প্রধানমন্ত্রীগী লোইশঙ
পি.এম.না লখনৌদা উত্তর প্রদেশ গ্লোবেল ইনভেস্তর্স সম্মিৎ ২০২৩ হৌদোকখ্রে
গ্লোবেল ত্রেদ শো হৌদোকখ্রে অমসুং ইনভেস্ত য়ু.পি. ২.০ লোঞ্চ তৌখ্রে
ইন্দস্ত্রীগী লুচিংবশিংনা প্রধান মন্ত্রীগী লুচিংবগী গুন অমদি উত্তর প্রদেশতা লাক্লিবা গ্রোথকী খুদোংচাবা অসিবু থাগৎখ্রে
“হৌজিক উত্তর প্রদেশ অসি অফবা গভর্নান্স, অফবা লো এন্দ ওর্দর, ফীভম, শান্তি অমসুং তংদু লৈতাবগীদমক খঙনরি”
“ঙসি য়ু.পি.না আশা অমদি ইথিলগী হৌরকফম অমা ওইরক্লি”
“লৈবাক্কী প্রজা খুদিংমক্না চাউখৎপগী লম্বেলদা চৎপা অমসুং ‘বিক্ষিৎ ভারত’ অমা উবা পাম্লি”
“ঙসি ভারতনা কমপলজনগী মহুৎ কনভিক্সন্না মরম ওইরগা রিফোর্মশিং পুরক্লি”
“উত্তর প্রদেশ অসি অনৌবা ভেল্যু অমদি সপ্লাই চেন শেমগৎপগী মতাংদা লাকপা মতমদা চেম্পিয়ন অমা ওইখি”
“দবল-ইঞ্জিন সরকারগী ফিরেপ অমসুং উত্তর প্রদেশকী ওইথোকপা য়াবশিং অসিদগী হেন্না ফবা পার্তনরশিপ অমা লৈরোই”
Posted On:
10 FEB 2023 1:03PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি লখনৌদা উত্তর প্রদেশ গ্লোবেল ইনভেস্তর্স সম্মিৎ ২০২৩ হৌদোকখ্রে। মহাক্না গ্লোবেল ত্রেদ শৌসু হৌদোকখি অমদি থৌরম অসিদা ইনভেস্ত য়ু.পি. ২.০ লোঞ্চ তৌখি। উত্তর প্রদেশ গ্লোবেল ইনভেস্তর্স সম্মিৎ ২০২৩ অসি উত্তর প্রদেশ সরকারগী ফ্লেগশিপ ইনভেস্তমেন্ত সম্মিৎ অমনি, মসিনা পুন্না বিজিনেসকী খুদোংচাবশিং থীদোক্নবা অমসুং পার্তনরশিপ তৌনবা মালেম শিনবা থুংবদা লৈরিবা পোলিসী মেকরশিং, ইন্দস্ত্রীগী লুচিংবশিং, একাদেমিয়াম থিঙ্ক তেঙ্কশিং অমদি লুচিংবশিংবু অমত্তা ওইনা পুনশিনগনি। প্রধান মন্ত্রী দিস্প্লে তৌরিবা একজিবিসন অদুসু চৎতুনা য়েংখি।
থৌরম অদুদা ৱা ঙাংলদুনা ইন্দস্ত্রীগী লুচিংবা, শ্রী কধমার মঙ্গলম বিরলানা হায়খি মদুদি ভারতনা শীংথানীংঙাই ওইবা ওন্তপ্রিনোরিএল দাইনামিজম অমসুং ইন্নোভেসন উৎলি অমসুং লৈবাক্কী ইকনোমিক লেন্দস্কেপতা অনৌবা ইনোৎ হাপ্পগীদমক প্রধান মন্ত্রীবু থাগৎখি। শ্রী মুকেশ অম্বানিনা হায়খি চহি অসিগী চহি বজেৎ অসিনা ভারতপু চাউখৎপা ভারত অমা ওইহন্নবগী য়ুম্ফম থোনখি। মহাক্না হায়খি মদুদি কেপেক্স এক্সপেন্দিচরগী চাউনা এল্লোকেসন তৌবনা শেন্মীৎলোনগী শাহৌ অমদি খুন্নাইগী য়াইফ-থৌরাং হেনগৎহনবা ঙমগনি। মহাক্না হায়খি প্রধান মন্ত্রীগী লুচিং মখাদা লৈবাক অসিদা চাউনা অওনবা পুরকখি অমসুং প্রধান মন্ত্রীগী মঙলান অমদি শক্তি লৈবা অনৌবা ভারত অমা ওইহন্নবা থৌরাং লেসরগুম্না অকনবা মীৎয়েং চংদুনা মসিগী মখাদা মখোঙ শোম্লি। উবা ঙম্বা লুচিং মখাদা ভারতনা খোঙজেল য়াংনা চাউখৎলিবা ইকনোমী অমা ওইনবা ফীভম অমা শেমখি। “ইকনোমিক গ্রোথ খক্তা নত্তনা প্রধান মন্ত্রী ৩৬০-দিগ্রী দিবেলপমেন্ত পুরক্নবা হোৎনখি”। মহাক্না হায়খি বজেৎ অসিদা তৌরিবা এল্লোকেসনশিং অসিনা ইনফ্রাস্ত্রকচর অমসুং কঞ্জুম্পসননা লমজিংবা গ্রোথ লৈহনবা ঙমগনি অমসুং ঐখোয়না খুঙ্গংদা শাহৌ লৈবা উবা ফংগনি। জুরিচ এয়রপোর্তকী সি.ই.ও. দেনিএল বির্চরনা হায়খি জুরিচ এয়রপো্তনা মাগী ৭৫শুবা কুমওন অসি ভারতনা নীংখা তম্বগী ৭৫শুবা কুমওনগা লোয়ননা পাঙথোক্লি। মহাক্না হায় ভারতকী লোয়ননা মতম শাংনা পার্তনরশিপ তৌদুনা জুরিচ এয়রপোর্তনা দিকেদ অনিগী মমাংদগী বেঙ্গলুরু এয়রপোর্ত শেমগৎপদা তেংবাং পীখি অমসুং হৌজিক্না নোইদা ইন্তর্নেস্নেল এয়রপোর্ত শেমগৎলি। মহাক্না য়মুনা এক্সপ্রেসৱেগা লোয়ননা নোইদা ইন্তর্নেস্নেল এয়রপোর্তকী দাইরেক্ত কন্নেক্তিবিতীগী মতাংদা ফোঙদোকখি। দিক্ষন তেক্নোলোজীজকী চিয়রমেন, শ্রী সুনিল বচানিনা হায়খি ভারত্তা য়োনখিবা মোবাইল ফোনশিংগী ৬৫%রোমদি উত্তর প্রদেশতা শাবনি অমসুং উত্তর প্রদেশ সরকারগী দাইনামিক পোলিসীশিংনা মসিবু মেন্যুফেকচরিং হব অমা ওইহল্লি হায়না থাগৎখি। মহাক্না হায় ঙসি দিক্ষন তেক্নোলোজীজনা দোলর বিলিয়ন ১০০রোমগী মোবাইল ফোনশিং এক্সপোর্ত তৌনবা হোৎনরি। ইন্দস্ত্রীগী লুচিংবা পুম্নমক্না উত্তর প্রদেশতা লৈরিবা খুদোংচাবশিং অসিদা থাজবা উৎখি।
থৌরম অদুদা ৱা ঙাংলদুনা প্রধান মন্ত্রীনা ইনভেস্তর কম্ম্যুনিতী, ইন্দস্ত্রীগী লুচিংবশিং পোলিসী মেকরশিংবু প্রধান মন্ত্রী ওইনা অমদি উত্তর প্রদেশকী মেম্বর ওফ পার্লিয়ামেন্ত ওইনা তরাম্না ওকখি।
প্রধান মন্ত্রীনা হায়খি উত্তর প্রদেশকী লমদম অসি মাগী নাৎকী ফজবা, মতিক-ময়াই লৈবা পুৱারী অমসুং ফজরবা হেরিতেজকীদমক খঙনৈ। রাজ্য অসিগী তৌবা ঙম্বশিংগী মতাংদা প্রধান মন্ত্রীনা চাউখৎপা ৱাৎপা, বিমারু অমসুং ফত্তবা লো এন্দ ওর্দরগী ফীভম অসিগুম্বা পামদবা মীথোলশিংগা উত্তর প্রদেশকা মরী লৈনরিবা অসিদা মীৎয়েং চীংশিনখি। মহাক্না মমাংদা নুমিৎ খুদিংগী লুপা করোর লিশিং কয়াগী স্কেমশিং চত্থখিবা অদুগী মতাংদসু ফোঙদোকখি। প্রধান মন্ত্রীনা হায়খি চহি ৫-৬কী মনুংদা উত্তর প্রদেশনা অনৌবা শক্তাক অমা শেমজখি। হৌজিক উত্তর প্রদেশ অসি অফবা গভর্নান্স, অফবা লো এন্দ ওর্দর, ফীভম, শান্তি অমসুং তংদু লৈতাবগীদমক খঙনরি। প্রধান মন্ত্রীনা মখা তারদুনা হায় “মফম অসিদা ৱেলথ ক্রিএতরশিংগীদমক অনৌবা খুদোংচাবশিং পীরি”। প্রধান মন্ত্রীনা হায় য়ু.পি.দা শেমগৎলিবা অফবা ইনফ্রাস্ত্রকচরগী থৌশিলশিং অসি মহৈ য়ানবা হৌরে। মহাক্না হায় য়াম্না অথুবদা য়ু.পি. অসি ইন্তর্নেস্নেল এয়রপোর্ত ৫ লৈবা অমত্তা ঙাইরবা রাজ্য ওইনা খঙনরগনি। ফ্রৈৎ কোরিদোরনা রাজ্য অসিবু মহারাস্ত্রগী সমু্দ্র মপালগা হকথেংননা শম্নহল্লগনি। প্রধান মন্ত্রীনা হায়খি ইজ ওফ দুইং বিজিনেস লৈহন্নবগীদমক য়ু.পি.দা সরকারগী ৱাখল্লোন্দা অফবা অহোংবা অমা লাকখি। মহাক্না হায়, “ঙসি য়ু.পি. অসি আশা অমসুং ইথিলগী হৌরকফম অমা ওইরে”। মহাক্না হায় য়ু.পি. অসি মালেমগী ফম্পাক্তা ভারতনা অফবা মফম অমা কনবা অদুগুম্না লৈবাক অসিগী অফবা মফম অমা কল্লি।
প্রধান মন্ত্রীনা হায়খি মদুদি মালেমগী ক্রেদিবল ভোইস খুদিংমক্না ভারতকী ইকনোমীগী হায়গৎলক্লিবা লম্বী অসিদা থাজবা থম্লি মরমদি মসিনা লাইচৎ অমসুং লানগী শীংনবা মরক্তা মপাঙ্গল কল্লি উৎপা খক্তা নত্তনা খোঙজেল য়াংনা রিকবরী তৌরি।
প্রধান মন্ত্রীনা ভারতকী খুন্নাইগী ৱাখল্লোন অমদি অনীংবশিংদা অমদি ভারতকী নহারোলদা অচৌবা অহোংবা লাকপা উবা ফংখি। মহাক্না হায়খি লৈবাক্কী প্রজা খুদিংমক্না চাউখৎপগী লম্বীদা চৎপা অমদি তুংদা লাক্কদবা মতমশিংদা ‘বিক্ষিৎ ভারত’ অমা উবা ফংবা পাম্লি। মহাক্না হায়খি ভারতকী খুন্নাইগী অনীংবশিং অসিনা সরকারগী দ্রাইবিং ফোর্স ওইরি মসিনা লৈবাক অসিদা পাইখৎপা চাউখৎ-থৌরাংগী থবকশিংদা শাহৌ পীরি। উত্তর প্রদেশকী পাকচাউবা অমদি মীশিং অসি য়েংলগা প্রধান মন্ত্রীনা ইনভেস্তরশিংদা ভারতকুম্না য়ু.পি.দসু এস্পিরেস্নেল সোসাইতীনা নখোয়বু ঙাইরি হায়না ফোঙদোকখি।
প্রধান মন্ত্রীনা হায়খি দিজিতেল রিভোল্যুসননা মরম ওইদুনা উত্তর প্রদেশকী খুন্নাই অসি ইনক্লুসিব অমসুং কন্নেক্তেদ ওইরকখি। মহাক্না হায়, “মার্কেৎ অমা ওইনা ভারত্তা অপনবা লৈতে। প্রোসিজরশিং লাইথোকহনখি। ঙসি ভারতনা কমপলজনগী মহুৎ কনভিক্সন্না মরম ওইরগা রিফোর্মশিং পুরক্লি”।
প্রধান মন্ত্রীনা হায়খি ঙসি ভারতনা স্পীদ অমদি স্কেলগী লম্বেলদা চংশিল্লি। য়াম্না চাউরবা শরুক অমগী তঙাই ফদবা মথৌ তাবশিং থুংহনবগা লোয়ননা মখোয়না মাংদা চংশিন্নবা ৱাখল খল্লি। মসি ভারত্তা থাজবা থম্নবগী খ্বাইদগী চাউবা মরমনি।
বজেৎকী মতাংদা ৱা ঙাংলদুনা প্রধান মন্ত্রীনা ইনফ্রাস্ত্রকচরগীদমক এল্লোকেসন হেনগৎলক্লি অসি ফোঙদোকখি অমসুং হেল্থ, এজুকেসন অমসুং সোসিএল ইনফ্রাস্ত্রকচরদা ইনভেস্তরশিংগী লৈরিবা খুদোংচাবশিংগী মতাংদা ৱা ঙাংখি। মতৌ অদুম্না মহাক্না ইনভেস্তরশিংদা ভারতনা চৎলিবা গ্রীন গ্রোথকী লম্বেল অসিদা লৈরিবা খুদোংচাবশিংগী অসি লৌনবা হায়খি। মহাক্না হায় চহি অসিগী বজেৎতা ইনর্জী ত্রাঞ্জিসন খক্তগী লুপা করোর ৩৫,০০০ এল্লোকেৎ তৌখি।
প্রধান মন্ত্রীনা হায় উত্তর প্রদেশ অসি অনৌবা ভেল্যু অমদি সপ্লাই চেন শেমগৎপগী মতাংদা লাকপা মতমদা চেম্পিয়ন অমা ওইখি। মহাক্না রাজ্য অসিদা লৈরিবা ত্রেদিস্নেল অমসুং মোদর্ন এম,এস.এম.ই.গী অচৌবা নেৎৱার্ক্কী মতাংদা পনখি অমদি য়ু.পি.বু ভারতকী তেক্সতাইল হব ওইহনখিবা ভাদোহি অমসুং বারানসীগী মুগাগী খুদম পীখি। মহাক্না হায় ভারতকী মোবাইল ফোনশিংগী চাদা ৬০ লোয়ননা অয়াম্বা মোবাইলগী মচাকশিং অসি য়ু.পি.দা শাই। লৈবাক অসিদা দিফেন্স কোরিদোর অনি য়ু.পি.দা শেমগৎলি। প্রধান মন্ত্রীনা হায়খি সরকারনা মেদ ইন ইন্দিয়া দিফেন্স সিস্তেমশিং অমসুং প্লেৎফোর্মশিং ইন্দিয়ন আর্মীদা পীনবা ফিরেপ লৌখি।
প্রধান মন্ত্রীনা দাইরি, লৌউ-শিংউ, ফিশরীজ অমসুং ফুদ প্রোসেসিংগী মতাংদা উত্তর প্রদেশতা খুদোংচাবশিং লৈ হায়খি। মহাক্না ইনভেস্তরশিংদা ফুদ প্রোসেসিং ইন্দস্ত্রীগী পি.এল.আই.গী মরমদা হায়খি। প্রধান মন্ত্রীনা সরকারনা লৌমীশিংদা ইনপুৎতগী হৌরগা পোস্ত-হরভেস্ত মেনেজমেন্তদা অপনবা লৈতনা মোদর্ন সিস্তেম অমা ফংহন্নবা লৌখিবা ফিরেপকী মতাংদা নৌহৌননা নীংশিংহনখি। মহাক্না অপীকপা ইনভেস্তরশিংনা এগ্রি-ইনফ্রা ফন্দশিং শীজিন্নবা য়াগনি হায়খি।
ক্রোপ দাইভর্সিফিকেসন, লৌমীশিংদা অহেনবা রিসোর্সশিং ফংহনবা অমসুং ইনপুৎকী মমল হন্থহনবগী মতাংদা ৱা ঙাংলদুনা প্রধান মন্ত্রীনা হায় মহৌশাগী লৌউ পথাপতা মীৎয়েং চংলি। মহাক্না হায় য়ু.পি.দা গঙ্গাগী তোর্বানগী নাকল অনিমক্তা কিমি ৫দা মহৌশাগী লৌউ পথাক পাইখৎপা হৌখ্রে। মহাক্না বজেৎ অসিদা বাইও-ইনপুৎ রিসোর্স সেন্তর লিশিং ১০গী মতাংদা পনখি। মিল্লেৎকী ন্যুত্রিস্নেল ভেল্যূনা মসিবু ভারতকী শ্রী অন্ন কৌহনখি হায়রদুনা প্রধান মন্ত্রীনা ভারতকী শ্রী অন্ননা গ্লোবেল ন্যুত্রিস্নেল সেক্যুরিতীগী মথৌ তাবশিং কোকহনবগী সরকারগী খোঙথাংশিং অদুগী মতাংদা ফোঙদোকখি। মহাক্না হায় ইনভেস্তরশিংনা রেদী-তু-ইৎ অমসুং রেদী-তু-কুক শ্রী অন্নাদা খুদোংচাবশিং ফংগনি।
প্রধান মন্ত্রীনা রাজ্য অসিদা পাইখৎলিবা এজুকেসন অমসুং স্কিল দিবেলপমেন্তগী চাউখৎ থৌরাংদা মীৎয়েং চংখি। মহাক্না মহায়োগি, গুরু গোরাখনাথ আয়ুশ য়ুনিভর্সিতী, অতল বিহারি বজপায়ী হেল্থ য়ুনিভর্সিতী, রাজা মহেন্দ্র প্রতাপ সিংহ য়ুনিভর্সিতী অমসু মেজর ধ্যান চন্দ স্পোর্তস য়ুনিভর্সিতী অসি তোঙান-তোঙানবা মখলগী স্কিলশিং লৈহনগদবা ইন্সতিত্যুসনশিংনা হায়না ফোঙদোকখি। মহাক্না হায় স্কিল দিবেলপমেন্ত মিসনগী মখঅদা নহারোল লাখ ১৬ হেন্না ত্রেন তৌখ্রে।
মহাক্না য়ু.পি. সরকারনা পি.জি.আই. লখনৌ অমসুং আই.আই.তি. কানপুরদা আর্তিফিসিএল ইন্তেলিজেন্সকা মরী লৈনবা কোর্সশিং হৌখি হায়না ফোঙদোকখি অমসুং রাজ্য অসিনা লৈবাক্কী স্তার্তঅপ রিভোল্যুসন্দা থৌদাং লৌবা হেনগৎলক্লি হায়খি। মহাক্না হায় য়ু.পি. সরকারনা ইনক্যুবেতর ১০০ অমসুং স্তেৎ ওফ দি আর্ত সেন্তর অহুম লাক্কদৌরিবা চহিশিংদা লিংখৎনবা পান্দম অমা থমখি মদিনা অচৌবা তেলেন্তকী পুল অমসুং স্কিল লৈবা নহারোলশিং শেমগনি।
ৱারোল পীবা লোইশিনবদা প্রধান মন্ত্রীনা দবল-ইঞ্জিন সরকারগী ফিরেপ অমসুং উত্তর প্রদেশজূ রাজ্য অসিদা লৈরিবা ওইথোকপা য়াবশিং অসিগী মরক্তা শক্তি লৈবা পার্তনরশিপ অমা লৈ হায়খি। মহাক্না ইনভেস্তরশিং অমসুং ইন্দস্ত্রীগী লুচিংবশিংদা মতম মাংহনদনা অমসুং চাউখৎপগী শরুক অমা ওইনবা হায়খি। প্রধান মন্ত্রীনা লোইশিনবদা হায়, “মালেমগী চাউখৎপা হায়বা অসি ভারতকী চাউখৎপগী মখা পোল্লি অমসুং চাউখৎপগী খোঙচৎ অসিদা নখোয়না শরুক য়াবা য়াম্না মরু ওই”।
থৌরম অসুদা উত্তর প্রদেশকী রাজ্যপাল, শ্রীমতি অনন্দিবেন পতেল, উত্তর প্রদেশকী মুখ্য মন্ত্রী শ্রী য়োগী অদিত্যনাথ, কেন্দ্রগী ঙাকশেল মন্ত্রী, শ্রী রাজনাথ সিংহ, উত্তর প্রদেশ সরকারগী মন্ত্রীশিংম ফোরেন দিগনিতরীশিং অমসুং ইন্দস্ত্রীগী লুচিংবশিংনা শরুক য়াখি।
বেকগ্রাউন্দ
ফেব্রুৱারী ১০-১২দা পাঙথোক্নবা মতম লেপখিবা উত্তর প্রদেশ গ্লোবেল ইনভেস্তর্স সম্মিৎ ২০২৩ অসি উত্তর প্রদেশ সরকারগী ফ্লেগশিপ ইনভেস্তমেন্ত সম্মিৎনি। মসিনা মালেম শিনবা থুংবদা লৈরিবা পোলিসি মেকরশিং, ইন্দস্ত্রীগী লুচিংবশিং, একাদেমিয়া, থিঙ্ক-তেঙ্কশিং অমসুং লুচিংবশিংবু বিজিনেসকী খুদোংচাবশিং পুন্না থীদোক্নবা অমসুং পার্তনরশিপশিং তৌনবা পুনশিনগনি।
ইনভেস্তর য়ু.পি. ২.০ অসি ইনভেস্তরশিংদা মরী লৈনবা, নীংথিনা লেপথোক্লবা, স্তেন্দর্দাইজ সর্ভিসশিং ফংহন্নবা হোৎনরিবা পুম্নমক শুনা য়াওবা, ইনভেস্তরদা মীৎয়েং থম্বা অমসুং সর্ভিস্তা য়ুম্ফম ওইবা উত্তর প্রদেশকী ইনভেস্তমেন্ত ইকোসিস্তেম অমনি।
*****
(Release ID: 1898059)
Visitor Counter : 153
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam