భారత ప్రభుత్వ సామాజిక న్యాయం , సాధికారతా మంత్రిత్వశాఖ కింద గల దివ్యాంగుల సాధికారాతా విభాగం, దేశవ్యాప్తంగా గల దివ్యాంగ హస్తకళాకారులు, ఎంటర్ ప్రెన్యుయర్ల నైపుణ్యాలను, వారి ఉత్పత్తులను ప్రదర్శించేందుకు ప్రత్యేకంగా ఒక మేళాను నిర్వహించనుంది. ‘దివ్య కళా మేళా ’ పేరుతో జరిగే ఈ మేళాను ముంబాయిలోని ఎంఎంఆర్డిఎ‌‌–1 , బంద్రా కుర్లా కాంప్లెక్స్లో 2023 ఫిబ్రవరి 16 నుంచి ఫిబ్రవరి 25 వ తేదీ వరకు నిర్వహిస్తారు. ఈ మేళా జమ్ముకాశ్మీర్, ఈశాన్య  రాష్ట్రాలతోపాటు దేశంలోని వివిధ ప్రాంతాలకు చెందిన దివ్యాంగ హస్తకళాకారులుల, కళాకారుల నైపుణ్యాలను, వారి ఉత్పత్తులను చేనేత వస్త్రాలు, ఎంబ్రాయిడరీవర్క్లు, ప్యాకేజ్డ్ ఫుడ్ తదితరాలను ప్రజలముందుకు తీసుకురానుంది. ఈ మేళా సందర్శకులకు అద్భుత అనుభూతిని కలిగించనుంది.

200 మందికి పైగా దివ్యాంగ కళాకారులు, వివిధ నైపుణ్యాలు కలిగినవారు , హస్తకళాకారులు, ఎంటర్ప్రెన్యుయర్లు,24 రాష్ట్రాలు, కేంద్ర ప్రాంతాలనుంచి  వచ్చి ఈ మేళాలో పాల్గొంటారు.
వారు తమ నైపుణ్యాలను, ఉత్పత్తులను ఈ మేళాలో ప్రదర్శిస్తారు. గృహా లంకరణ, జీవన శైలికి సంబంధించిన వస్తువులు, దుస్తులు,  స్టేషనరి, పర్యావరణ హితకర ఉత్పత్తులు, పాకేజ్ డ్  ఫుడ్, ఆర్గానిక్ ఉత్పత్తులుల, ఆటబొమ్మలు, బహుమతులు , వ్యక్తిగత అవసరాలకు వాడుకునే వస్తువులు, ఆభరణాలు,      వంటి వివిధ కేటగిరీలలో వారు తమ ఉత్పత్తులను ,నైపుణ్యాలను ప్రదర్శించనున్నారు. వీరి అద్భుత నైపుణ్యాలు, వారి పట్టుదలను ఇందులో చూసి ఆయా ఉత్పత్తులను కొనుగోలు చేయవచ్చు.  పది రోజుల పాటు జరిగే ఈ దివ్యాంగుల కళా మేళా ఉదయం 11 గంటలనుంచి రాత్రి 9 గంటల వరకు తెరిచే ఉంటుంది. ఈ సందర్భంగా పలు సాంస్కృతిక కార్యక్రమాలు కూడా జరుగుతాయి. వీటిలో దివ్యాంగ కళాకారులు, ప్రముఖ వ్యక్తులు పాల్గొంటారు. ఈ ఈవెంట్ సందర్భంగా దేశంలోని వివిధ ప్రాంతాలకు చెందిన, తమకు ఇష్టమైన  ఆహారపదార్థాలను రుచి చూసే అవకాశం ఉంది.
   ఈ దివ్యాంగుల కళామేళాను ఫిబ్రవరి 16 వ తేదీ సాయంత్రం 5 గంటలకు కేంద్ర సామాజిక న్యాయం , సాధికారతా శాఖ మంత్రి డాక్టర్ వీరేంద్ర కుమార్ ప్రారంభిస్తారు. ఈ కార్యక్రమానికి సామాజిక న్యాయం, సాధికారతా శాఖ సహాయమంత్రి శ్రీ రామ్దాస్ అథవాలే హాజరవుతారు. దివ్యాంగుల కళా మేళాను ప్రతి ఏడాదీ పెద్ద ఎత్తున నిర్వహించేందుకు దివ్యాంగుల సాధికారతా విభాగం పెద్ద ఎత్తున ప్రణాళికలు రూపొందిస్తోంది. దీనిని ఢిల్లీ , ముంబాయిలకే పరిమితం చేయకుండా దేశంలోని వివిధ ప్రాంతాలలో  నిర్వహించనున్నారు.

***