মালেমগী কৈথেলশিংদা জি.আই তেগ তৌরবা পোৎথোকশিং য়োন্নবা সরকারনা অকনবা থবকশিং পায়খৎলে ঙসি সংসদতা হংলকপা ৱাহং অমগী পাউখুমদা কম্মর্স অমসুং ইন্দস্ত্রিগী রাজ্য মন্ত্রী শ্রী সোম পারকাসনা ফোঙদোকখ্রে।

ভারতনা মপান্দা পোৎ-চৈ থাদোকপা হেনগৎহন্নবা পান্দমদা ভারতকী ইমপোর্ত অমসুং এক্সপোর্তকী থৌশিলশিং থবক ওইনা পাংথোক্নবগী থৌদাং অসি ভারত সরকারগী কম্মর্স অমসুং ইন্দস্ত্রি মিনিস্ত্রিগী এজেন্সি দাইরেক্তোরেত জেনেরেল ওফ ফোরেন ত্রেদনা ওইরি। তোঙান-তোঙানবা লৈবাকশিংগা লৈনবা ললোন-ইতিক্কী মরীশিং ফগৎহন্নবা মরুওইবা থৌদাং অমা দাইরেক্তোরেত জেনেরেল ওফ ফোরেন ত্রেদনা লৌরি।

তোঙান-তোঙানবা পোৎথোকশিং মপান্দা থাদোকপগী দরকার ওইবশিং ফংহন্নবা অমসুং মালেমগী কৈথেলশিংদা য়োন্নবগী খুদোংচাবশিং ভারতকী এক্সপোর্ত্তরশিংদা পীনবা অমসুং ভারতকী পৌৎথোকশিং য়োকখৎনবা অমসুং ভারত্তগী মপান্দা থাদোকপা হেনগৎহন্নবা সরকারনা এক্সপোর্ত প্রোমোসন কাউন্সিলস লিংখৎলে। কাউন্সিলশিং অসি কম্পেনিস এক্ত/সোসাইতিস রেজিস্ত্রেসন এক্তগী মখাদা নন-প্রোফিদ ওর্গনাইজেসন ওইনা শেম্বনি। হায়রিবা কাউন্সিলশিং অসিগী মথক্তা, সংসদনা পাস তৌখ্রবা অখন্নবা এক্তশিংগী মখাদা এক্সপোর্ত ইন্দস্ত্রি খরনা কম্মোদিতি বোর্দশিং অমসুং এক্সপোর্ত দিবলপমেন্ত ওথোরিতিশিং শেম্লে।

ফেদেরেসন ওফ ইন্দিয়ান এক্সপোর্ত ওর্গনাইজেসন অসি কম্মর্স অমসুং ইন্দস্ত্রি মিনিস্ত্রি অমসুং লনাই ললোন-ইতিক অমসুং ইন্দস্ত্রিনা লিংখৎপা লৈবাক অসিদা ললোন-ইতিক্কী থবক চাউখৎহন্নবা খ্বাইদগী ৱাংবা লুপনি। ভারতকী ওন্ত্রেপ্রেনিউয়রশিং অমসুং এক্সপোর্ত্তরশিং মপানগী কৈথেলশিংদা মতেং পাংবগী থৌদাং লুপ অসিনা লৌরি। লুপ অসি ভারতকী এক্সপোর্ত্তরশিং, কেন্দ্র সরকার, রাজ্য সরকারশিং, ফাইনান্সিএল ইন্সতিতুৎশিং, হিথাংফমশিং, রেলৱেজ, কংফালগী চৎথোক-চৎশিন অমসুং অতোপ্পা মরী লৈনবশিংগী মরক্তা য়াম্না মরুওইবা লুপ অমা ওইনা থবক তৌরি।

হায়রিবা এক্সপোর্ত চাউখৎনবা লৈরিবা লুপশিংনা য়োকখৎলিবা পোৎথোক খরগী মনুংদা কাংলুপ খরদি জি.আই তেগ পীরে। হায়রিবা এক্সপোর্ত চাউখৎনবা লৈরিবা লুপশিং অদুগী মনুংদা ই.পি.সি, কম্মোদিতি বোর্দশিং, এক্সপোর্ত দিবলপমেন্ত ওথোরিতিশিং য়াওনা লুপশিংগী মমিং এন্নেক্সর-১দা য়াওরে।

মালেমগী কৈথেলশিংদা জি.আই তেগ ফংলবা পোৎথোকশিং য়োন্নবা সরকারনা পায়খৎলিবা থবক খর মখাদা লৈরে:

1. 1. এগ্রিকলচরেল এন্দ প্রোসেস ফুদ প্রদক্সস এক্সপোর্ত দিবলপমেন্ত ওথোরিতি(এপেদা)না ভারতকী মিসনশিংগা খুৎশম্নদুনা য়ু.এ.ই, য়ু.এস.এ অমসুং ক্বাতরদা জি.আই ফংলবা লৌউ-শিংউগী পোৎথোকশিং অমসুং চানবা পোৎলমশিংগী ভর্চুএল বয়র সেল্লর মিতশিং পাংথোক্তুনা ভারতকী জি.আই রেজিস্তার তৌরবা পোৎথোকশিং য়োকখৎনবা থবক কয়া পায়খৎলে।
2. 2. জুন ১৭,২০২২দা ব্রুসেলদা লৈবা ভারতকী এম্বেসিগা লোয়ন্না জি.আই ফংলবা হৈনৌ য়োন্নবা অমসুং মহাও তংহন্নবা থৌরম অমা এপেদানা শীন্দুনা ব্রুসেলদা পাংথোকখ্রে। কোপেনহাগেন্দা লৈবা ভারতকী এম্বেসিগা লোয়নন্না জি.আই তেগ ফংলবা হৈনৌ য়োকখৎনবা থৌরম অমা এপেদানা শীন্দুনা দেনমার্ককী কোপেনহাগেন্দা পাংথোকখ্রে।
   3. জি.আই পোৎথোকশিং তোঙান-তোঙানবা লৈবাকশিংদা থাদোক্নবা এপেদানা থবক পায়খৎলে। ২০২১দা য়োনখিবা মমিং লৈরবা জি.আই ফংলবা পোৎথোকশিংগী মনুংদা নাগালেন্দগী য়ু.কেদা থাদোকখিবা নাগা মির্চা(উ মোরোক), মনিপুরদগী য়ু.কেদা য়োনখিবা চাকহাউ, য়ু.কে অমসুং ইতালিদা য়োনখিবা অসামগী চম্প্রা, বেহরেন অমসুং ক্বাতরদা য়োনখিবা নোংচুপ বেঙ্গলদগী জি.আই হৈনৌ মখল অহুম অমসুং বিহারগী জি.আই হৈনৌ মখল অমা য়াওরি।
3. 4. মপান্দা থাদোকপা হেনগৎহন্নবা মপান লৈবাকশিংগী দুকানশিংগা খুৎশম্নদুনা পোৎথোকশিং লৈরিবা লৈবাকশিংগী দুকানশিংদা পোৎথোকশিং য়োকখৎনবা থৌরমশিং এপেদানা শীল্লে।
4. 5. ভারত অমসুং মপান লৈবাকশিংদা জি.আই পোৎথোকশিং য়োকখৎনবা, এক্সপোর্ত প্রোমোসন কাউন্সিল ফোর হেন্দিক্রাফসকী খুৎথাংদা ইন্দিয়া এক্সপোত সেন্তর এন্দ মার্ত, গ্রেতর নোইদাদা, অগস্ত ২৬-২৮, ২০২২দা দি.পি.আই.আই.তিনা শীন্দুনা “ইন্দিয়া জিওগ্রাফিকেল ইন্দিকেসন্স(জি আই) ফিয়ার ২০২২” পাংথোকখ্রে।
5. 6. নবেম্বর ১৪-নবেম্বর ২৭,২০২২ ফাওবা দিল্লিদা পাংথোকখিবা ইন্দিয়া ইন্তরনেসনেল ত্রেদ ফিয়ারদা জি.আই পোৎথোকশিংগী পেভিল্লিয়ন অমা দি.পি.আই.আই.তিনা লিংখৎখি।
6. 7. ভারত মনুং অমসুং মপান লৈবাকশিংদা জি.আই পোৎথোকশিং য়োনবা হেনগৎহন্নবা দি.পি.আই.আই.তিনা শীন্দুনা জি.আই য়োকখৎনবা থৌরমশিং, একজিবিসনশিং, মীফমশিং, বয়র সেল্লর মিতশিং অমসুং ৱার্কশোপশিং পাংথোকখ্রে।

 

 এন্নেক্সর-১

 

জি.আই ফংলবা পোৎথোকশিং য়াওনা লৈবাক অসিদা মপান্দা পোৎ-চৈ থাদোকপা হেনগৎহন্নবা লৈরিবা লুপ খরগী মমিং মখাদা লৈরে:

1. 1. 1. এগ্রিকলচরেল এন্দ প্রোসেস ফুদ প্রদক্সস এক্সপোর্ত দিবলপমেন্ত ওথোরিতি(এপেদা)
      2. এপ্পারেল এক্সপোর্ত প্রোমোসন কাউন্সিল
      3. কার্পেত এক্সপোর্ত প্রোমোসন কাউন্সিল
      4. কাজু এক্সপোর্ত প্রোমোসন কাউন্সিল ওফ ইন্দিয়া
      5. কোফি বোর্দ
      6. কোইর বোর্দ
      7. কাউন্সিল ফোর লেদর এক্সপোর্তস
      8. এক্সপোর্ত প্রোমোসন কাউন্সিল ফোর হেন্দিক্রাফস
      9. জেম এন্দ জ্বেল্লারি এক্সপোর্ত প্রোমোসন কাউন্সিল
      10. হেন্দলুম এক্সপোর্ত প্রোমোসন কাউন্সিল
      11.  ইন্দিয়ান সিল্ক এক্সপোর্ত প্রোমোসন কাউন্সিল
      12. জুত প্রদক্স দিবলপমেন্ত এন্দ এক্সপোর্ত প্রোমোসন কাউন্সিল
      13. রব্বর বোর্দ
      14. সেল্লাক এন্দ ফোরেস্ত প্রদক্স এক্সপোর্ত প্রোমোসন কাউন্সিল
      15. স্পাইসেস বোর্দ
      16. কত্তন তেক্সতাইল এক্সপোর্ত প্রোমোসন কাউন্সিল
      17. তি বোর্দ
      18. হেন্দিক্রাফ বিজিনেসন প্রোমোসন

(Release ID: 1898123) Visitor Counter : 111