য়াবা লম্বী, থক্নবা ঈশিং, মৈ ২৪x৭ ফংহনবা, - সোলার অমসুং নুংশিৎকী এনর্জীবুনা হেন্না মীৎয়েং চঙগনি, মোবাইল অমসুং ইন্তর্নেত কন্নেক্তিবিতীনি। লমকোইবশিংগী ময়োল, মলতি পর্পজ সেন্তর অমসুং হকশেল অমসুং ৱেলনেস সেন্তরশিং।

মসিদা বোর্দর এরিয়া দিবেলপমেন্ত প্রোগ্রামগা ননশিন্নবগী মতাং লৈরোই।

লুপা করোর ৪৮০০গী শেন্থং অসিগী মনুংদগী লুপা করোর ২৫০০তি লম্বীদা শীজিন্নগনি।

***************



(Release ID: 1899670) Visitor Counter : 133